اللقاء المفتوح

زيوت لتقوية وتطويل وترطيب الشعر
زيت الجوجوبا+زيت الخزامى+زيت السالمية+زيت اللوز كناخذ منها كميات متساوية مثلا لي عندها الشعر كثيف تاخذ ربع كاس من كل نوع نخلطوهم ونشققو بيهم الشعر بشيتة ديال الاسنان نحكو بيها جدر الخصلة ويمكن ان تستعمل هذه الوصفة للصغار لي عندهم الشعر خفيف هذا ما قالت الاخت ربيعة صاحبة
الوصفة

ترطيب اليدين

1 م ك زيت البلدية
1 م ك عصير الحامض
1/2 كاس الماء
نديرو الماء على النار حتى يغلى ونضيفو الحامض والزيت غير يغلاو نزولوهم من النار ونتركوهم يبردو وندلكو بيه اليدين تم نغسلوهم ونديرو كريم مرطب



الخلايا المية فى الوجه

بطاطا مسلوقة
1/2 كاس الحليب

نطحنوهم فى الخلاط الكهربائى وندهنو الوجه بالخليط يبقى حتى ينشف ونزولوه بعملية الكوماج يغسل عادى
يحتفظ بالباقى فى التلاجة

وصفة للاكزيما
نقليو البصلة في زيت العود تصفى نضيف ليها نفس المقدار منزيت الخروع تعمل هاذ الزيوت في قرعة يدهن بها مكان الاكزيما بالليل وفي الصباح تغسل مدة اسبوع الاكزيما تتختفي

هجر من طنجةRatatouille

المقادير :
1/2 كاس صغير زيت
بصلة مشلظة
فلفلة مكعبات
دنجال مكعبات
بطاطا مكعبات
قرعة خضراء مكعبات
مطيشة محكوكة
ملح - ابزار - خرقوم بلدي - تحميرة - شوية الحار حسب الاختيار
ضامة البنة غلمي - ربيع مخلط قزبور و معدنوس - 1/2 كاس ماء صغير

الطريقة :
في كوكوط نعمل البصلة تشحر مع الزيت حتى تدبال نزيدو عليها فلفلة حتى تقلى شوي نزيدو عليها الدنجال نتسناو عليه حتى تشحر شوية نزيدو القرعة حتى تشحر حتى هي عاد نزيدو البصاطا تشحر شوي ثم نزيدو مطيشة محكوكوة و باقي العناصر ثم الماء نسدو عليها الكوكوط ملي تصفر نقصو العافية و نخلوها 1/4 ساعة و نطفيو عليها.

وصفات الجمال من عند مليكة مناصيف خبيرة التجميل

هاد الاسبوع عن حب الشباب

1) بخار الخزامة ولويزة مفيد للبشرة وممكن نديرو غير الخزامة

2) للبشرة الدهنية تنديرو ليها الطين الاخضر حتى ينشف على الوجه او نخلطوه مع شوية العسل او تفاحة مطحونة
نمسحو الوجه بقطن مبلل بماء الخزامة

نصائح
1/ ملابس البيضاء الى كان فيهم les taches ديال القهوة نرقدهم ليلة في الخل

2/لازالة كحولية من موقد النار نحكهم بالبصلة

3/ قراعي زجاج اللي فيهم ليدام ديال الزيت نعمل فيهم تفل القهوة والخل والماء ونخلهم ليلة عاد نغسلهم


4/ نوضع سودانية في ملابس الصوفية باش يتقاصوش بالتونية

لترقاد الزيتون المفرشخ
ناخد كمية من الزيتون الأخضر ونديروه في ميكة ونضربوه بشي حجرة ونوضعوه في بيدو 5 لترو ونعمرو عليه الماء ونبدلو ليه الماء يوميا حتى يطيب ونزيدو ليه الأرنج ( الليمون المر) والماح الغليظة
الزيتون الأسود
ناخدو بيدو كبيرة ونديرو فرشة الزيتون الأسود وفرشة الملح الغليظة حتى نكملو الكمية لي عندنا ونخليو الفراغ مانعمروش البيدو كامل ومرة مرة نحركوه ومانحلوش عليه مدة شهر ونص من بعد شهر ونص نغسلوه بالماء ونشروه في الشمس وندهنوه بالزيت الرومية ونرشو عليه شوية الملح وممكن تاخدي كمية وتنسميها بالزعتر و الثومة والمعدنوس

نصائح اليوم من عند السيدة لطيفة من المحمدية
اعطاء نكهات خاصة للاكل
*الرفيسة
الى بغينا نكهة الحلبة و ما بغيناهاش تكون مجهدة مانديروهاش في المرق ديال الرفيسة و لكن نخليوها حتى الاخير منين نقطعو التريد او المسمن قبل مانسقيوه نديروه يفور فالكسكاس و نديرو الحلبة فالماء اللي فالبرمة بهاد الطريقة كيجي المسمن منسم بالحلبة واخا ماكايناش في المرق

*لاعطاء نكهة خاصة للسفة ديال الشعرية نديرو اعواد ديال القرفة في الماء اللي غدي تفور فيه

*لاعطاء نكهة للسفة ديال الروز نديرو فالماء اللي كيفور فيه الباديانة (النافع نجيمات)

*بالنسبة للشعرية الصينية نديرو ورقة سيدنا موسى

*الكسكسو نديرو معاه مزاود ديال الحار و نفوروهم معاه فالكسكاس و فينما بغينا نرشو الكسكسو نزولوهم حتى نرشوه ثم نعاودو نديروهم وسط الكسكسو و نرجعوه للكسكاس يفور



*باش تولي اواني الفضة كتبري نحكوها بالجيكس ناشف و نديرو معاه شوية الملحة كتولي بحالا جديدة

*باش مايتبدلش المذاق ديال القهوة فالتيرموس منين نساليو من القهوة نعمرو التيرموس بالماء طايب و نخليوه شوية ثم نخويوه و نديرو فيه عود ديال القرفة او القرنفل و نسدوه و نخليوه

*التيرموس ديال الحليب منين نغسلوه نعمروه بالماء طايب و نخليوه شوية ثم نكبو الماء و نديرو كموسة ديال الفورص وسط التيرموس و نسدوه باحكام و نخليوه

*باش نوجدو القهوة و حليب بسرعة عوض مانديرو الماء في الكوكوت ديال القهوة نديرو الحليب و الفوق فالصفاية نديرو القهوة و نسدو

*باش تكون عندنا الشيبة على طول العام منين نشريوها ننقيوها و نغسلوها بالماء بارد ثم نديروها تغلي مع الماء و منين تطلق فيه نزولوه و نخليوه يبرد ثم نديرو الماء في قوالب الثلج و نديروهم في المجمد و فينما بغينا اتاي بالشيبة ندبرو مكعب ديال ماء الشيبة و سط البراد

*باش تكون عندنا ريحة زوينة في المنزل نحكو الاوراق ديال النباتات الاصطناعية اللي عندنا بالمسك و مرة مرة نرشوهم بمعطر الجو

*لازالة البرودة و الروائح من الحمام نديرو طريفات ديال الفاخر فالحمام و حتى في البلاكارات

*البلاطوات اللي كنشريو فيهم الاكل من السيبيرمارشي يمكن نستعملوهم للتزيين منين نساليو منهم نصبغوهم واخا غير بالصباغة ديال الاظافر و نديرو فيهم الورد او الخزامى منهم زينة و منهم رائحة زوينة في المنزل

*و بالنسبة للشبكات اللي كنشريو فيهم الخضر او اي منتوجات نديرو فيهم الثومة او اوراق سيدنا موسى او ضامات البنة و نعلقوهم فالكوزينة منهم زينة و منهم مايتلفوش لينا



ادا اردنا تنضيف الزربية علينا رش الملح عليها وتركه بعض الوقت بعد ذلك ناخد الشيتة الخاصة بالتصبين اي صلبة قليلا ثم نبدا في كنس الزربية وستظهر لك النتيجة الملح سيزيل كل الاوساخ العالقة بها.

دواز أتاي بالفلان ـ ـ 05/01/2011

4 بيضات
250غ زبدة
2 كيسان زيت
2 كيسان سنيدة
خمارة
فاني
2 فلان فريز
الطحين حسب الخليط
المرشم فحال الرمز ديال الدوزيم و10 درهم عقيق ديال الحلوة

نخلط المقادير و نديرها كويرات صغار نفندهم في السنيدة و نحطهم فالطاوة مدهونة عاد نورك عليها بالمرشم و ندير العقيقة فالوسط نورك على العقيقة شوية باش تتبث و ندخلها الفرن

صابلي مزين بالحليب المركز ـ 05/01/2011

250 غ زبدة
3 بيضات
نصف كاس سكر كلاصي
ربع كاس زيت
قبصة ملح
1 فاني
نصف خمارة
الطحين حسب الخليط
للتزيين :
125 غ كركاع
125 غ لوز
علبة نستلي

نديرو الحليب المحلى في الكوكوط باش نحصل على كراميل
نحمر الكركاع و نطحنوه
نسلق اللوز نفسخوه و نقليوه و نهرمشوه
نخلط العجينة و نرققها مزيان و نقطعها بالقطاعة وونطيبوها
كنشد الحك ديال الحليب نقسموه على 2
النصف الاول كنخلطوه مع الكركاع ونلصق به الصابلي وحدة على وحدة و النصف الثاني من الحليب كندهن به الصابلي من فوق و نرشه باللوز المهرمش

للحد من تشققات البطن للمرأة الحمل ـ 04/01/2011 ـ ربيعة



مغلى السالمية نخليوه حتى يثلج مزيان ونغسل بيه الجسم او نمسح غير بالقطن نستعمله يوميا فى اي وقت وكخلك يجب أن تكون الخطوط جديدة ، النتيجة خلال شهر

ماسك قبل الحمام لمقاومة الكلف ـ 04/01/2011 ـ ربيعة



يجب الابتعاد عن الشمس خاصة بين 10 صباحا حتى 3 بعد الزوال
وكذلك الابتعاد عن الماكياج والفوندوتان خصوصا 3 الاشهر الاولى

الماسك :

1كاس صغير زيت الزنجلان
1كاس صغير زيت اللوز
صابونة طبيعية محكوكة او صابونة ديال لكليسيرين
1/2 كاس صغير ماء الورد
علبة كريم مرطب

فى الليل نرقد الصابونة المحكوكة فى ماء الورد وفى الصباح نديروها على نار مهيلة ونحرك بمعلقة خشب ملي يقرب يغلى نضيف الزيوت والكريمة حتى يصبح متل لاكريم نحتفظ به في قرعة زجاج معقمة
ندهن به الجسم والوجه يبقى4 ساعات عاد تدخل للحمام فى الاول تمسح بكيس الفوطة مبلل عاد تغسل السواد كيختفى شوية بشوية ممكن هاد الوصفة تستعمل حتى 4 مرات فى الاسبوع وتلبس شي لباس ماتكونش محتاج

صباح النور عليكم كاملين
نصائح اليوم لعطات ضيفة نادية الناي الأخت فاطمة الزهراء من الرباط
كتبتهم ليكم وخى أنا في الخدمة ههههه

1 الفطويات ديال الكوير باش يخرجو كيلمعوـ نطربو بياض بيضة ونخلطو
معاه القشور ديال اليمون ونضفو بيهم الفطويات ونعاودو نمسحوهم بمنديل
نقي 2 مرات أو3 كيخرجو كيلمعو

2 الدجاج لبغينا نحمروه نخلطو معلقة ديال لاموطارد وشوية تحميرة والزبدة
ونطليو بيه الدجاج وندخلوه يتحمر قالت كيجي غزال ومقرمش

3 الكفتة باش تجي رطبة وبنينة وفيها الماء كنضيفو ليها بطاطة صغيرة محكوكة
ونشويوها أو نقليوها

4 الطبايع أو الوسخ ديال الزليج كنضفوه بالماء ديال البطاطة مسلوقة كيخرج
كيلمع

4 الحوايج إلى طلقو لينا في بعضياتهم كنعملوهم في الماء مغلي وعصير الحامض
ومسحوق الغسيل وخمارة ديال الحلوة ونخليوهم 3 سوايع عاد نشللوهم كيخرجو
كيلمعو

تتمة النصائح

5 الريوس ديال البوطة ديال النحاس كنطليوهم بالماء ديال الترنج ونرجعو
نحكوهم كيخرجو كيلمعو

6 البقاية ديال الخبز كنفرتوه طريفات وعملوه في الحليب بارد ونضيفو عليه
سكر وندهنو المول بالزبدة ونخويو فيه الخليط ونحكو فوق منو 500 دراهم
ديال الفرماج وندخلوه يطيب قالت كيجي هائل وكيبغيوه الوليدات

7 باش نضفو زليج الكوزنا أو الحمام كنخلطو كاس ديا ل جافيل وكاس
من السائل باش كنغسلو الماعن كنخلطوهم مزيان في قرعة ونبداو نضفو
بيه الزليج كيخرج كيلمع

8 الأواني ديال الأليمنيوم باش يخرجو كيلمعو ـ نخلطو الصابون البلدي
والخميرة ديال العجين والخل ونحكوهم بزيكس كتقول نتيجة هائلة

9 باش تبقي عندنا الريحة زوينة في الدار ملي نشريو البوعويد أوالتفاح
كنكرمو العصف ديالو ونبداو نبخرو بيه المنزل كتبقى ريحة مزيانة

10 الدجاج لبغيناه يجي بنين لنسلقوه غير شوية مع الزعتر والورقا ديال
سدنا موسا وضامة ديال البنة عاد نطليوه بلاموطارد وتحميرة وندخلوه يتحمر

11 العجين ديال البيتزا قالت كتعجنو غير بالبن والزبدة والملح كيجي هشيش
ورطب ويمكن ليك تعملي من هذ العجين حتى البريوش

كنتمنى منكون نسيت والو

حلوة البنانة (كتخلط مع الفاكية) من عند منى من تارودانت
المقادير
رابعة زبدة
ياغورت فاني صغير
نصف ملعقة صغيرة خمارة حلوى
طحين حسب الخليط
التزيين
رابعة سنيدة مخلطة مع خنيشة فاني

3 دراهم زبيب ابيض بلا عظم مقطع صغير
الطريقة
نخلطو المقادير و نجمعوها بالطحين و نديروها على شكل كويرات صغار بزاف قد البية و نديرو وسط كل كويرة طريف ديال الزبيب و نمرمدوها فسنيدة و نحطوها في لاطة و نتكو عليها من الفوق بالفورشيت و منين نكملو ندخلو الحلوى للفران تطيب و خصها ماتتحمرش كتبقى بيضا
قالت صاحبة الوصفة انها كتجي فالشكل بحال دوائر البنان

طبقمن عند السيدة مريم من المانيا
طجين اللحم بالمكور معسل
المقادير
كيلو لحم بڭري طرف زوين (من الاحسن ديال الملج)
2 بصلات متوسطين مشنفين او مشلضين
2 ضروس ثوم مدقوقين او محكوكين
ربطة ديال المعدنوس مقبط
ربع كاس زيت المائدة
شوية ملح
نصف ملعقة ابزار
نصف ملعقة سكينجبير
شوية زعفران ملون (اختياري) وشوية خرقوم بلدي
شوية زعفران حر
شوية مسكة حرة مدقوقة
شوية السمن
ملعقة كبيرة بودرة اللوز
شوية الماء
مقادير التزيين
نصف راس ديال المكور (الكرمب) مغسول مزيان و مقطع شنانف
2 معالق كبار مربى البرتقال
3 معالق كبار سنيدة
2 معالق كبار زبدة
ملعقة كبيرة مازهر
رشة ملح
الطريقة
نخلطو جميع التوابل مع شوية الماء و نشرملو اللحم مزيان و نديروه في طنجرة و نزيدو عليه البصلة و الثومة و الزيت و المعدنوس مربط و الماء بلا مانقليوه و نسدو عليه يطيب على نار مهيلة و منين يطيب اللحم نزيدو اللوز بودرة و نخليو المرق يختار و يعقد
نفورو الكرمب فالكسكاس ثم ناخدو مقلة نديرو فيها الزبدة و السكر و نحركو و منين يدوبو شوية نزيدو مازهر و نحركو ثم نزيدو الكرمب و نبقاو نحركو بملعقة الخشب حتى يتعسل شوية الكرمب ثم نضيف المربى في الاخير و نحركو مزيان حتى تنسجم العناصر
نحطو اللحم في طبق او طجين مع المريقة خاترة ديالو و نزينو من الفوق بالمكور معسل و يقدم الطبق

طبق من عند السيدة ايمان
مقلوبة الباذنجان (اكلة سورية)
المقادير
كيلو دنجال
نصف كيلو روز اصفر
رابعة حتى لنصف كيلو كفتة (او دجاج)
2 بطاطات مقشرين و مقطعين دوائر
2 ضامات بنة ( لحم او دجاج حسب واش درنا كفتة او دجاج)
شوية الملح
شوية ابزار و سكينجبير
شوية صنوبر مقلي او لوز
زيت للقلي
الطريقة
نرقدو الروز في ماء سخون نصف ساعة او ساعة
نقشرو الدنجال نبداو نزولو قشرة و قشرة نخليوها حتى نكملو ثم نقطعوه دوائر غليضة شوية و نقليوه فالزيت و نخليوه يقطر من الزيت فوق الورق
نقليو الكفتة فشوية زيت و نقسموها على جوج
نغسلو الروز مزيان بعدما رطبناه و نصفيوه من الماء و نقسموه على جوج
ناخدو طنجرة و نستفو فيها دوائر البطاطا و نديرو طبقة دنجال مقلي و طبقة روز و طبقة كفتة و طبقة دنجال و طبقة روز و نديرو الماء اللي يكفي باش يطيب الروز (نعبرو الروز من قبل و نديرو الضعف ديالو ماء) نديرو الماء في زلافة و ندوبو فيه الضامات و التوابل اللي عندنا و الملح و نكبوه فالطنجرة و منين يغلي نقصو النار بزاف و نخليو العناصر تطيب بلا ما نحركو و من بعد ناخدو حبة روز باش نشوفو واش طاب ثم نديرو طبق فوق الطنجرة و نقلبو عليه بحال الكيك و نزولو البطاطا من الفوق و نديرو نصف الكفتة اللي بقات على الوجه و نزين بالصنوبر او اللوز و نزينو الجناب بالبطاطا و يقدم الطبق مع السلطة
الى كانت الطنجرة ما كتلصقش يمكن الاستغناء على البطاطا
في حالة الى درنا الدجاج عوض الكفتة كنسلقوه و نصفيوه من الماء و نزولو ليه العظام و الجلدة و نفرتتوه و كنديرو في الطنجرة طبقة بطاطا و فوقها طبقة دجاج و طبقة دنجال و طبقة روز و نديرو طبقة اخرى دجاج و طبقة دنجال و طبقة روز ثم نديرو الماء و التوابل و نخليو العناصر تطيب بنفس الطريقة

نصائح السيدة مليكة
مربى الحامض
كيلو حامض مغسول مزيان (الى كانت فيه نقط سوداء نحكوه بشيتة)
كيلو الا ربع سنيدة
2 كيسان كبار ماء
الطريقة
نديرو الحامض صحيح في كوكوت و نغطيوه بالماء و نسدو الكوكوت و نحسبو 10 دقائق بعد الصفارة ونخليوه يبرد شوية و نزولو ليه شوية من التفل و نطحنو القشور مع شوية التفل اللي بقى في الخلاط الكهربائي مع 2 كيسان ديال الماء اللي عندنا و منين يتطحنو مزيان نردوهم للكوكوت و نزيدو عليهم سنيدة و منين يغلي الخليط نقصو عليه النار و نخليوه يتعسل مع التحراك كيحتاج تقريبا ربع ساعة و منين يوجد المربى نخليوه يبرد و نديروه في قراعي و نحتفظ به في الثلاجة

لكلاص ساهل
علبة حليب المسوس+رابعة سكر صقيل+2دانون بنان+حامضة معصرة او محكوكةوالملون الاحمر والاخضر
حليبيكون مجمد ليلة كاملة من بعد نطربوه مع السكر في الطراب اليدوي وهو مكيكصاحش نزيد دانون ونحرك دون اتوقف ونزيد عصير الحامض او القشرة ونقسم على زوج وحدة نخلط معاها الاحمر وتانية الاخضر ولي بغات شكلاط دير ديال الغبرة كل لون نديروه في طاسة ونديروه في المجمد من نبغيوه كناخدوا في كاس من كل لون ونزوق حسب رغبتي

طبقمن الممتل عبد الله فركوس

طنجية اللحم البقري

المقادير

2كيلو و نصف اللحم الملج
غرام واحد الزعفران الشعرة
كامون حبوب
راس الثوم
100السمن المدوب
حامضة مصيرة

الطريقة

فى الطنجية اللحمتم الحامض من غير اللب و الثوم منقي كامون محكوك باليد الزعفران
مطلوق فى كاس الماء و السمن وفى الاخير نصف كاس الماء وتقفل الطنجية جيدا ويحزم الراس وتدهب الفران الزنقة من4 الى5 ساعات

#


كفتة بالحوت الابيض من اسفى
المقادير

1كيلو الحوت الابيض مقطع ومعصر عليه الحامض
بصلة صغيرة خضارية
القزبور
بابة الخبز مرقدة فى الحليب
ملح الابزار
الخرقوم
بيضة

الطريقة

الحوت مع الخبز والقزبور ويطحن فى الة الكفتة تم البيضة والتوابل ونخلوه يطيب
ممكن فى طاجين نديرو البصلة محكوكة و جلبانة والحوت نديروه كواري

او بريوات نزيدو الفرماج محكوك تدهن بالزبدة وتدخل للفرن او تقلى

وصفة من اسفى
طاجين بوزروك

500بوزروك
2ضروس التومة محكوكة
2مطيشات محكوكة
1معلقة كبيرة مطيشة الحك
2المعالق الزيت البلدية
شوية الكرافس
ماح الابزار
سكين جبير
ضامة الحوت
معدنوس مقطع
حامضة ماشى مصيرة

نغسلو بوزروك ونخليوه يتسقطر
فى طاجين نديرو الزيت و التومة و
ومطيشة محكوكة و الحك وسيقان الكرافس مقطعين
و التوابل
وتشحر مزيان
ونزيدو بوزروك غير 5دقائق ونطفيو
النار فى طبق التقديم نوضعو بوزروك وزينوه
بالمعدنوس مقطع ودوائر الحامض

وصفة ضد الصهدة التي ترافق بداية سن اليأس أم زينب 14 1 2011
100 غ زنجلان
100 غ حب رشاد
100 غ حبة حلاوة
100 غ زريعت الكتان
100 غ صوجا
نطحن المواد كلها نخلطوها مع حبوب القاح ونأخد كويرة في الصباح وكويرة
في المساء ـ وتداون المرأة على شراب عصير المعدنوس