اللقاء المفتوح

اومليط ملون - نجاة من هرهورة

غ100 جلبانة
مصلوقة
صلصة البيشاميل
100غ بطاطا مقطعة مربعات مقلية في زيت
100غ بصلة مشلظة
100غ جزر مقطع صغير و
مصلوق
100غ فرماج محكوك
12 بيضة
بزار+ ملح
2 م ك
ربيع
2م ك زبدة
ناخد 3بيضات+ بصلة+ملح+بزار نخلطوهم ويطيبو في مقلة طيفال
ناخد
3 بيضات+جلبانة+ملح+بزار نخلطوهم ويطيبو في
مقلة طيفال
ناخد 3 بيضات+ جزر+ملح+بزار
نخلطوهم ويطيبو في مقلة طيفال
ناخد 3 بيضات+بطاطا+ملح+بزار نخلطوهم ويطيبو في مقلة
طيفال

وفي مول نديرو دائرة الاولى ندهنوها بصلصة البيشاميل ونرش الفرماج
وفوقها دائرة الثانية
ندهنوها بصلصة البيشاميل ونرش الفرماج وفوقها دائرة
الثالثة ندهنوها بصلصة البيشاميل ونرش الفرماج وفوقها دائرة الرابعة ندهنوها بصلصة
البيشاميل ونرش الفرماج وتدخل الفرن

البايلا

المقادير
+ 500g كيلو روز
رابعة دجاج + رابعة
كروفيت + رابعة كلمار + فلفلة خضراء و صفراء و حمراء + راس كامل الثوم + 2
خيزو+ جلبانة + 3 او 4 ماطيشة + 1/2
كاس زيت +
ابزار + سكينجبير + تحميرة + ملون
غدائي + ملح + ورقة موسى + 4 حبات
هيل + 2 حبات قرنفل + أو صوص الصوجا

الطريقة

نقشر الثوم ونشحره مع الزيت ونزيد الماطيشة مكعبات ثم نرمي
الخضر مقطعة مكعبات صغار و نشحر الخليط ومن بعد نزيد الدجاج و الكروفيت الي سبق لينا
سلقناه و الكلمار ونمرق بالماء الي سلقنا فيه الكروفيت و نخلي كلشي يتشحر و نزيد
التوابل
و نزيد الروز و نزيد 2 ولا 3
كيسان د الماء ونطيب الماء باش كل مينشف الطبق نزيد الماء سخون باش يطيب
الروز
نزين بشوية الكروفيت و الفلفلة

رغايف - مريم من طنجة-16/02/2010

المقادير

1/2
كغ سميدة رقيقة
1/2 كاس عنبة
زيت
م ك سكر
ملح
بيضة
م ك خميرة
الخبز
كيس خميرة الحلوى
كاس عنبة حليب سخون
ماء دافىء

للتوريق زبدة + شوي زيت
+ سميدة رقيقة

الطريقة

نعجن
العجين مزيان بحال المسمن وندير كويرات صغار ونطلق الكرة الاولى ونرش بالزبدة
والزيت و السميدة ونطويها بحال لمسمن ونخليها جانبا نطلق الكرة التانية و نحط وسطها
الرغيفة الاولى و هكدا الى الكرة الخامسة ونجمعها ونحطها فشي بلاطو مغلف
بميكا نمشيو للبقية ملي نكمل نكرصوهم بحال الا غادي نطيبوهم و نغطيوهم بميكا
ونخليوهم يخمرو ملي يخمرو نطيبوهم فالمقلة الثقيلة

كيك البنان

المقادير
2
بنانات صغار او 1 كبيرة
2
بيضات
كاس عنبة زيت
ماعامرش
كاس عنبة سنيدة
ماعامرش
2 خمارات
2 كيسان عنبة
دقيق
+
2 بنانات او تفاحات للتزيين

الطريقة
نطحن في الخلاط الكهربائي البيض + سنيدة + البنان + الزيت نطحن الكل ملي
تجانس العناصر نخوي الخليط في اناء و نزيد عليه الدقيق و الخمارات و نخلط
ونخوي الخليط في مول مدهون و مرشوش و نزوق من الفوق بالشرائح ديال التفاح
او البنان ندخلها لفران طيب

اللقاء المفتوح - صفحة 2 Get-6-2010-almlf_com_3okzr50t

اللقاء المفتوح - صفحة 2 Get-6-2010-almlf_com_3okzr50t

اللقاء المفتوح - صفحة 2 Get-6-2010-almlf_com_i3e7hv6v

بيصارة- خديجة من اسفي

المقادير

نصف كيلو
فول يابس
كيلو بصلة خضارية منقية و مقطعة مع الاوراق ديالها منقيين و
مقطعين
نصف كيلو مطيشة مقشرة و مزولين ليها الزريعة و مقطعة
زيت
بلدية
ثومة
ملح و ابزار و كمون و تحميرة و ضامة البنة (اختيارية)
قزبر و
معدنوس مقطعين
بيض بلدي مصلوق
زيتون اسود

الطريقة

في كوكوت
نديرو الفول مع الماء و الملح و الثومة و الزيت البلدية و نخليوه يطيب و احنا
كنحركو بالمغرفة حتى يطيب مزيان و يتحل و لكن خاصو يبقى قاصح ماشي جاري يعني نخليوه
حتى يشرب الماء ديالو و ما نحتاجوش نطحنوه
نقطعو البصلة و نديروها مع الزيت
البلدية و التوابل و ضامة البنة و نخليوها تتقلى مزيان ثم نضيف مطيشة و نخليوها
تطيب و لكن ما تكونش هارية و في الاخير نضيف القزبر و المعدنوس و شوية من اوراق
البصلة و نزيدو شوية الزيت البلدية و نحركو و نخليوهم شوية ثم نزولوهم من فوق النار
و نزيدو عليهم 2 او 3 بيضات مصلوقين و محكوكين و نخلطو ثم نزيدو عليهم مطيشة و
البصلة و نخلطو كلشي و نديروهم في طبق التقديم و نسرحو الخليط بالملعقة و نغطيوه من
الفوق كامل بالبيض مصلوق محكوك فالحكاكة الغليضة و نرشو عليه المعدنوس و نزين
بالزيتون اسود على شكل نجمة و نقطعو بيضة على اربعة و نديرو طريف في كل قنت ثم يقدم
كتجي هاد البيصارة لذيذة و كتعجب الدراري بزاف حسب صاحبة
الوصفة

بيبي بحشوة مالحة

بيبي من 10 الى 8
كيلو
3 البصلات محكوكين
القزبور والمعدنوس
مقطع
5 الفصوص التوم
1 كاس صغير الزيت
البلدية
1 كاس صغير زيت المائدة
الملح
الابزار
الزعفران
سكين
جبير
سمن
حامضة مصيرة

الحشو
500 غ كبدة
بيبي
علبة الفطر
الزيتون اخضر
مقطع

ناخد بيبي ونحكوه بالملح والحامض ويترك جانبا حتى
ينشف
كتشحر الكبدة مع كل التوابل وحنا تنمعكوها بالمعلقة مع
اضافة الحامض والفطر حتى يصبح متل العجين ونعمرو بيه بيبي تم ندهنو بيبي من الفوق
بنفس التوابل اللى درنا ما الكبدة وكيتخيط
ويدخل للفرن جهة اللى من جهة
الصدر الى كانت محلول بزاف كناخدو ورق الالمنيوم ونعملوه بحال الكرة ونعمرو بيه
الفتحة

كلاص لطيفة من مراكش

نصف لتر حليب
حليب مركز
علبة
كريمة غبرة
ياغورت فاني
م قهوة سريعة الدوبان
2م شكلاط غبرة

450غ بيسطاش
10 حبات حلوة او التويل للتزيين

نخدم حليب مع الكريمة + حليب مركز + دانون

و نقسمه على زوج و كل جزء ننسمه اما بالقهوة او
الشكلاط و نعاود نخدموه و نضيف لكل جزء المكسرات الي بغيته
و نتركه ليلة
فالكونجلتور و عند التقديم نزينوه بالحلوى

كلاص - السيدة حليمة من البيضاء
50غ لوز و

المقادير

حك صغير حليب مسوس
حك دانون فاني
3 حتى ل4 معالق كبار سكر كلاصي
ملعقة كبيرة مربى اي نوع

التزيين

2معالق كبار شكلاط غبرة
ملعقة صغيرة نيسكافي مذوبة في شوية ماء

الطريقة

ندير الحليب في اناء وندخله للمجمد نصف ساعة يبرد مزيان
بلا ما يجمد ثم نخرجوه و نديروه في اناء كبير و نبداو نطربو بالباطور مع اضافة
السكر شوية بشوية ثم نضيف دانون مع التطراب ومنين يطلع لاكلاص نضيف المربى و نخلطو
شوية ثم نقسمو الخليط على جوج النصف نزيدو عليه الشكلاط و نخلطو و النصف الاخر
نزيدو عليه القهوة او يمكن نخليوه ابيض بمذاق الفاني ثم نديرو كل خليط في طاسة
وندخلوهم للمجمد
عند التقديم نديرو كويرات و
نزينوهم باللوز مهرمش او ايفيلي او شكلاط و يقدم

طرطات فردية بدون عجين
غ750
كفتة مقومة
50غ فروماج
محكوك
كاس جلبانة صغيرمسلوق

مسلوقة و مقطعة صغير

بيشاميل
ملح و
ابزار
بصلة مقطعة محمرة فالزيت
كاشير محكوك

للتزيين

فلفلة
منقية و مقطعة شرائح
زيتون اسود
خس مع شوية الدرة مسلوقة الا مبغيناش
المقليات
500 غ مطيشة محكوكة و مقلية ترجع صوص

ناخده المول ديال لتارتليت
الصغار
ندهنوهم زبدة و نرشوهم دقيق
و نبسطوا وسطهم كرة كبيرة من الكفتة على
شكل تورتة
نخلط الخضرة مع البيشاميل و نصف مقدار الفروماج و الكاشير و نوضعوها
فوسط التارتليط
و نرسلوها للفرن و ملي تطيب نرش النصف الثاني من الفروماج و
ندخلوه يدوب
الفرن يكون معتدل و ملي تطيب خليها تبرد شوي شي دقيقة عاد تحيديها
من القوالب
و عمليها بالطبسيل و يكونوا متباعدات

كل تورتة ندوروا عليها
صوص مطيشة و نزينوها بشرائح الفلفة و الزيتون
او ندوروا عليها الخس و نزينوها
بالدرة
و بالصحة و الراحة

عصير الكرعة الحمراء
2جزر 2 بطاطس متوسط مسلوقة و مقطعة صغير

500الكرعة الحمراء
1دانون فانى او المانج
1فانى
750ml عصير البرتقال
السنيدة

الكرعة اما تسلق او تفور تم
تطحن فى الخلاط مع كل المقادير
كيجى بحال عصير المانك

بسطيلة بالمخ والكفتة - سمية من الصويرة - 02/02/2010

المقادير.

مخ بقري.
نصف كيلو كفتة.
بصلة كبيرة مشلظة.
ضرس ثوم محكوك.
3معالق قزبر ومعدنوس مقطع رقيق.
كاس مخلط زيت المائدة وزيت الزيتون .
ملح+ابزار+ اسكينجبير +
زعفران عادي + زعفران
شعرة.
بسيبسة + الكوزة + التحميرة +
لهريسة.
نصف كيلو ورقة البسطيلة
وناخذ منها 2 وريقات ندهنهم ونحمرهم فالفرن.
3بيض مصلوق.
زلافة زبدة للتلماط
نشحر فيها البصلة.
فرماج محكوك للتزيين.

الطريقة.

المرحلة1

فكاسرونة نضع الماء والملح والزعفران عادي ولما
تغلي نقشر المخ ونضعه فيها صحيح ولما نحيدوه
نقطروه.

المرحلة 2

في مقلاة نضع قليل من الزيت مخلطة والتوابل
ولهريسة والكفتة ومعلقة من
الربيع.

المرحلة3.

في مقلاة نضع قليل من زيت المائدة و قطع
من الزبدة والتوابل والزعفران الشعرة مسخن
ومحكوك.

المرحلة 4

ناخذ المخ ونقطعوه ونضعه في مقلاة ونضيف له 2 معالق ربيع + الثوم + الكوزة +
لبسيبسة + الزعفران الحر + لهريسة والتوابل ونحركوه ختى يطيب.

* البصلة مشحرة نخلطها مع
الكفتة.
* الورقتين من البسطيلة
محمرين.
* المخ
يبرد.
* البيض مصلوق
ومحكوك.

نضع الورقة مدهونة
بالزبدة ونضع طبقة من الخليط
الأول وفوقها ورقة البسطيلة ونضع
طبقة من الخليط المخ وفوقها ورقة البسطيلة واخيرا البيض مصلوق
ونلمطها.

تحمر و تزين
بالفرماج محكوك

الروز بالفروماج

المقادير

1/4 روز كلاصي مسلوق
خيزو4 على محكوك في الحكاكة
الرقيقة
بصلة مشلضة رقيقة
2 فروماج
شوية الملح
شوية ابزار
شوية
زيت او زبدة

الطريقة

نشحروا البصلة في الزيت او الزبدة
حتى ترخى ثم نضيف خيزو ونبدا نحرك حتى نحس به داب نضيف شوية ديال الملح والابزار ثم
نضيف الفرماج ونحرك بعد دلك نضيف الروز ونحرك مزيان حتى ينسجم الخليط . كيجي غزال

براوني - رجاء
المقادير

شكلاط 250غ اسود ممتاز
غ150 سكر كلاصي
غ150
زبدة
3 بيضات
فاني
شوي ملح
غ60 دقيق مغربل

الطريقة
ندوب الشكلاط فبان
ماري

ندوب الزبدة
فكاسرولة

نخلط الزبدة مع الشكلاط +
البيض + الفاني + الملح + السكر +الدقيق ونطرب مزيان ونخوي الخليط فصفيحة مدهونة و
مرشوشة من الاحسن تكون 40سنتم*30سنتم باش السمك ديالها اجي هو هاداك و طيب ف الفران
لمدة 15دقيقة و نطفي الفران و نخليوها واحد 5 دقائق ف
الفران

ونخليوها تبرد وندخلها
للثلاجة واحد 2 سوايع ونخرجها ونغبرها بسكر كلاصي و نقسمها
مربعات

اللقاء المفتوح - صفحة 2 Get-6-2010-almlf_com_3okzr50t

كبسة - رجاء

نصف كيلو لحم غنمي
مقطع
نصف كيلو روز كلاصي
نصف كاس زيت
بصلة
مشلدة
ابزار
زعفران
قعقلة
ورقة سيدنا مويسى
ماء

نطيب
الروز في الماء و نصف كاس زيت وزعفران

اللحم نقليوه في الزيت و نزيد بصلة
مشلدة و ورقة سيدنا مويسى و قعقلة و كاس عنبة
ماء نخليوه حتى يعقد

كنفرش
الروز و نخوي فوقه اللحيمات بحال الكسكس و نزوقوه باللوز

صبيعات بالبطاطا والطون

المقادير

رابعة ديال بطاطا مقشرة و
مصلوقة و مطحونة فالمكينة ديال اليد او نمعسوها
بالفورشيت
بصلة مقطعة صغير
ملح و ابزار
ثومة مدقوقة
ملعقة
صغيرة زعيترة
ملعقة كبيرة زيت
حكاك2 ديال الطون
ملعقة كبيرة معدنوس
مقطع
قشرة نصف حامضة محكوكة
معالق كبار3 دقيق
بيضة مطربة
معالق كبار5
ديال لاشابلير
زيت للقلي

الطريقة

نحمر البصلة مع الزيت و
الثومة و الملح و البزار و الزعيترة

نصفي الطون من الزيت و نزيد
على البطاطا و نزيد البصلة و المعدنوس و شوية الملح و البزار و نخلط مزيان و نديرو
صبيعات ندوزوهم في الدقيق ثم البيض ثم في لاشابلير و نقليهم فالزيت ساخن حتى
يتحمر

ديسير بالروز على شكل اجاصة - فاطمة من سلا

(250g) روز مهرس مسلوق و مصفي
كاس عنبة
سكر
قشرة حامضة محكوكة رقيقة
م ك 2 قرفة
اعواد التفاح يابس
(250g)
شكلاط
نصف زلافة شابلير
3 بيضات
نصف زلافة الدقيق

السيرو: 2 كأس
كبير ماء - 2 كأس صغير سنيدة - 3 قشور برتقال مقطع مربعات صغيرة

كندبر
السيرو حتى يتعسل

ندوب الشكلاط في حمام مريم بعدما يبرد شوية نشكل كويرات
قد حبة العنب بعدما ندير في قلبها قشور البرتقال

ناخد الروز ندير ليه السكر
و القرفة و الحامض و ندير الكويرة الشكلاط وسط الروز و نشكل اجاصة

نفند في
الطحين ثم البيض ثم الشابلير و نقليوه في الزيت و ندردر عليها السكر و
القرفة

تاسارت - مجموعة عشوب صحية تستعمل في الطبخ - حليمة

المقادير

شوية من عشبة لحية الشيخ
كمون مطحون او
حبوب
حبق اخضر او يابس
فلفلة حلوة خضرا
بصلة حمرا
اوراق البصلة
الخضارية
ملح
قزبر يابس
ورقة سيدنا موسى
سودانية حسب
الرغبة

بالنسبة للمقادير نديرو رابعة من كل نوع من الخضر و شوية من كل
عشبة

الطريقة

تغسل لحية الشيخ و تتيبس

تنقى الخضر و تغسل و
تقطع طريفات صغار و نخلط جميع العناصر في اناء و نبدا نهزو شوية بشوية و ندقوه مع
الملح نخليوه مهرمش شوية ثم نخليوهم يباتو ليلة كاملة و في الغذ نفرشو زيف حياتي و
نشروهم عليه و نخليوهم ييبسو فالشمس مع التحريك مرة مرة و منين ييبسو مزيان نديروهم
في قرعة و نحتفظ بهم
يمكن نديروهم فالكسكس او الحريرة او الرغايف ديال الشحمة او
الرغايف بالكفتة او نديروهم فالمرقة كيعطيو مذاق زوين للاكل

اللقاء المفتوح - صفحة 2 Get-6-2010-almlf_com_3okzr50t

دجاج - ديال العرس
دجاج - العرس ديال
المغرب

دجاجاتان مغسولين مزيان نضعه
يتسقطر وينشف مزيان+1 كيلو بصلة + ملعقة تحميرة + معلقة صغيرة خرقوم + معلقة صغيرة
ثوم مدقوقة + ملح + حامضة مصيرة +ربطة قزبر ـ+ نصف كاس زيت

ناخد حامضة
ونديروها في الملح ونحكو بها الدجاج مزيان من بعد ناخد بانيو ونعمل فيه الماء والخل
وسكينجبير ونرقد فيه الدجاج ليلة كاملة .وفي الغد ناخد طنجرة على نار مهيلة نديرو
كل التوابل وكاس ماء ونمرمد الدجاجة ونكتفوها ونديروها على الصدر ديالهاونزيدو
معاها البصلة وربطة القزبرونزيدو معاها من زلافة حتى زلافة ونصف ماء ونخليوها على
نار مهيلة المرة الاولى على الصدر تم على الجهة الاخرى تم على الجوانب ونتقبوها من
جهة الجناوح ونقلبو غير بشوية باش ما يتفرتتش حتى تطيب ونزولوها ونزولو
القزبرونقسمو الحامضة على 2 نصف نحيدو منه اللب ونديروه في طنجرة والنصف الاخر
كنعسلوه مع شوية الماء ونشحرو الدغميرة حتى تولي ملبية ونزيدوعليها شوية الماء مع
التحراك المستمر وناخد الدجاج وندهنوه بالزبدة ونحمره في الفرن ونحطوه في صحن معاه
الدغميرة ومزين بالحامض والبيض ديال السمان مصلوق

لحم العنزي
بالحامض و الثومة فالفران

*المقادير

فخد
ديال العنزي مقطع
ملعقة كبيرة زيت زيتون
(2)فصوص ثوم محكوكين
(3) معالق
كبار عصير الحامض
ملعقة صغيرة ازير
ملح
تحميرة
القليل فقط من
البزار ابيض

*التزيين

ملعقتين
كبار كاجو اخضر غير مملح + 2 معالق كبار لوزاخضر+ 2 معالق كبار زبيب بلا عظم
مغسول

*الطريقة

نخلط جميع
العناصر و نشرمل اللحم و يرقد فالشرمولة ليلة كاملة

في الغد نديرو اللحم في
مول ديال الفران و ندردر عليه من الفوق اللوز و الزبيب و الكاجو و ناخد ورق
الالمنيوم نديروه تحت المول و نجمعوه على المول كامل و نسدوه مزيان من الفوق يعني
غدي نغطيو المول كامل بالورق باش يطيب اللحم بالبخار ثم ندخله للفران يطيب مدة
ساعة

صنع ضامة البنة - مليكة

قشور الخضر مع بصلة
وقزبر و معدنوس الكل يقطع رقيق ويوضع ييبس تحت أشعة الشمس ويطحن جيدا ثم نتبل
بخرقوم سكنجبير قزبر حبوب ملح خودنجال إلى كان موجود وشوية زيت البلدية يخلط الكل
ويقسم إلى 3 أجزاء

الجزء 1:يبقى للحريرة وكسكسو
الجزء2:للحوت نضيف لها
قشور الكرفيت محمرين ومطحونين +ثوم
الجزء3:للدجاج نضيف فقط ثوم

توضع في
قالب مكعبات الثلج ونضعه في الكنجلطور ليلة كاملة ثم نزولوهم ويوضع كل جزء في خنشة
ويبقى في الكنجلطور

فرماج ديال الدار
نصف لتر
حليب 2 كؤوس حليب غبرة 2 فرمجات مربعات 1 خمارة نديروا كلشي في الخلاط ثم قريعات
والى ثلاجة كيجي جاري من بعد غدي يقصاح بوحدوا

المايونيز
المقادير
:
_1 كأس صغير ديال الحليب
_1 كأس و ربع صغير ديال الزيت
_ ربع كأس صغير ديال
الخل
_ 2 فرمجات
_ شوية
الملح

الطريقة :

في الخلاط الكهربائي كنعملو الحليب + ربع كأس
الزيت + الفرماج + شوية الملح. و خلطهم مزيان
من بعد نزيد
الزيت اللي بقات شوية بشوية مع التخلاط
و آخر حاجة هي الخل
و بطبيعة الحال مع التخلاط في الخلاط الكهربائي حتى تعقد

رغايف معمرين بقشيوشات الدجاج
و الشعرية الصينية على طيبة البسطيلة من السيدة هدى
مقادير العجين
نصف كيلو
دقيق
25 غرام خميرة معجونة
ملح
ماء دافي لجمع العجين
نعجنو المقادير
اللي عندنا و ندلكو العجين ثم نديرو كويرات صغار و ندهنوهم بالزيت
زيت + زبدة
لطلق العجين
مقادير الحشوة
كناصي و كبيدات الدجاج مقطعين رقاق و يمكن نزيدو
عليهم طريفات صدر دجاج طايب مفرتت
قزبر و معدنوس مقطعين
شوية بزار و ملح و
سكين جبير و زعفران
2 بصلات مشلضين
زيت
كاس ماء
شعرية صينية مرطبة في
ماء طايب خمس دقائق و مصفية
ملعقة قرفة + ملعقة سنيدة
الطريقة
نديرو
التقاطع ديال الدجاج في مقلة مع الزيت و البصلة و الربيع و التوابل و نخليوهم
يتشحرو مزيان ثم نزيدو عليهم كاس ديال الماء و نغطيوهم و نخليوهم يطيبو
منين
يقربو يطيبو نزيدو عليهم القرفة و سنيدة و نخليوهم يكملو الطياب و يشربو ثم نزيدو
عليهم الشعرية الصينية
نطلقو كويرات العجين بخليط الزبدة و الزيت و نديرو شوية
من الحشوة الوسط و نسدو الرغيفات على شكل مربع بلا ما نكرصوهم ثم نستفوهم في طاوة
مدهونة بالزيت و نخليوهم يخمرو ثم ندهنوهم بالبيض و ندخلوهم للفران يطيبو ثم
نقدموهم
السيده هدى قالت باللي كيجيو غزالين ومذاقهم بحال البسطيلة و اللي ذاقهم
كيعجبوه

بطاطس مقلية في الفرن (اللقاء المفتوح)

نأخذ البطاطس تقطع بطريقة الفريت
نضع الماء يغلي ثم نضيف
له الملح و البطاطس تسلق لمدة 10 دقائق
تصفى البطاطس وتترك حتى تبرد و تدخل الى
الفريكو تبرد مزيان ما شي التجمد
في طاوة الفرن ندهنها بالزيت وندهن البطاطس
وندخلها الى الفرن ويستحسن في وقت طهي الخبز لانها تاخذ وقت لكن لذيذة و خالية من
الدسم

عصير ديال الحليب في اللقاء المفتوح

قالو واحد العصير وجربناه طلع زوين غزال

هاهي المقادير
لتر حليب +3 ليمونات معصؤين + حامضة معصرة+ 2 كيري +سكر على
حسابك
تخلطي كلشي فمولينكس وتاخدي كاس التقديم تخوي فيه شوية السيرو تم تصبي
فوقه العصير تدخليه التلاجة
تيجي طبقات

اللقاء المفتوح - صفحة 2 Icon30

اليكن هذا العصير على شكل رايب.مجرباه من القاء المفتوح تايعجب
الدراري
نصف لتر حليب
حك دانون ديال فاني
نفس الحك ديال دانون ديال عصير
الحامض
السكر حسب الذوق
تانطحنو كلشي في مولينكس ونديروه في كيسان في الثلاجة
لمدة ليلة كاملة.
ردو عليا الخبار و بالصحة و العافية

اللقاء المفتوح - صفحة 2 Get-6-2010-almlf_com_3okzr50t

مجهود رائع حبيبة أتمنى من الأخواتالكريمات أن لا يقرأن ويرحلن فلنشكر صديقتنا على هذا المجهود الجبار

اللقاء المفتوح - صفحة 2 Get-6-2010-almlf_com_pbpg6n5k

اللقاء المفتوح - صفحة 2 Get-6-2010-almlf_com_pbpg6n5k

طبق اليوم من سميرة من سلا

مقرونية
فالفرن

نصف كيلو مقرونية المجعبة صغيرة
نصف لترحليب
4 قطع
فروماج
2 م ك زبدة
م ك زيت
ورقة سيدنا موسى
ملح و ابزار
3 م ك
دقيق
علبة تون
قزبر و معدنوس مقطع

مقرونية تسلق و نخليوها تقطر و
تنشف
ناخده كسرونة و نوضعه فيها الفروماج و الزيت و الزبدة و الملح و الابزار
وورقة سيدنا موسى
و نحركوهم على نار بالمهل و نضيفه دقيق و احن كنجمعوا كنضيفه
الحليب و نخليوه حتى يعقاد و نحصله على البيشاميل
نطفيو عليها و نضيفوليها
التون و القزبر و المعدنوس
فصينية للفرن نوضعوا المقرونية و نضيفه عليها الخليط
و نخلطه و نرسلوها الفررن
ممكن نحكه عليها الفروماج او
الكاشير

بصحتكم

سمعت واحد الاخت قالت لك الا عندك الخبز فالفريكو و بغيتي تسخنيه بلا
ماتشعلي

الفران او ما عندكش المكروندا ما عليك الا تشعلي على الكوكوت وهي
خاوية حتى

تسخن مزيان ديري فيها الخبز وسديها مزيان و ديري لها الصفارة و
طفي على العافية

وخليها واحد شوي و ها الخبز سخون.جربتها و صداقت فكرة
زوينة.

جربت الوصفة ديال القريشلات ديال عاشوراء و واحد الكيكة و جاو فعلا
رائعين اليكن المقادير :
بالنسبة للقريشلات : كيلو دقيق 2 كيسان زيت 2 كيسان
سنيدة 2 بيضات نص كاس ماء الزهر 2 خميرة كاس صغير زنجلان محمر نصف كاس نافع شوية
الملح الى ما تجمعاتش زيدي شوية الماء انا زدت ماء الزهر و الله حتى كيجيو روعة و
ساهلين في التحربيل و التقطاع .
بالنسبة للكيكة : 2 بيضات كاس زيت كاس حليب كاس
سنيدة 2 خميرة 2 لافاني 2 كيسان و نصف دقيق كتجي لديدة و كتوجديها في وقت قصير و
انا كنسقيها بنيسكافي مخلطة بالماء طايب و كنزينها بالشكلاط و اللي داقها كيطلب
المقادير.
كيفما شفتو اخواتي المقادير ساهلة و ديما كاينة في البيت جربوهم انا
بعدا عجبوني.

الحرشة الرومية

500غ سميدة رقيقة
نصف لتر حليب
ملح
2معالق زبدة

4سكر
2الى 4ملاعق زيت
واحد فاتي
و 2خمارات

كنخلطه كل
المقادير و نعملوها فمول و الاحسن فمقلة ثقيلة دوجدة مدهونة بالزبدة و نعملوها
فالفرن حتى تتحمر من تحت و فوق

مشاركة جميلة من
وجدة

حريشة بالتمر

كيلو سميدة الحرشة نوع ممتاز
نصف كيلو
تمر
زبدة 250غ
ملح و شوي الزيت

نوجده الحرشة عادية بالسميدة و
الملح و الزيت
مليت تطيب نفرتتوها
نفوره التمر بالكسكاس و نخلطوه مزيان مع
الزبدة و نخلطه بالحرشة المفرتتة
و نقدموه

القزبر و المعدنوس و الكرافس
ننقيوهم و نقطعوهم على زوج و نعملوهم فالكونجلتور نهار او لياة و نطحنوهم و
نستعملوهم عادي

المربى

5 الارنج
2حامضات
الارنج تقلعيلهم
العلف و القشور وواحدة تحتفظي بالقشرة
و الحامض نحيديلهوم العلف
و تقطعيهم و
تعمليهم 2 لتر ماء و كيلو و نص سكر و نخليوهم ايطيبو نصف ساعة
و من بعد نطحنوه
فالخلاط او ماكينة الخضرة و نعملوه فالقرعة و نخليوه يبرد غنحصلوا على مربى
عاقد

الارنج ممكن نغسلوا بيه الدجاج بدل الحامض

تحضير المربى و الاحتفاظ به مدة سنة خارج
الثلاجة
المقادير
كيلو من الفريز (او مشماش/ ماندرين / خوخ / شهدية /حب
الملوك / كرموص )
600 غرام سنيدة
نخلطو الفاكهة اللي عندنا مقطعة مع السكر
ونديروها في طنجرة ثقيلة ونزيدو عليها النسمة اللي بغينا حامض( او فاني او عواد
قرفة او عريش نعناع )ونديروهم فوق نار مهيلة ختى يوجد المربى
نعقمو القراعي في
الماء فوق البوطة 10 دقائق وغير نطفيو عليهم العافية نديرو فيهم المربى وهما سخان و
نسدو مزيان القراعي و نقلبوهم ونخليوهم مقلوبين مدة 24 ساعة ثم نحتافظو بيهم حتى
لعام خارج الثلاجة ولكن غير نحلو القرعة نديروها في
الثلاجة

بيتزا ساهلة
كتاخدي نص كيلو
فرص رطب و شوي الملح و شوي خميرة العجين و تاتعجني الكل بالماء حتى تولي بحال عجينة
السفنج و تخليها تخمر من تخمر طلقيها فالطاوة و عمريها باش ما
بغيتي

فرح

2 بودنجال
300غ
كفتة
بصلة

150غ فروماج
100 غ شابلير
ملح ابزار
فلفلة حمرا

قليو
بودنجال
فالزيت و نخليوه يستقطر

كنشدوا المقلة نقليو ف م زبدة البصلة و
الملح و
الابزار حتى تنشف البصلة و نلوحوا الكفتة و نحركوا حتى تنشد راسها
نحيدوا
المقلة
من فوق العافية زيدو الشابلير و الفروماج و نخلطوه مزيان و نعمرو بيه
الدنجال

ناخدو الصينية و نستفوا فيها الدنجال و نرشو عليه
الفروماج
الفلفة الحمرا نقطعوها شرائح رقيقة و نزينوا بيها
و نرسلوه
للفرن

بطاطا معمرة في
الفرن ( لذيذة
)
المقادير
4 بطاطات كبار (من الاحسن تكون بيضا )
شوية جلبانة
2
خيزوات
مقطعين مكعبات صغار
معدنوس مقطع
فرماج محكوك
صوص بيشاميل
بزار
+
ملح
لاشابلير(تقريبا ثلاثة معالق كبار )
نغسلو البطاطا مزيان و
نخليوها
بقشورها ثم نلويوها في ورق الالمنيوم و نشويوها في الفران
ندخلو فيها
السكين باش
نشوفو واش دخلها الطياب و نخرجوها ما تطيبش بزاف
منين تكون البطاطا في
الفران
نصلقو خيزو و الجلبانة مع شوية الملح ثم نصفيوهم
نقسمو البطاطاعلى جوج و
نخويوها
شوية بملعقة صغيرة
نخلطو البطاطا اللي زولنا مع خيزو و الجلبانة و شوية
الملح و
البزار و المعدنوس و صلصة البشاميل ونعمرو البطاطا ونرشوها بلاشابلير ثم
نديرو
فوقها الفرماج محكوك و ندخلوها للفران غير يذوب الفرماج ويتدهب اللون
ديالها
ونخرجوها ثم نقدموها بالصحة و الراحة كتجي غزالة خصوصا
للعشاء

أنا انسانه مع نفسي
قبل
لاأكون مــــــعك
إنسان
ولي
مبدأ ولي نظره وتحكمني قناعتي

[/size]
[/center]

السلام عليكم

الدجاج
مشوى فى الفحم هاجر من طنجة

المقادير

دجاجة من كيلو و نصف
مقطعة
3ضروس التوم
معلقة كبيرة الكامون
معلقة صغيرة الابزار
3المعالق
كبار الزيت الزيتون
ملح

الطريقة

من بعد ما نغسلو الدجاج متل
العادة ويسقطر جيدا يشرمل بكل المقادير من بعد ما نخلطوهم
ونخليو الدجاج ليلة
كاملة وفى الغد يشوى فى الفحم (ماتكونش النار مجهدة) يقدم
ساخن

نجاة من هرهورة

بريوش مالح

3 كيسان كبار طحين
كاس
العنبة زيت و زبدة
خميرة معجونة
نصف بكية خميرة الحلوة
نصف كاس العنبة
سنيدة
3م ك حليب غبرة
ملح
5 الى 6 فروماج مثلث للحشو

نعجنوا
الكل و تكون العجينة شوية خفيفة و رطبة
و نعملوها فكوكوت و نعملوا الصفارة و
نخليوها تخمر حتى تتقال الكوكوت و تنفخ العجينة
ندهنه يدينا و ناخده كويرة صغيرة
و نبسطوها شوية و نعمروها بالفروماج و كل فرماجة تكون مقسومة على 4
نغلقه
الكويرات و نوضعوهم متباعدين شوية فصينية دائرية عالية شوية
و بمقص نقطعه كل
كويرة من فرق على شكل +
نتركوها تخمر و ندهنوها ببيض و نرشو اللوز ايفيلي و
نرسلوها للفرن

لطيفة من
كلميمة

حلوةبالمورنج

3 بكيات شكلاط غبرة
رابعة الزبدة
خمارة
وحدة
2مك سكر
دقيق حسب الخليط

بيض بيضة
3 م سكر
كلاسي
فاني

نخلطه جميع المقادير و نطلقوها بالمدلك و نشرطو الحلوة
بالفرشيطة و نقطعوها دوائر و ترسل للفرن
ملين كتطيب كنكونوا موجدين
المورانج

نضربه البيض دالبيض ونضيفه السكر و الفانيليا حتى يعقد
و نعملوه
فالحاشية دالبسكوي و نلصقه وحدة مع وحدة

نصيحة لما تضربي البيض دالبيض دوري
فنفس الجهة باش ميطيحش البيض

أنا انسانه مع نفسي
قبل
لاأكون مــــــعك
إنسان
ولي
مبدأ ولي نظره وتحكمني قناعتي

صلصة الفلفة الحارة

و
هاد الوصفة مجربة كتطلع غزاااااااااااالة

كيلو فلفلة حلوة حمرا
نصف
كيلو فلفلة حمرا حارة
تنقى و توضع في كوكوت مع نصف كاس زيت بلدية و 2 ضرس الثومة
و الملح و تخليها تطيب من بعد التصفيرة ربع ساعة
طحنيها فمطحنة مطيشة الرقيقة و
رجعيها عالعافية تتشحر حتى تشرب الماء كله و تعقد
مع اضافة شوي الزيت و احتفظي
بيها فقراعي محفظة
و لا عمرك غتشري الهريسة لان هدي كتطلع حارة لكن بجهد اقل و
الاهم مداقها غزال

سلطة مشطلة

مقرونية
مسلوقة النوع الي كتحبي و كيمشي فالسلاطات
خيار مربعات
مطيشة مقطعة مربعات

خزو محكوك
علبة تون
شوية الكورنتشون مقطع
بيض مسلوق محكوك
نخلطه
الكل و نسقيوه فاخر لحظة بخليط ملح و ابزار و حامض معصر و زيت الزيتون

و
بصحتكم

كيكة ملحة دازة هادي شحال

بصلة كبيرة مشلدة ومشحرة مع زيت وملح وبزار
2 كرعات محكوكين ومشحرين نفس
طريقة
2 خزويات محكوكين ومشحرين نفس طريقة
نخلط لكل ونضيف 4 bidat زيدي كاس
عنبة سميدة رقيقة زيدي 2 خمارات حمر ونعملو لخليط فمول حسب رغبة

أنا انسانه مع نفسي
قبل
لاأكون مــــــعك
إنسان
ولي
مبدأ ولي نظره وتحكمني قناعتي

عصير الباربا
حبة متوسطة
باربا مصلوقة
نصف لتر حليب
بنانة كبيرة
2 فرماجات
سكر حسب
الذوق
نطحنو جميع العناصر في الخلاط الكهربائي ونديرو العصير يبرد ثم يقدم
بالصحة و الراحة
الا جانا العصير خاتر وبغيناه يكون خفيف نزيدو ليه
الحليب

طبق اليوم من
عند السيدة فوزية من اسفي

حوتة معمرة و
مزينة بصلصة الطماطم والكروفيت

*المقادير
حوتة ديال كيلو او كيلو و نصف (اي نوع مثل
الدرعي او القرب ) منقية و مغسولة
4 مطيشات مقطعين دوائر
ملعقة كبيرة
زيت
ورق المنيوم
*الحشوة
زلافة
صغيرة فطر اسود مفزك في ماء سخون حتى يتطلق و مغسول و مصفي
رابعة كروفيت
مقشر
ملعقة صغيرة هريسة
زلافة صغيرة زيتون اخضر مقطع صغير
*الشرمولة
ربطة
قزبر و معدنوس مقطعين
ملح
نصف ملعقة صغيرة ابزار
ملعقة صغيرة
تحميرة
ملعقة صغيرة كمون
شوية زعفران ملون
5 ضروس ثوم محكوكين ( او اقل
حسب الذوق)
عصير حامضة
كاس صغير مخلط زيت بلدية و زيت
المائدة
*الصلصة
كيلو او كيلو و نصف مطيشة محكوكة
4 معالق كبار زيت
2
ضروس ثوم محكوكين
شوية ملح و ابزار
ملعقة صغيرة كمون
ملعقة صغيرة
تحميرة
ملعقة كبيرة مطيشة الحك
رابعة اخرى من الكروفيت نقشروه و نخليو 5 او 6
حبات بالقشور للتزيين
قزبر و معدنوس مقطع
*التزيين
الكروفيت بالقشور محمر فالزيت
حامضة طرية مقطعة
دوائر
فلفلة ملونة (خضرا و حمرا و صفرا) مقلية فالزيت و مقطعة شرائح
طويلة
*الطريقة
نخلطو العناصر ديال الشرمولة
نخلطو مقادير الحشوة و نزيدو
عليهم ملعقة كبيرة ديال الشرمولة و نخلطو كلشي
نشرملو الحوتة مزيان من الداخل و
برا بشوية من الشرمولة و نعمروها بالحشوة
ناخدو مول ندهنوه بالزيت و نستفو فيه
دوار مطيشة و نديرو عليهم شوية شرمولة مع شوية الهريسة و نحطو الحوتة و نغطيوها
بورق الالمنيوم و ندخلوها للفران تطيب
نخلطو العناصر اللي عندنا فالصلصة و
نديروها في مقلة فوق النار تطيب و منين تثقال الصلصة نزيدو عليها القيمرون و نخليوه
يطلق فالصلصة
منين تخرج الحوتة من الفران ناخدو طبق التقديم و نستفو فيه دوائر
مطيشة طايبين و نحطو الحوتة و نغطيوها بصلصة مطيشة و القيمرون و نزينوها بالكروفيت
و دوائر الحامض و شراح الفلفلة ملونة و تقدم

اللقاء المفتوح - صفحة 2 Get-8-2010-almlf_com_bd65xsd7

اللقاء المفتوح - صفحة 2 Get-8-2010-almlf_com_bd65xsd7

اللقاء المفتوح - صفحة 2 Get-6-2010-almlf_com_gy60c8tm

وصفة من برنامج الاذاعي اللقاء المفتوح

هاد الكيكة دازت هذا الاسبوع في اللقاء المفتوح . هي كيكة عادية من حيث المقادير و لكن الجديد فيها هو انها كتخدم كلها في الخلاط الكهربائي و كتدخل للفران و هو بارد و النتيجة نخليكم تكتاشفوها من خلال الصور

اللقاء المفتوح - صفحة 2 20112009528b

راها غير كيكة بمقادير عادية و لكن كتجي خفيفة بزاف و هشيشة خصنا غير نتبعو المراحل مزيان
اولا نبداو بالمقادير و الطريقة كما قالتهم صاحبة الوصفة4 بيضاتكاس عنبة ماعامرش زيتكاس عنبة ماعامرش سنيدة
كاس و نصف عنبة فورص ممتاز
2 خماراتالتزيين
2 حكاك دانون فاني
2 طريفات شكلاط اسود محكوكالطريقة
نديرو البيض في الخلاط الكهربائي ثم سنيدة و نخلطو مزيان حتى يرغوي الخليط ثم نزولو الغطاء الصغير اللي الفوق و نبقاو نزيدو الزيت مع التخلاط ثم نكبو الدقيق مخلط مع الخمارة و نخلطو مزيان ثم نكبو الخليط في مول مدهون بالزبدة و مرشوش بالطحين (و نضربو المول فوق البوطاجي باش يزول فائض الدقيق) و منين نكبو الخليط فالمول نهزو يدينا الفوق باش يدخل معاه الهواء و تجي الكيكة منفوخة
ندخلو المول للفران و هو بارد عاد نشعلوه و نخليو الكيكة تطيب و تتحمر و منين نخرجوها مباشرة من الفران نكبو عليها دانون و نسرحوه عليها مزيان و نخليوها حتى تبرد عاد نزينوها بالشكلاط محكوك او فيرميسال

بما ان الكيكة ما فيها حتى منسم من الاحسن ننسموها بشوية من قشور الليمون او الحامض محكوكين انا نسمتها بالفاني

مملحات على شكل طويجنات - نجاة من هرهورة

العجين

200غ زبدة
500غ الطحين
2 م ك حليب غبرة
4 م ك قشدة طرية ديال الطبخ
1 م ك خميرة الخبز
ماء دافئ

الحشوة

بصلة مشلدة
ملح + الابزار
حك صغير فطر مقطع
125غ كفتة متبلة
هريسة
زيت

للتزيين
بيضة +1 م ص موطارد
زيتون
كيتشوب

نشحر البصلة مع الزيت والملح والابزار والفطر والكفتة مع التحريك من بعد نزولوها من النار وتضاف الهريسة ونديروها تسقطر
ناخد لاطة ديال غريبة نديرو فيها دوائر العجين من بعد ما تتورق وتقطع وتكون رقيقة وتكون طالعة من الجوانب تعمر بالحشوة وتغطى بدائرة اخرى مع إعطئها غطاء الطاجين, ناخدو قليل من العجين يكون مدور يلصق فى الوسط تدهن بالبيض مع الموطارد وتدخل للفرن تزين بدائرة من الزيتون وعليه نقطة من الكيتشوب كيجى بحال الطجين

رغايف معمرين ـ نجاة من هرهورة

العجين :
250غ فينو
1كلغ دقيق فورص
1م ك مطارد
1م ك زيت
1م ك زبدة
1 م ك سنيدة
1 خمارة
1 م ص خميرة معجونة
ملح
ابزار

نخلط جميع المقادير و نجمعها بالماء البارد، تدلك جيدا، نصنع منها كويرات حجم الجوز، نتركها ترتاح و نمشي نحضر الحشوة

الحشوة الأولى :

بصلة كبيرة صدر الدجاج زيت ملح ابزار كنور دجاج 500غ سبانخ 1 م ك زبدة حك جبن أو حك فرماج مربعات

للتزيين :
بيضة مخلطة مع 1 م ص مطارد زيتون أسود

الحشوة الثانية :

100غ بورو 125غ شعرية صينية 100غ زيتون أخضر مقطع نصف حامضة مصيرة 1 م ك مركز الطماطم 2 م ك ربيع مقطع ملح ابزار 250غ قمرون 1 م ك زيت الصوجا 1 حك فكيع هريسة فرماج محكوك

للتزيين :
بيضة مخلطة مع 1 م ص مطارد

الشكل الأول

نشلد البصلة ونشحرها مع الملح والابزار وصدر الدجاج وكنور
فى مقلاة اخرى نشحر السبانخ مع الزبدة والملح والابزار حتى تنشف وتبرد ثم نضيف الجبن

نورق الكويرة الأولى بالزيت نجمعها مثل المسمنة على 4 و كدلك باقي الكويرات، نرجع للأولى نبسطها و نضع الحشوة فالوسط نجمع القنات للوسط و نمسكهم بزيتونة، تذهن و تطهى

الشكل الثاني

نشحرو البورو مقطع رقيق مع الزيت والفطر مقطع والزيتون والحامض والهريسة والمعدنوس وكل المقادير حتى يطيب ونزولوه من النارو نضيف الفرماج
نورق العجين على الطول نعمرو الوسط ونفلح الجوانب بجوج ونبداو نحطو كل طرف من العجين مخالف مع الاخر تدهن بالبيض وتدخل للفرن

نصائح من عند وفاء سيدي قاسم

باش الفول يصبر مدة أكثر كنصلقوه نصف صلقة ونعملوه في القراعي مع
الملح وعصير الحاض ونضيفو ليه الماء لتصلق فيه ونعملوالقراعي فلكوكوط
15 حتى يتعقمو

ترقاد الكبار ـ كنخدو القياس لي عندنا من الكبار ونعملوه في الماء مدة15 يوم
عاد نبدلو ليه الماء ونضيف ليه الملح والحامض ونسدو عليه وهاهو واجد

الزيتون مشرمل ـ كنقبطوالزيتون ونخلطو معاه لهريسة وثوم والقزبروالماعدنوس
لملح وزيت زيتون والحامض مرقد وتقاطع من خيزو ـ كنخلطومزيان ونعملوه
العلب وهاهو واجد

الحلوى ديال السميدة إلى قصاحت لينا كنعلو معها طريف صغيرديال الكيك
دغيا كترطاب وكتولي تدوب في الفم

الزربية أوالموكيط إلى تخوى عليها الماء نعملو الملح ونوركوعليها حتى تشرب
الماء عاد نشطبوها

تريد أوالمسمن ديال الرفيسة كنعجنوه غيربالماء والملح ونعملوكويرات صغار ونسرحوهم بزبدة وزيت ونرشوعليهم سميدة رقيقة ونعملو3 وحدا فوق وحدا
ونعملوهم يطيبو ونقلبوهم ونضيفوعليهم3 من لفوق ونقلبو ونضيف3 خرين
حتى يطيبو ونزلوهم كتقول كيجيو بحال أوراق البسطيلا

الحرشة ـ كنشحرو نصف بصلة في زيت ونخلطوها مع سميدة وشوية ديال
سودانية ولملح ولقزبور ولمعدنوس وزيت ونخلطوكلشي ونعملو لمقلى تسخن
ونخويو لخليط ونقرصوه بسميدة رقيق فوق لمقلى ملي تطيب نقلبوها

الوصفة الأخيرة كسكسو ديال الحمرة ـ كنسلقو مقدار ديال البقولا ـ وسلق ـ ولكرنينا
ونصفويهم ونفورو الكسكسو 2 مرات ونخلطو معاه البقولا وسلق ولكرنينا من
بعد ما خلطنا معها القزبر والمعدنوس ولملح وسودانية وكاس ديال زيت البلدية
ونقدموه كتقول السيدة وفاء كيجي هاد الكسكسو هائل

تبارك الله عليك حبيبة وجعله الله في ميزان حسناتك ومرحبا بك بيننا بسمة أمل

أهلا بيك حبيبتي ـ زوجي توأم روحي ـ ترحيبك لي زادني شرف وحماس
جميل لن أنساه ـ يغالية ونوراة المنتدى

الكرطان بالمقرونية والكفتة من للقاء المفتوح
علبة شامبنيون+2 بصلات + نصف لتر حليب للبيشاميل+200غ فرماج محكوك+ملح+ابزار+شويةكوزة+نصفكيلو مقرونية روصول+رابعة الكفتة+2 كنورات+4 معالق زبدة
تحضير=نصلقوا المقرونية ثم نصفيوها وتغسل بالماء وتترك جانبا
في طنجرة 2 معالق زبدة+1كنور+بصلة وحدة محكوكة=نشحروهم شوية نخوي عليها مقرونية ونتركها جانبا
في مقلات بصلة الاخرى نشحروها شوية+كفتة نطلقها ونزيد شامبنيون وتوابل ونحطوها تبرد نطلع البيشاميل الفرن نشعلوه
البيشاميل=2معالق زبدة+كنور+كوزة+2معالق فورص والحليب.
في مول يدخل الفران ندير نصف ديال المقرونية من فوقها الكفتة كلها ثم ما تبقى من المقرونية+ الفرماج المحكوك باش ميتحرقش الفرماج كنديروه تحت البشاميل وندخلها الفرن تحمر

طورطة بالحامض عائشة من طنجة

6 البيضات
2 حامضات محكوكين فى الحكاكة الرقيقة
3 م ك عصير الحامض
2 خمارات
200 السنيدة
200 الطحين
1/2 كاس الزيت العنبة
قبصة الملح

للتزيين
دوائر الحامض معسل او قشور البرتقال معسل
شوية العسل

نطربو البيض والملح وسنيدة وعصير الحامض بالخلاط الكهربائى تم نضيفو الزيت وقشرة الحامض والطحين مع الخميرة فى الاخير
ونصبوه فى المول مدهون ويكون كيتحل من الجوانب وتدخل للفرن تندهنوها بالعسل وهى سخونة او الى كانت باردة يكون العسل سخون تزين بالقشرة البرتقال او الحامض او ترش باللوز....
تقدم باردة

دجاجة معمرة و مبخرة ومحمرة من عند السيدة سميرة من تازة

دجاجة قياس 2 كيلو

قبطة كبيرة ديال المعدنوس

معلقة صغيرة سكينجبير

معلقة صغيرة ابزار

معلقة صغيرة خرقوم

معلقة صغيرة زعفران حر

معلقة كبيرة سمن

معلقة هريسة

حامضة مصيرة

ضامة البنة ديال الخضرة او البقري

نصف كاس زيتون اخضر مقطع

الملح حسب الدوق

خنيشة الشعرية الصينية 250 غرام

الطريقة

نغسلو الدجاجة و نقيوه مزيان كنديرو ليها الملح و الخل و نخليوه ش ساعة من بعد ندير ليقامة و المعدنوس مقطع رقيق و منساوش القشيوشات ديال الدجاجة و الشعرية ونعمر الدجاجة مزيان بلا منسدو نحطوه في الكسكاس مل تطيب ندهنوه بالزبدة و ندخلوه الفران نشعل العافية من الفوق والتحت

نحطو الدجاجة مقلوبة في الطبق الصدر للفوق و التعميرة اللي طاحت نزينو بيها الجناب ديال الطبق

قالت بانها تتجي بنينة

» اللقاء المفتوح
» كيك الموز من اللقاء المفتوح
» وصفات من اللقاء المفتوح