النصائح المنزلية الخاصة ببرنامج لالة مولاتي

نصائح رووووووووعة

موضوع كامل تبارك الله عليك

السلام عليكم أنا سعيدة لتواجدي معكم على هدا المنتدى

نصائح


للمعان لافابو وارجاع له البريق يذهن بخليط الدقيق الفرص والخل يترك حتى الانتهاء من اشغال البيت ويغسل

*إلى عملنا القراشل ندردر عليهم الزنجلان اولا عاد ندهنوهم باليض مخلط بقطرات الخل

* لازالة الروائح ديال الفرن الغير المرغوب فيها نعملو فكاسرونة ماء غليان مع البابونج ودوائر الحامض ونتركه في الفرن وهو شاعل ملي كيغلي الخليط الفرن كيعمر بالبخار من بعد نمسحوه بزيف

* للحفاظ على القطنية (العدس الفول الحمص) نعملو معاهم طرف فاخر واخر ملحة حية

* الطاجين الجديد قبل مانستعملوه ندهنوه مزيان بالزيت وحتى الغطاء ديالو ونتركه اسبوع والى شرب خلال هاد المدة نعاودو ندهنوه بزويتة وبعد مضي اسبوع نغسلوه عادي

*إلى بغينا الطاجين ديال الطين يصبر مدة طويلة ملي نبغيو نمرقو دائما نمرقو بماء سخون

* باش نرجع الحلي ديال النقرة لمعانها نرقدوها ليلة كاملة في الحناء معصور فيها الحامض او الزنبوع ثم تغسل

للحصول على عصير خاتر بحال المانك منين يكون وقت الهندية نقشروها و نطحنوها و نصفيوها من العظام و نديروها في قوالب الثلج و نديروها في المجمد و منين نبغيو العصير ناخدو عصير الليمون و نزيدو عليه مكعبات ديال الهندية

حلويات

تجارب عملية ونصائح
نصائح السيدة حميدة






لازالة الصدا ديال النحاس او النقرة نخلط زيت المائدة مع الرماد حتى نحصل على عجينة و نديروها على مكان الصدا و نخليوها مدة ثم نحكوها بقطعة قماش و نعادو نمسحوها بقطعة قماش

اواني الألمنيوم تفرك باوراق الكرمب ثم تغسل كالعادة كتولي كتلمع

الكافيتيرا باش نزولو منها الكالكير نعمروها بمقادير متساوية من الماء و الخل العادي و نديرو الخليط يغلي نخليوها ليلة كاملة و في الغذ كتزول قشور الكالكير كلها

*باش كول القميجة يخرج نظيف قبل التصبين ندهنوه بشوية شامبوان و نحكوه شوية بشيتة اسنان ثم نديروه في المكينة

*للمعان الملابس الجلدية بعدما نصبنوهم نرقدوهم في الماء دافي + ملعقة زيت زيتون و نخليوهم حتى يبرد الماء ثم نديروهم في علاقة بلا ما نعصروهم و نخليوهم ينشفو في الظل بعيدا عن الشمس

*باش اواني الزجاج و الكريستال يخرجو كيلمعو منين ننظفوهم نديرو 1 لتر ماء سخون + ربع لتر خل في اناء و نرقدو فيه الاواني ثم نحطوهم مقلوبين فوق قطعة ثوب و نخليوهم ينشفو بلا ما نمسحوهم ثم نرقدو اواني اخرى في نفس الماء حتى نكملو الاواني اللي عندنا كيوليو كيلمعو بحالا جداد

*باش تبقى صباغة الاظافر سائلة و مزيانة نحتفظ بها في الثلاجة و الى ما درناهاش فالثلاجة و قصاحت لينا نديروها فوق ماء غليان على شكل حمام مريم حتى تطلق

نغسل مطيشة وتقطع طريفات ونخليوها تطيب بلا ماء ولما تبرد تطحن فى الخلاط وتصفى فى شبكة عيونها رقيقة وترجع تطيب مع ورقة موسى والنعناع حتى تنشف من الماء مزيان وتنديروها فى قراعى معقمين ونحطوهم فوق مانطا حتى يبردو مزيان ونحتافظو بيهم فى البلاكار
تنديرو القراعى فى الماء وهما واقفين وممسودينش غير يغلى الماء نزولوهم
********************
* نحتافظو بقشور مطيشة فى المجمد وملى نحتاجوهم نجبدو الكمية اللى بغينا ونطيبوهم ونطحنوهم وتصفى

********************

الفلفلة تغسل وتمسح ونديروها فى المجمد وملى نبغيوها نشووها مباشرة
كتبقى مزيانة
********************
قراعى الزجاج الى كان بهم اوساخ او الكحولية من الداخل وما عدناش كيف نديرو نغسلوهم تنديرو 2 م الملحة الغليظة + 2 م الخل الابيض تنحركوها مزيان ونخليوها شوية راه كلشى تيزول
********************
نمسح العود = 2 م لالكول + عصير حامضة + 2 م الزيت البلدية كيتخلط ونمسحو بيه تم نرشو بشوية الطحين ونحكو بمنديل يكون رطب
********************

زيت القلي الى بقا لينا فيه الدقيق محروق نعمل فيه طرف السكر يبات فيه غادي يتنقى







البسطيلة باش تكون ناجحة 3 الأوراق باش نفرق الحشوة نطيبوهم في الفران




باش يعقاد لاصوص نزيد فيه الطحين أو الكريم فريش



باش نعمل مرق الحوت بحال ضامة البنة




عظام الحوت + بصل + جزر + بورو + الثوم + العشوب : نطبخوهم و نصفيهم نستعملهم مع الحوت
أو بسطيلة الحوت

قطبان الدجاج أو لاداند نرقدوهم في




- ملح + ابزار + بصلة محكوكة + الربيع مقطع + كامون+ سكنجبير طري محكوك + لب حامض مصير
شوية الزعفران بلدي




قطبان اللحم نرقدوهم في
- الملح + كامون + التحميرة + الربيع+ بصلة محكوكة + قسبور حبوب مدقوق + زيت بلدية و رو مية




الكفتة بنينة
- الكفتة ملي نطحنوها نطحن معاها البصلة + الربيع + فلفلة حمرا + فلفلة خض
- الملح كامون التحميرة و شوية المروزية

الحوايج الغامقين بش ميكشفوش
نخد الحوايج الجداد مقلوبين نرقدهم ندير إطرو ماء فكاس خل + ربع كاس ملح ليلة كاملة ثم نغسلهم كيف العادة ننشرهم فالضل ينشف نصلحهم.

حوايج القطن
نغسلهم ينشف فالضل انسخن الفران نطف هحتى يدفى نسرح فيه الحوايج هكا يبقى لونهم


حوايج الصوف
انصبنهم مقلوبين مشي باليد ونعملوهم فزيف انعملهم يقطروا فالضل منبعدنشرهم


الحوايج البويض الى رجعو صوفر
انصبنهم عادي انرقدهم فالماء طايب وجافيل والصابون حجرة محكوك منبعد نشلهم انشرهم فالضل أنصلحهم
إلى كان المداد فالحوايج اندهنهم بالصابون البلدي والمسحوق انغلو الرقعة انحكها غتزول إلى التوب ديال الدجين بش ميكشفش

يوسف روحي كتب:

حنان73 كتب:

السلام عليكم أنا سعيدة لتواجدي معكم على هدا المنتدى

مرحبا بك أختي إنشاء الله تستافدي ونستافدو معاك

tbak llah 3lik mrccccc

mrc bzzaf 3la nasa2i7 lmofida baraka llaho fik