ركن خاص بوصفات med radio الوصفات المطبخية

غريبة الكوك اقتصادية
6الكيسان الكوك
3البيضات
3الكيسان سنيدة
تعمل مثل الغريبة وتدخل الفرن

كتشوب
معلقة كبيرة مطيشة الحك ملح ابزارسنيدة حسب الذوق معلقة صغيرة زيت معلقة كبيرة نشا معلقة صغيرة خل
يعمل الكل فوق النار مع التحراك حتى تعقد تترك حتى تبرد وتدخل الثلاجة الى حين الاستعمال

غريبة بالشكلاط
رابعة الزبدة 4كيسان الزيت 4كيسان السكر كلاصي الدقيق حسب الخليط تكور تعمل مثل الغريبة وتدخل الفرن لما تطيب تغطس في الشكلاط وتقدم

بسكوي
4البيضات زلافة زبدة مدوبة وزيت زلافة سنيدة 1خميرة 2معالق كاكاو قبصة ملح
تخلط وتورق بالمدلك ونقطعوها الاشكال لي بغينا مربعات دوائر تدهن باصفرالبيض المخلط مع نسكافيه وتزين باللوز مهرمش او اللوز ايفيلي او كاوكاو وتدخل الفرن

كيكة عيد ميلاد
نطربوا 4 بيضات مع كاس و نص سنيدة حتى يوليو فحال لكريمة نزيد عليهم كاس ونص الزيت و كاس شكلاط غبرة
و كاس حليب و 2 كيسان فورص و 1 فاني و 2 خمارات
ندهنوا المول بالزبدة ونرشوه بالفورص نخوي الخليط و نطيبوه في الفرن ملي تطيب نخليوها تبرد و نسقيوها بالسيرو اللي فيه الماء و السكر و قشور الحامض و نقسموها بالخيط من الوسط على 2 و نطليوا الوسط بالكريم شانتيي و الوجه كذلك و نحكوا عليها الشكلاط

بريوش بالليمون
زلافة عصير إلليمون ـ زلافة حليب دافئ ـ زلافة زبدة مدوبة ـ زلافة سنيدة ـ 3 بيضات ـ 3خمارات ـ 1فاني ـ شوية خميرة العجينة ـ شوية النافع والزنجلان ـ الدقيق
كتكون عجينة خفيفة نديروها كويرات نخليوها تخمر ندهنوها بالبيض و نيسكافي وندخلوها الفران تطيب

فقاس ديال الفطور
5بيضات ـ 10دراهم لوز مسلوق ـ ربع كاس نافع ـ كاس زنجلان ـ رابعة زبدة مارغرين ـ ملح ـ 2 كيسان زيت ـ 2 خمارات ـ الطحين
ناخدو من البيض 2 اصفر باش ندهنو من الفوق نعجنو الكل نديروه حريبلات ندهنوه بالبيض و نسكافي ندخلوه اطيب نص طيبة نخليوه ليلة ونقطعوه نرجعوه اكمل الطياب

حلوة البوق
*4 بيض 2 كيسان زيت 2 كيسان سنيدة 2 خميرات نص كاس عصير الليمون قشرة ليمونة رابعة زبدة ماركرين دقيق حسب الخليط*
بالنسبة لاي حلوة كنخلطو في الاول البيض وسنيدة فالخلاط الكهربائي من بعد نضيفو باقي المقادير تم نخرجوها بالبوق يمكن لنا نقسمو العجينة نديرو وحدة بالكاكاو وحدة عادية*
حلوة بالخل*
رابعة زبدة كاس سكر كلاص 2 الى 3 قطرات روح فاني دقيق نطلقوها ونقطعوها على شكل قليبات نفندوهم فالخل وسنيدة ولما تطيب نلصقوهم بالشكلاط*

كريمة دل الفريز

125 غ قشدة طرية/ 5 اوراق جيلاتين /120 غرام فريز /كاس صغير عصير ليمون /60 غرام سكر صقيل /كاس ياغورت طبيعي
للتزيين: حبات ديال الفريز
في اناء ناخذوا القشدة الطرية نطربوها مزيان حتى يتضاعف حجمها ونحتفظ بها جانبا
تم نحطو اوراق الجيلاتين في الماء بارد حتى تنزل
ونطحن الفريز مع عصير ليمون والسكر كلاصي في كسرونة ونديرهم فوق العافية ونغليهم تم نزيد الجيلاتين ونزلوها و نخليو الخليط يبرد عاد نضيفوا ياغورت ونخلط بالطراب اليدوي تم القشدة الطرية ونحركوها مزيان .
نشد كؤوس ونحط فيهم حبات الفريز و نضيف ليها كريما تم نزين بحبات الفريز وحطيها تبرد في الثلاجة

فقاص بالفواكه المعسلة

6 بيضات-رابعة سنيدة-2 كؤوس زيت-خمارة-فانية علبة فواكه-الدقيق الكافي
الطريقة راها معروفة وقبل ما يدخل للفرن ندهن الحرابل بخليط اصفر البيض+ نيسكافي ونشرطوه بفورشيت ويدخل حتى يوقف شوية ونخرجوه ونغطيه بفوطة مبلولة واحد نص ساعة عاد نقطعوه

فقاص باللوز

6 بيضات-كاس زيت-كاس زبدة-2خمارات-كاس زنجلان محمر-كاس داللوز محمر ونص مطحون يعني مهرمش-قبيصة دالنافع-الدقيق
والطريقة راها معروفة

كيكة رولي

4 بيضات-كاس سنيدة-كاس ما عامرش دالزيت-كاس دقيق-2 خمارات
نطحن كلشي حتى يصبح كريم ونفرش مول مربع بورق الزبدة ونوضع فوقه الخليط وتدخل للفرن غير شويش منين تبدا ريحتها تطلع نخرجها وناخذ ياغورت كريمي دل الخوخ وندهن به الكيكة عاد باش نلويها وندخلها للثلاجة منين نخرجها لاجل التقديم ندهنها بالشكلاط ونرشها بالكوك

عصير القرعة الخضرا

2 قرعات خضرا مسلوقين-لتر حليب-دانون-سنيدة

رغيفات

نص كلغ فورص-بيضة - ملح- نص ملعقة سنيدة- 2 ملاعق زبدة-نص خمارة-شوية خميرة الخبز
نخلط العجين وتدلك مزياااااااااااااان ونعمل منها كويرات قد الخوخة وتورق بالزبدة والزيت ثم نلويها على شكل مسمنة نقليها فالزيت ونرشوها بالعسل والجلجلان محمر

غريبة الكوك

3 كؤوس كوك-5 بيضات-2 كؤوس سنيدة - 3 خمارات-3 ك زيت

غريبة الكوك
-الدقيق الكافي
نشكلها غريبة ونغطسها في بياض البيض ونزوقها بلوزة من الفوق وتدخل الفرن تطيبغريبة
رابعة زبدة-رابعة سنيدة-4 اصفر البيض-نص خمارة- كاس زيت-م كونفيتير-شوية الزبيب مقطع صغير-شوية زنجلان محمر والدقيق الكافي
نخدم البيض الزبدة وسنيدة والزبيب والمربى عاد نضيف المواد الاخرى
سرحيها بالمدلك ورشميها بمرشم اللي بغيتي ودهني وجهها ببياض البيض وتفند في لوز مهرمش اخضر بقشوره أومنين تخرج ديري لها خطوط دالشكلاط

حلوة اللوز

عقدة اللوز راها معروفة - علبة حب الملوك صاين (فيه الحبات صاينين)-الشكلاط الابيض
خذي كزيرة من العقدة بسطيها بالكف وخذي حبة سوريز حطيها وسطها وسدي عليها ثم غطسي الطويرة في الشكلاط مستعينة بالكوردون وممكن تزينيها من بعد بعقيقة او لوز مهرمش حسب ذوقك
واذا جاتك الكويرة كبيرة ممكن تقسميها على 2 كتجي رائعة بداك اللون الاحمر في الوسط بحال العين

حلوة كاوكاو

العقدة:

نص كلغ كاوكاو محمر ومقشر ومطحون-نص كلغ سنيدة-شوية زبدة-شوية قرفة-شوية ماء الزهر
العجين:
نص كلغ فورص-نص رابعة زبدة نعجنوهم بماء الزهر نورقوها بالماكينة
نعمل طبقة عجين ونعمل فوقها طبقة عقدة ثم طبقة اخرى دالعجين ونقطعها شرائط في طول الاصبع واقل منه في العرض ونلوي داك الباطوني كيف الحلزون وتدخل الفرن

غريبة بالكوك والسميدة
المقادير: 500غ كوك - 200غ سميدة رقيقة - 350 غ سكر كلاصي- قشور حامضة محكوكة- 5 بيضات - نصف كأس صغير زيت -نصف كأس صغير زبدة مذوبة- خمارة
الطريقة: في إناء نضع الكوك معة السميدة ثم نضيف السكر كلاصي وقشور الحامض والبيض ونخلط ثم نضيف الزبدة والزيت ونتركها ترتاح مدة ساعة ثم نضيف الخمارة ونعمل منها كويرات نفندها في السكر كلاصي ثم نعملها في لاطة مدهونة ثم ندخلها الفرن طيب

حلوة عين الجمل

نض كلغ كوك/حك نيسلي/فيرميسيل اسود/شكلاط اسود/علبة ديال حب الملوك
نكحن الكوك ويجمع بنيسلي ناخذ كويرة ونبسطوها برضه بكف اليد ونحط وسطها حبة حب الملوك ونكورها ونديرها في الشكلاط ثم الفيرميسيل ونديرها في الفريكو حتى تشد راسها ومن بعد نقسمها على 2 بموس مغطوس في ماء مغلي. شكلها كيجي رائع

قريشلات من غير ماء

كلغ فورص-2 كؤوس زيت (نعبار بكاس دانون)-2 كؤوس سنيدة-2 خمارات-2 فاني-2 كؤوس كبيرة عصير الليمون-الزنجلان-النافع-125غ زبدة-
تعجن حتى ترطاب عاد نحربلوها وتقطع وتدخل الفرن

*دجاج منسم :
دجاجة مقطعة طرايف نفلحوها فجميع الجوانب+10 حبات قاع قلة +7 أوراق سيدنا موسى +ملح وإبزار +سكنجبير+زعفران حر أو خرقوم ونوضعوها فالكوكوط على نار مهيلة لمدة 1/3 ساعة ومرة مرة نبقاو نحركو الكوكوط ممكن نديرو طرايف الدجاج فلاشبلور ونقليوهم ونزيدو معلقة نش على المرق حتى تعقاد
*غريبة:
6 بيضا2ك زيت2ك سنيدة+ك سميدة رقيق+2 خميرات +1/2 كلغ كوك +1/4 لوز مطحون + شكلاط فرمسيل.نخلطو الكل عدا الخميرة والفرمسيل نخليو العجينة ترتاح 1/4 ساعة عاد نزيدو الخميرة والفرمسيل نديرو منهم كويرات نمرروهم فما زهر والسكر كلاصي نديروهم متباعدين ونطيبوهم

حلوى سوداء بالكريمة

200 غرام زبذة مذوبة
200 غرام سنيدة
200 غرام طحين
3 بيضات
2 خمارات
3 معالق كاكاو مذوب في شوية الماء
نخلط الكل و نكبوه في مول تم نرمي الشكلاط مقطع طريفات تم الكركاع و ندخلها للفرن حتى تنضج

الكريمة

100 غرام شكلاط اسود
100 غرام سنيدة
100 غرام زبدة
4 معالق كبار حليب
نخلط الكل على عافية مهيلة و نكبوه على وجه الكيكة ملي تنضج و نزوقوا بقطع الكركاع

حلوى للفطور

4 بيضات
زلافة زيت
2 خمارات
2 معالق صغار بيكاربونات الصودا
زلافة سنيدة
3 معالق كبيرة عسل
نخلط الكل و ندهن لاطة مدورة بالزيت و نكوروا كويرات من العجين بحال حلوى الشهدة تم ندهن الوجه بالصفر و ندخلها للفران

كيكة بالحامض

4بيضات
كاس زيت
2 كيسان سنيدة
حامضة مجمدة ليلة
4 خمارات
لفني
3 كيسان طحين

الطريقة

نحكوا الحامضة كلها
نطرب البيض مع السكر تم الزيت و الفاني و الحامضة تم الباقي من المقادير و نصبها في مول و ندخلها تنضج
و من بعد مابردات نسرحوا عليها الناباج
كاس صغير سكر كلاصي
بياض 2 بيضات
2 معالق عصير البرتقال
ملعقة كبيرة قشور الحامض او الليمون
نطرب الكل مزيان و نسرحه على الوجه و نرشوا بقشور الحامض

طورطة مالحة

500 غرام طحين
50 غرام زبدة
اصفر بيضة
زلافة حليب

نخلط المقادير و نجمعها بالحليب و نتركها ترتاح

الحشوة
500 غرام كفتة دجاج او لحم من الاحسن اللحم
زلافة خبز محمص شبلور
2 بيضات
1 كنور
120 غرام زبدة
ملح ابزار
2بصلات مشلظين
الربيع

في مقلاة نضع الزبدة و كنور و البصلة حتى تتشحر تم الكفتة والشبلور
و الربيع و الفرماج تم نحيدوها من العافية و نطربوا البيض و نضيفه

نسرحوا العجينة الى قرصين
الواحد نلبسوه للمول و نتقبه و نفرشوا الحشوة و نغطيها بالقسم التاني ديال العجين و ندهن الوجه بالصفر و نشكلوا اشكال بالعجين اللي بقا لينا و نلصقوهم بالصفر و ندخلها للفران

تحضير الورقة

ربعة فورص نعجنوها بالماء مع الملح تكون بحال عجين السفنج تم نرخفوها بالماء
تم نطحنها في مولينيكس حتى الحصول على عجين شبه البغرير

تم في كاسرونة فيها الماء حتى يسخن تم نحطوا عليه مقلاة تيفال و نبقاو ناخدوا الخليط بالشيتة تم كل ورقة نذهنها بالزيت

طورطية بالدجاج

صدر دجاج مقطع شرائح و مقلي
البطاطا مقطعة مربعات و مقلية
2 معالق لبابة الخبز مرطبة في الحليب
3 كيري
4 بيضات
نطرب البيض و نضيف العناصر كلها مه الملح و الابزار و ندخلها للفرن بعد مادردرنا على الوجه الفرماج محكوك

الحاجة زهرا_دجاجة منسمة باليازير وزعيترة
دجاجة ديال 2 كيلو ونص مغسولة مقطعة على 6_
نص رابعة زبدة
كاس عنبة ماء
معلقة يزير مطحون ومعلقةزعيترة مطحونة
ضامة البنة،زعفران زغبة_دالطريقة_نخلط التوابل نمرمد فيه الدجاجة ثم ناخد لاطة نوضع الدجاج ثم ثم الماء ندهن بالزبدة نغطي بورق الاليمنيوم ندخلو لفرن يطيب علي عافية متوسطة في هذه الاثناء ناخد 3 بطاطات 3 خيزوات كاس جنبالة نقطعهم نصلقهم بالملح ثم نصفيهم نشحرهم مع شوي ابزار والزبدة ثم نوضع في الطبق بالصحة والراحة

كيكة

_4بيضات ،2 ك سنيدة ،2 ك زيت ،5 ك طحين،2 خمرات،2 دراهم كاكاو ،قرعة المونادا كوكا صغيرة _نخلط الكل نوض ي المول ندخلها لفرن لتزيين دانون شكلاط_شكلاط مدوب حين نخرج الكيك نصب عليها لشكلاط بالصحة والراحة

حلوة
_كيلو كاوكاو اخضر مطحون،8 البيضات،2 خمرات،نصف كيلو سنيدة،200غ كوك،كاس زيت، نخلط لكل نتركها 10 دقائق نكورها نمرمدها في سكر كلاصي

حليوة2
_2 بيضات،2 ك زيت،2 ك سنيدة،250غ زبدة،ك كوك،الطحين حس الخليط نكورها ثم ناخد لو فسخ نوضعو وسط منها عاد نكورها ثم ندهنها بصفر البيض دخلها للفرن

» ركن خاص بوصفات ميد راديو
» كروصة بطريقة المسمن
» صلصة الشاورما MED RADIO