ركن خاص بوصفات med radio الوصفات المطبخية

""مادلين ""

المقادير

2 بيضات
100 غرام زبدة
50 غرام اللوز مهرمش
80 غرام شكلاط حبيبات
100 غرام كوك
100غرام سكر صقيل
200غرام طحين
1 خميرة
كاس كبير الحليب

الطريقة

ناخدو الزبدة و سكر نخلطهم نزيدو عليهم الكوك + بيض + حليب + حبيبات شكلاط+ طحين وخميرة الحلوة+اللوز ونخلطو كولشي مات كونش العجينة قاصحة ونعملوهم في لاطة خاصة بمادلين ولا كويغطات مادلين

""فقاص صغير حلو ""

3 بيضات
كاس زبدة مدوبة
كاس زيت
150 غرام سنيدة
1 فاني
1 خميرة الحلوة
طحين حسب الخليط
نخلطو كولشي ونطلقو العجينة ندهنو بشوية الزبدة مدوبة نرشو اللوز مقطه و نبقاو نحربلو اكون صغار وندخلوهم اجمدو من بعد فاش اقصاحو شوية نخرجوهم ونقطعه وندخلوه اطيب في الفران

""

كيلو بطاطة مغسولة مزيان نقطعوها على 4 ونزيدو معلقة يازير + معلقة زعتر + معلقة ثومة + شوية بزار + شوية هريسة+ شوية زيت العود+شوية تحميرة + شوية ملح نخلطو كولشي ونديروها في الفران كات جي بنية

""كيكة""
كاس كوك
كاس دقيق
كاس سميدة رقيقة
كاس سنيدة
كاس زيت
2 خمرات
فاني ولا قشرة حامض
قبصة ملح
5 البيضات
نخلطو كولشي ونديروها فمول مدهون فاش طيب ندير سيرو ديال 3 معالق كونفتير +شوية ماء ونسقيوها ونرشوها بلكوك و لا شكلاط فرمسيل و بالصحة و الراحة

""حلوة الكوك بالفواكه المرقدة""

400 غرام كوك
400 غرام سكر كلاصي
6 ابيض البيض
2 معالق كبار زيت
علبة فواكه المرقدة
نشدو سكر و البيض البيض نديروه في حمام مريم ونبقاو نطربو بطراب حتى اطلع ونحيدوه من فوق العافية وحنا تان طربو حتى ابرد ونزيدو زيت و الكوك وناخدو غير برؤوس الاصابع نحطو فوق طاولة لي فرشنا فيها الورق الابيض ونبقاو نهزو غير شوة برؤوس الاصابع حتى نكملو ونزينو بالفواكه وندخلوها للفران

الطريقة الثانية لنفس الحلوة

500 غرام الكوك
500 غرام سكر سنيدة
1 فاني
10 ابيض البيض
معلقة زيت

بطريقة لدرنا في الاول هادي تان ديروها بلبوق ونزينو بلفواكه المرقدة الحلوةكات بقا بيضاء فاش كا طيب

حلوةة بلفلان فاني""
المقادير
رابعة زبدة
زلافة صغيرة زيت
زلافة صغيرة سنيدة
زلافة صغيرة من اللوزمهرمش و شوية زنجلان و شوية زبيب و شوية الكركاع
2 اكياس فلان فاني
نجمعو بطحين حتى تجمع نكوروها ونرشموها اما بالمرشم ولا نديرو 3 خطوط بلموس بطول و 3 بالعرض وندخلو لاطة ديالنا طيب ونطيبوها
حتى طيب ونخليوها تبرد ونرشو بسكر كلاصي و بالصحة ارلاحة

-------------------
حلوة فلان فريز
راعبة زبدة
2 خمرات
2 كيسان سنيدة
2 كيسان زيت
2 كيس فلان فريز 1 نديروه في العجين 1 غان ستعملوه في التزيين
طحين
ناخدو المقادير نخلطوها كاملة ونزيدو الطحين حتى تجمع مات كونش قاسحة بزااف
نديرو اناء و نديرو فيه سنيدة ونزيدو كيس ديال فلان فريز نخلطووهم بمعلقة
نشدو العجين نبقاو نكورو ونديروها في سنيدة ونستفوها في لاطة بغينا نرشموها بمرشم و لا نخليوها هكداك
نطيبوها من لتحت مزيان فاش نزلوها لتحت تكون غير مدهبة شوية غووز باردد و بالصحة و الراحة

""كيكة بلفلان كراميل""
نصف كاس ماء مع 4 معالق سكر سنيدة نديروهم فكاسرونة نخلطووهم حتى نحصلو على كريك كراميل ناخدو المول ونكبو فيه الكراميل وندوزوه في المول
مقادير الفلان
2 بيضات
2 كيسان حليب غبرة
2 كيسان ماء
كاس سنيدة
1 فاني
نخلطو هادشي كولو نديروه فوق كراميل
//مقادير الكيكة//
2 بيضات
كاس سنيدة
كاس حليب
نصف كاس زيت
2 معالق كبار شكلاط غبرة
كيس ونصف خميرة الحلوة
2 كيسان طحين
نخلطو كولشي ونكبو فوق الفلان
نديرو المول فحمام مريم *نديرو شي طاوة نعمروها بلماء ونديرو فيها الموول *وندخلوه للفران طيب فاش طيب نقلبوها في طبق التقديم و بصحة و راحة

كريب باللوز

2 بيضات
2 معالق سكر
2 فاني
كاس بودرة اللوز
قبصة الملح
نصف لتر حليب
200 غرام طحين
نخلطو كولشي ونطيبوهم فاش اطيبو ندهنهم بشكلاط

الكيييييييك
4بيضات.1فاني.2خماير.100غرام السميدة الرقيقة.150غرام فورص.100غرام سنيدة.كاس صغير عصير البرتقال.كاس صغير الزيت
نخلط الكل ونضعه في المقلاة التقيلة مدهونة بالزيت ومرشوشة بالسميدة وتدخل الفرن حتى تطيب م تسقى بالسيرو المكون من عصير الليمون والسكر ويغلى شوية تم تسقى به لحرشة ونخلوها تبرد وبالصحة

كروكيط بالفرماج
صلصة بيشاميل ثقيلة+10 سل كريمة+125 غ فرماج محكوك يخلط الكل جيدا ويضاف الابزار والكوزة والملح نكورها نضعها في الثلاجة من بعد ندوزها في الدقيق والبيض والشابلير ونكرر العملية وتقلي حتى تتذهب لونها وتقدم مع صلصة الكيتشاب

كروكيط بالكفتة
رابعة كفتة بقري تخلط مع بيشاميل ونص بصلة مشحرة وملح وابزار وكوزة ومن صفار الى 2 صفار بيض تترك في التلاجة تبرد تدوز في الدقيق والبيض والشابلير وتقلى تقدم مع صلصة حارة

تتمة مزال كروركيط بالدجاج
صدر الدجاج مطحون + صلصة صوجا+1 م دقيق+صفار بيض+بصلة مشلظةومشحرة
ابزار ملح كوزة
نخلط الجميع ونتركه يبرد جيدا من ساعة الى ساعتين نعمل كريصات تم تدوز فالطحين والبض وشابلير وتقلى

كروكي بالروز
نطيب الروز نضيف عليه الحليب تم نعبر مقدار زلافة من الروز نضيف لها صفار بيضة نبسط الروز ونضع وسطه شوية من جبن الريكوتا مع المكسرات او قطعة فرماج احمر تكور وتدوز فالطحين والبيض والشابلير وتقلى

فقاص مالح باللوز
250غ طحين - نصف ملعقة ملح 100 غ زبدة 2فرماجات مثلثين بيضة الماء دافي للعجين 100غ لوز مهرمش بقشوره
في اناء كندير الطحين الملح الزبدة الفرماج و صفر بيضة و نجمع بشوية الماء حتى نحصل على عجين مرخوفة و ندير منها حريبلات صغار ندوزهم فبياض البيض و ندوزوهم فاللوز مهرمش و نلفوهم فالبلاستك الغدائي و نديره فالثلاجة حتى يتجمع و نقطعه صغير و و نستفهم فاللاطة و نديرهم يطيبو لمدة ربع ساعة و نقدموه

مالحة كيكة
250غ دقيق - 200غ فرماج الاحمر- 200غ كاشير-200غ زبدة- كاس صغير حليب-4 بيضات -خمارة و نصف- ملح ابزار بصلة خضارية مشحرة
نخلط المقادير كلها و نديرها فالمول حتى تطيب فحال الكيك و نتاكدو بالسكين واش طابت و ملي تخرج نزينوها بالفرماج و هي ساخنة
-----------------------------
بيتزا
العجين
300غ طحين- 2م زيت زيتون-ملعقة ص خميرة الخبز ملح ابزار
الحشو
كاشير مقطع مربعات- فرماج محكوك -2 م زبدة بيضة - قزبر و معدنوس
نخلطهم و نديرهم حشوة للبيتزا و ندخلوها الفرن تطيب فحال البيتزا العادية هي ما قالتش كاع الطريقة هههههههه زعما راها باينة
----------------------------
المورانغ
بياض البيض 6- كاس سكر كلاصي
ناخد الكوكوت على نار مهيلة و ندير فوسطها اناء و ندير فيهم بياض البيض و نطرب بالطراب و نبدا نضيف السكر بالتدريج
و نديرها فالبوشيط و نديرها على الشكل اللي بغينا و و ندخلها الفرن

فلان بالفاني
لتر ديال الحليب
5البيضات
3معالق كبار سنيدة
2فاني

في كسرونة فوق العافية حتى يفيض ويترك جانبا

نخلط البيض مع السنيدة والفاني مزيان ونزيدوه على الحليب ونخلطوهم ونعملوهم في لمول صغار ويدخل الفرن يطيب في حمام مريم لمل يطيب ندخلوهم التلاجة حتى يبردو ونقدموهم

دجاجة معمرة
المقادير

دجاجة كيلو ونصف رابعة كفتة بيبي زيتون مقطع قزبر معدنوس 2 بصلات 4 درس توم

ابزار سكنجبير ضامة زعفران نصف كاس زيت العود مخلط مع الروممية نصف مصيرة

الطريقة
نحك البصلة ونضيف التوابل والربيع نصف مصيرة ونضيفوا الكفتة ونعمروا بيها الدجاج ونخيطوها ونفوروها في الكسكاس والماء لي غادي يفور فيه

فيه مصلة صاينة مطيشة ودرس توم وضامة البنة بقري + 4 زلايف ماء تم فاش طيب الدجاج ندهنوها بالموطارط و مطيشة الحك وندخلها للفرن

ناخد مطيشة بصلة نطحنوهم ونضيفوا الماء ديال التفوار ونضيف فيه الرروز فاش يطيب الروز نديروه في الجناب

كيك ايت مولول

4 بيضات /حفنة تمر مقطع رقيق /كاس حليب /كاس ونصف سنيدة /كاس زيت/ 2 خمارات /نصف معلقة سكينجبير/ ونصف قرفة 3/ معالق كبار مربى الفريز
الدقيق حسب الخليط في مول دائري فاش طيب نخويو عليها الشكلاط ونزوقوها بالكركاع

كشير من فتيحة خريبكة
4بيضات 2فرماجات دامة البنة بكري كاس زيت كاس دقيق او سميد او شابلور 2م كامون م ربيع 2دروس مفرومين تومة ملون احمر نخمط الكل في الخلاط+ الدقيق ونعملوه فالقالب الخاص ونطيبوه

حليب مركز
كاس حليب غبرة كاسماء كاس سنيدة كنخلط الكل ونوضعوه على نار مهيلة حتى تتقال
ولا خطات فشي حاجة صلحوالي وشكرا

كراتان البدنجان محشو بالبطاطس
المقادير
500غ بطاطس,ملح,ثوم,تحميرة,كمون,البقدنوس,البدنجان
نحظر قظبان من البطاطس,نلفها في شرائح البدنجان
500غ طماطم,ثوم,ملح,ابزار,م.ص.مركز الطماطم,م.ص سنيدة,البقدنوس
الطريقة
نسلق البطاطس ونطحنها نظيف التوابل ونخلط
نقطع البدنجان الى شرائح بالطول ونقليها
نحظر قظبان البطاطس و نلفها بشرائح البدنجان
الصلصة
نحك الطماطم وظعها في مقلات نظيف التوابل
نصب الصلصة فوق لفائف البدنجان ونرش الجبن ثم ندخلها الفرن
بالصحةنقره لتكبير أو تصغير الصورة ونقرتين لعرض الصورة في صفحة مستقلة بحجمها الطبيعي

فقاص مالح باللوز250غ طحين - نصف ملعقة ملح -100 غ زبدة -2فرماجات مثلثين بيضة الماء دافي للعجين 100غ لوز مهرمش بقشوره
في اناء كندير الطحين الملح الزبدة الفرماج و صفر بيضة و نجمع بشوية الماء حتى نحصل على عجين مرخوفة و ندير منها حريبلات صغار ندوزهم فبياض البيض و ندوزوهم فاللوز مهرمش و نلفوهم فالبلاستك الغدائي و نديره فالثلاجة حتى يتجمع و نقطعه صغير و و نستفهم فاللاطة و نديرهم يطيبو لمدة ربع ساعة و نقدموه

طرطة بالتفاح
"المقادير"

3 بيضات+6 معالق كبار زيت+4 معالق كبار سنيدة+4 معالق عصير الحامض+10 معالق طحين+خمارة+قشور حامضة+ تفاحة مقطعة شرائح.

"الطريقة"

كنخلطو بحال الكيك وندهنو المول ونكبو الخليط ونزينوها بشرائح التفاح وندخلوها الفرن.

الحرشة بالليمون
مقادير

4 بيضات

1 فاني

2خمرات

100 غ سميدة رقيقة

150غ دقيق

100غ سكر

كاس صغير عصير ليمون

كاس زيت

يخلط الكل جيدا انا يدهن المول بزبدة و ترش بدقيق و ندخلوه للفرن

حتى يطيب لما نخرجوه نسقيوه ...بسيرو ديال سكر وعصير الليمون

البسبوسة
4 بيض
زلافة سنيدة
زلافة الا ربع زيت
كاس عنبة حليب
ملح
م ك قرفة
زلافة لوز مطحون بالقشور
زلافة سميدة رقيقة
3 خميرات ديال الحلوى
نخلطو كلشي ونديروه فقالب كبير شوية تطيب بحال الكيك ولما نخرجوها وهي سخونة نسقيوها بنصف كاس عسل مخلط مع ربع كاس ماء زهر ونزينوها باللوز مهرمش

كيك بالتمر
4 زلايف دقيق 6 بيض كيلو تمر معجن 2 كيسان سنيدة 2 كيسان زيت 1 م قرفة 10 دراهم شكلاط ابيض و2 دراهم شكلاط اسود 3خميرات كنخلطو المقادير من غير الشكلاط ونسرحوه فاللاطة الطويلة ديال الفرن لي طولها 40 سنتيم تقريبا ولما تطيب نزينوها بالشكلاط الابيض والاسود على شكل ميل فوي

كيك بكوكاكولا
2 بيض كاس كوكاكولا 2 خميرات كاس شكلاط غبرة كاس زيت كاس سنيدة 2 كيسان دقيق كنديرو الخليط فمول وندخلوه الفرن يطيب من بعد نزينو الكيك بالشكلاط واللوز

فقاص بالكركاع
300غ دقيق 150غ زبدة فاني نصف خميرة ديال الحلوى 6 م ك زيت 150 سنيدة 6 م ك ماء زهر 300 كركاع نديرو منو عصيات ندخلوهم المجمد يقصاحو عاد نقطعوهم على شكل فقاص ندهنوهم باصفر بيضة ونطيبوهم فالفرن

محنشات بالخضر
نشحرو بصلة كبيرة فالزيت والزبدة نضيفو 2 جزرات محكوكات و 2 فلافل بالالوان ملح ابزار تحميرة نزولوه ونضيفو الشعرية الصينية حك الطون و4 م ك معدنوس
رابعة دقيق 1 م زبدة نصف م ص خميرة ديال الحلوى ملح نعجنو بالماء ونديرو منها كويرات صغار نورقوهم بالزيت نعمروهم بالحشوة ونشكلوهم محنشات ندهنوهم بالزيت ونطيبوهم فالفرن

كوكيز
رابعة زبدة 2 كيسان سنيدة 3 اصفر بيض كاس زيت كاس حليب 2 فاني 2 خميرات زلافة شكلاط مقطع الدقيق حسب الخليط تقريبا كيلو

البسبوسة
500 سميدة رقيقة 100 كوك مطحون 50 غ زبدة خميرة بلدية 1 خميرة حمراء نصف كاس الى كاس ماء زهر2 م ك نيدو كاس ونصف سنيدة نطيبوها فالمقلة التقيلة تم نسقيوها بالسيرو محضر بكاس ماء وكاس ونصف سنيدة و 2 م ك عصير حامض

عصير البطاطكا
عصير البطاطا مسلوقة+لبن+سنيدة حسب الدوق+لافاني+سيرو الاحمر تطحن جميع المقادير و تقدم بالصحة كيجي بحال رايبي

» ركن خاص بوصفات ميد راديو
» كروصة بطريقة المسمن
» صلصة الشاورما MED RADIO