ركن خاص بوصفات med radio الوصفات المطبخية

شوربة
250غ لحم او دجاج/ بصلة / مطيشة محكوكة / نصف كاس زيت/ شوية سمن/ شوية كرافص
قزبر معدنوس/ ملح/ بزار/ خرقوم تحميرة/ ضامة بنة / 2حفنات شعرية
نشحر الكل نضيف لما نخليه يطيب ثم ندورها بشعرية

دجاجة بالزبدة
شوية الزبدة
شوية زعتر مدقوق
ملح ابزار
ندهنو الدجاجة مزيان من الداخل والخارج وتطهى في الفرن

سيكار بالكاوكاو
كيلو كاوكاو محمر ومنقي ومطحون
600 غ سنيدة
ربع كاس ماء زهر
نصف معلقة مسكة حرة
كاس صغير الزبدة
600 غ ورقة البسطيلة
150 غ زبدة لدهن
يطحن الكاوكاو امعا سنيدة ونضيف ماء الزهر وزبدة ومسكة وتعمل صبيعات
نعمر الورقة وتدهن بالزبدة وماللي تطيب انقطعوه وندردو عليه سكر كلاصي

كيك
نديرو كاس سنيدة يطيب ويولي كراميل ونصبوه فمول طويل
نحضرو الفلان بنصف لتر حليب و2 م ك سنيدة وساشي فلان ونصبوه على الكراميل فالمول وندخلوه التلاجة
نخلطو 3 بيض نصف كاس سنيدة نصف كاس زيت كاس دقيق فاني 2 خميرات
نخرجو المول من التلاجة ونزيدوه هاد الخليط تم نديروه فحمام مريم وندخلوه يطيب فالفرن من بعد نقلبوه فصحن التقديم
فلان بالحامض
8 بيض
1 لتر حليب
300 غ سنيدة
75 غ دقيق
2 فاني
قشرة 2 حامضات
نخلطو كلشي بالباطور ونكبوه فمول يكون عالي ونديروه فحمام مريم تم الفرن

عصير
500 غ كرعة حمرة مسلوقة دانون بنكهة الفاني ساشي فاني لتر الا ربع عصير برتقال سكر نطحنو كلشي

ميني كيك
4 بيض
كاس صغير سنيدة
كاس صغير زيت
كاس حليب
3خميرات
حامضة محكوكة
2 كيسان دقيق
نخلطو المقادير ونديروهم فقوالب فردية لما يطيبو ندهنوهم بالناباج او المربى
ونزينو بالكوك او اللوز او كاوكاو

مايونيز بالحليب
حليب بارد من التلاجة 1 م ص ملح 1 م خل نصف م عصير حامض نصف كاس زيت
نديرو كلشي فالخلاط الكهربائي ونزيدو الزيت شوية بشوية

حلوة الكوك
125غ دقيق
70 غ سنيدة
70 زبدة
1 م ك زيت
بيضة
1 م ص خميرة ديال الحلوى
نخلطو المقادير نديرو منها كويرات
وندخلوهم الفرن تم نخلطو نصف علبة مربى المشماش و كاس صغير ماء نديروه يدفى ونغطسو فيه الحلوى ونمرمدوها فالكوك

حلوة الشميعة
عجينة اللوز مسكة حرة ماء زهر سنيدة نشكلوها صبيعات تم نغطسوها فشكلاط ابيض تم نغرسو فيها قرنفلة

شوربة الكفتة
بطاطا كبيرة 3 جزرات ربيع زبدة ملح ابزار لتر ماء
نديرو كلشي يطيب تم نطحنوه ونردوه على النار ونزيدو كويرات كفتة ونخليوها تطيب

النوكا
رابعة سنيدة
نصف كاس صغير ماء زهر
300 غ عسل
3 بياض بيض
رابعة لوز مسلوق مقشر محمر
نحضرو سيرو بسنيدة وماء زهر يولي لونو عسلي ونخليوه يبرد
فكاسرونة على النار نديرو العسل نزيدوه السيرو مع التحراك من بعد نطربو بياض بيض فحمام مريم يولي تلج
نضيفو الخليط الاول واللوز تم نبسطوه فلاطة على ورق وندخلوه التلاجة تم نقطعوها مربعات

دانون
لتر حليب
كاس دانون
فاني
3 الى 4 م ك سكر
كنديرو نصف لتر حليب يفيض تم نزيدوه سكر والفاني والنصف الاخر يكون بارد
نخلطوهم فالخلاط الكهربائي ونصبوه فاناء ونديروه فحمام مريم ونغطيوه ونخليوه 5 ساعات

كوكيز بالليمون
150غ دقيق
70غ زبدة
صفر 2 بيضات
125غ سنيدة
معلقة كبيرة عصير الليمون
معلقة كبيرة نشا
معلقة صغيرة خميرة الحلوى
الطريقة
نخلطو زبدة وسنيدة نخلطو بالطراب ونزيدو البيض وعصير وقشرة الليمون
ونخلطو مزيان عاد انخلطو الدقيق والنشا والخميرة والملح
ونجمعو العجينة وتدخل لتلاجة ساعتين ومن بعد انديروها اعلا شمل كويرات ونضغطو عليها بالفرشيط ونطيبوها

قريشلات حارين
250غ مارغرين مدوبة/ معدنوس ثومة / ابزار / ملح/ خميرة/ ك ص زيت/ تحميرة / زيتون مقطع صغير / شوية كشير مقطع
هريسة شوية ماء الدقيق حسب الخليط نحربلهم صغارندخلهم لفريكو حين يقساحو نقطعهم دوائر ندخلهم للفرن

فقاص
2 بيضات/ بياض بيضة /ك ص سنيدة / ك ص زيت/ 2 فاني/ 2 خمرات / 300غ طحين
للتزيين صفار بيضة / مخلط مع شكلاط غبرة نجمع الكل حرابل ندهنهم ببياض البيض مع كاكاو ندخلهم يطيبو ثم نقطعادي على شكل فقاس

عصير الافوكا
حبة افوكا لتر حليب 25 غ لوز
2 معالق زبيب8 تمرات ملعقة سنيدة
نخلط الكل في المولينكس و يقدم فالحين

دجاج بلاكريم فريش
اطراف ندهنه بالموطارد والزبدة وشوية الملح و الابزارو نطيبوه في شوية الماء
ملي يطيب الدجاج نحيدوه من الطنجرة و نزيدو شمبينيوا و لكريم فريش 4م.ك

عصير
البطاطا مسلوقة+لبن+سنيدة حسب الدوق+لافاني+سيرو الاحمر تطحن جميع المقادير و تقدم بالصحة كيجي بحال رايبي

حلوة البوق
4 بيض 2 كيسان زيت 2 كيسان سنيدة 2 خميرات نص كاس عصير الليمون قشرة ليمونة رابعة زبدة ماركرين دقيق حسب الخليط
بالنسبة لاي حلوة كنخلطو في الاول البيض وسنيدة فالخلاط الكهربائي من بعد نضيفو باقي المقادير تم نخرجوها بالبوق يمكن لنا نقسمو العجينة نديرو وحدة بالكاكاو وحدة عادية
حلوة بالخل
رابعة زبدة كاس سكر كلاص 2 الى 3 قطرات روح فاني دقيق نطلقوها ونقطعوها على شكل قليبات نفندوهم فالخل وسنيدة ولما تطيب نلصقوهم بالشكلاط*

الشهدة
كاس زيت كاس سنيدة ملح 2 بيضات واحد بياض بيضة كاس ونصف حليب 2 م خل 2 م خميرة بلدية دقيق حسب الخليط والعجينة ماتكونش قاصحة
ندهنو مول بالزبدة ونرشوه بالدقيق نديروكويرات العجينة وحدة حد وحدة وبيناتهم نحطو طريفات من الشكلاط نخليوها تخمر ساعة تم ندهنوها باصفر بيض ولما تطيب نسقيوها بالعسل
كراتان بالكرعة
نشحرو بصلة مع الزبدة ملح ابزار نقطعو 5 كرعات على شكل طولي ونغليوهم فالماء و الملح نصفيوها تم نقليوها
نشحرو رابعة دجاج فالزبدة ملح ابزار وشوية الماء
زيتون اسود نقطعوه طريفات
نخلطو دانون مسوس ونفس عبارو حليب تم نطربو 4 بيضات وزبدة ملح من بعد ناخدو مول مدهون بالزبدة نديرو طبقة من البصلة نزيدو نصف كمية الكرعة زيتون دجاج نصف خليط دانون البصلة تاني الكرعة وهكدا حتى نكملو ونختمو فالاخير بالفرماج محكوك

الزيتون مشرمل كيجي رائع
نص كيلو زيتون بلا عظم يتغسل مزيان
حك درة
قزبر و معدنوس
شوية الكامون
فلفلة حمر و خضرة مقطعن صغيور
شوية زيت العود حتى لأ خير عاد نضفه
حك طون
شوية لهريسة
بريوش
نصف كيلو الدقيق
رابعة زبدة
150g سنيدة
ملح 3بيضات
كاس حليب
50gسنيدة وبيضة للتزيين
الماء الدافئ باش نعجنو

خبز الشاورما
نصف كيلو الدقيق
معلقة كبيرة سنيدة
معاقة كبيرة خميرة الخبز
نصف كاس الزيت
ملح
نعجن الكل وندلكوه مزيان ونخليوه يخمر في القصعة من بعد نعملو كويرات صغار
ونبسطوهم مزيان ونتركهم لمدة ربع ساعة ونطيبوهم عادي بحال البطبوط

صلصة الشاورما
ياغورت مسوس
النعناع
الخل
القرفة بسيبيسة قزبر يابس قرنفل الزعترالثوم القرنفل
يخلط الكل في الخلاط الكهربائي ويستعمل

حلوة الصخرة بالكاوكاو
1كيلو الكاوكاو محمر ومهرمش
5بيضات
رابعة الزبيبمقطع ومرقد في الماء لمدة ليلة كاملة
3كيسان العنبةسنيدة
رابعة الشكلاط ابيض
تعمل مثل الصخرة تاخد برؤوس لاصابع وتعمل في طاوة مدهونةلما تطيب تلصق وحدة بوحدة بالشكلاط الابيض

بينيي
2بيضات قبصة ملح
1خميرة الحلوى 1فاني
نصف كاس سنيدة نصف كاس زيت نصف كاس عصير الليمون
الدقيق حسب الخليط
تدلك مزيان تورق وتقطع بمرشم دائري مشنف من الجناب تقلى في الزيت ثم تزين بالسكر الكلاصي

حلوة الفرماجة
رابعة الزبدة 2 فرماجات دقيق حسب الخليط
تطلق بالمدلك وتقطع علي شكل هلال ولما تطهي تفند في سكر كلاصي

حلوة الصخرة
كيلو كاوكاو محمر ومهرمش بالقشور رابعة السنيدة 3البيضات كاس زيت 2قاني شكلاط ابيض لتزيين
نطرب البيض امعا سنيدة ونزيدو قاني والزيت والكاوكاو وناخد الكورة باطراف الاصابع ابحال الصخرة وماللي تطيب نزينوها بالشكلاط ابيض علا شكل خطوط

حلوة المكينة ديال الكفتة
كاس الزيت
نصف كاس زبدة دايبة
2بيضات
كاس سنيدة
نصف كاس الزهر
نصف كاس النافع والجلجلان مطحونين
2خميرة
1فاني
الدقيق حسب الخليط
الحليب الدافئ لجمع العجين
يخلط الكل وتخرج في المكينة ديال الكفتة في البوق على شكل اصابع وتدخل الفرن
حلوة الفورشيط
كيلو الفورص
رابعة الزبدة
2كيسان الزيت
1خميرة الحلوى
كاس دانون بنان
تعمل على شكل كويرات وترشم بالفورشيط وتدخل الفرن لما تطيب تفند في السكر كلاصي

حلوة بنسكافي
250gالزبدة
3معالق نسكافي ما يعادل 3ساشيات
1معلقة سكر كلاصي
نصف خميرة الحلوى
رابعة الشكلاط اسود
يجمع العجين ويورق بالمدلك ويقطع بالمرشم حسب الرغبة وتدخل الفرن لما تخرج تغطس في الشكلاط وتزين بالعقيق
حلوى على شكل كركاعة
رابعة الزبدة
2كيسلن الزيت
2كيسلن سنيدة
1ياغورت طبيعي
2معالق كاكاو
الدقيق حسب الخليط
تخرج بالبوق المسنن على شكل وردة تدخل الفرن لما تخرج تلصق وحدة بوحدة بالشكلاط الابيض

العصير
كيلو الحامض انحكوه ونعصروه وكيلو الا ربع سنيدة نحركوه ونزيدو لتر ماء طايب ونخليوه 12 ساعة
يصفي وناخدكاس العنبة نعبرو بيه ويوضع كلا كاس في بلاستيكا ويوضع في الفريكو
وماللي نبغيوه ناخد كاس العصير ونزيدو عليه لتر ماء او اقل اعلا حساب الدوق راه تيجي راءع

حلوى الوريقات
4 بيضات +2كيسان عنبة سكر سنيدة +2كيسان زيت +2كيسان
كوك+2 الزا +2 لفني +طحين حسب الخليط
نخلط الكل و نحربلوه على شكل اصابع و نفندوهم في سكر سنيدة ونفلحوهم بالموسى و ندخلهم للفرن .

حلوة الفلفلة من عند خالتي كنزة
رابعة الزبدة
كاس ونصف سكر كلاصي
كاس ونصف زيت
2كيسان جنجلان
نصف خمارة
2كيسان كاوكاو محمر ومهرمش
4البيضات دقيق حسب الخليط
ملون احمر واخضر عواد القرنفل لتزيين
نخلط جميع المقادير وتقسم اعلا 2 واحد انضيفو ليه ملون احمر و واحد اخضر
وتتشكل حرابل صغيرة وتعمل ابحال الفلفلة ونضع لقرنفل الفوق وتطهى قالت انها كتجي زوينة
حلوة ريشبوند من عند خالتي كنزة
4البيضات
زلافة صغيرة اديال الزيت
زلافة صغيرة اديال السنيدة
رابعة الزبدة
3الخمارات
الدقيق حسب الخليط
كونفتير وماء الزهر لتفنيد بعد الطهي
كنديرو كويرات من العجين وتكون صغيرة وبعدما تطيب انديروها في الكونفتير ونفندوها في الكوك
قالت رابعة اديال الكوك

سابلي باللوز والكراميل من عند سناء
العجين رابعة الزبدة
150gسنيدة
4البيضات
1قاني
850gالدقيق
الحشو
حك نسلي طايب 45دقيقة
500gاللوزمحمر ومطحون او كاوكاو
كنجمعو العجين ونقطعوه اعلا شكل هلال وكندهنهم بالبيض وقالت انسرحهم بالمدلاك اللي كيكون فبه تشراط ويدخل ليطهى
بعد ماطاب كنخلطو اللوز والكراميل وكنديرو منهم حريبلات صغار ونبداو انلصقو كل 2 الهلالات بالحشوة
نتمنى اتكون الفكرة وصلت

كراتان بالسردين
كفتة سردين نشرملوها بالتومة ربيع ملح تحميرة كامون ابزار هريسة ونديروها فمول مدهون بالزيت نرشو عليها الروز العادي مسلوق تم الفلفلة خضرة مقطعة تم ماطيشة محكوكة ونفس الشرمولة لي درنا مع السردين وفي الاخير نديرو الفوق البيض مطرب

بسطيلة
كيلو لحم مقطع على مكعبات صغار
2 بصلات
فولات الحولي والكلوات ايضا
شعرية الصينية
زيتون مقطع
زبدة
زيت
500غ ورقة البسطيلة
معدنوس ملح ابزار
سكنجبير تحميرة
هريسة 5بيضات مسلوقين
الفطر
كنشحرو المقادير مع التوابل نديروه فاناء ونضيفو البيض محكوك و نعمرو بيه الورقة على شكل بسطيلة ندهنوها بالزبدة وندخلوها الفرن تطيب

غريبة بنسكافي
زبدة ماركرين كاس سكر كلاص نص كاس زيت 6 ساشيات نسكافي باكية صغيرة شكلاط غبرة 2 خميرات فاني دقيق حسب الخليط نخلطو المقادير ونديرو منها كويرات نعمروهم بحشوة متكونة من الكوك سكر كلاص وماء زهر تم نشكلوهم على شكل غريبات ونطيبوهم فالفرن

الدجاج فالفرن
4 فخاد دجاج 1 م موطارد ملح ابزار سكنجبير 2 تومات نخلطو كلشي ونخليوه يرقد ليلة من بعد نبخروهم تم نديروهم فالدقيق والبيض ولشابلير ونقليوهم

حلوة باللوز من عند سناء
2بيضات
80غ زبدة ماركرين
80غ نسلي
100غ لوز مطحون
150غ فورص
1خمارة
1قاني
للتزيين

رقائق اللوز
انطربو اصفر البيض بالباطور مزيان انزيدو عليه قاني ونسلي وزبدة واللوز والملح انكونو طفينا الباطور عاد انزيدو الدقيق والخمارة
انديروها كويرات وتوضع في ابيض البيض وتفند في اللوز وتدخل للفرن وماللي اتخرج بالسلامة ههههه انديروها في العسل مباشرة منسم بماء الزهر
وتوضع في كويغطات

حلوى الشهدة
نصف ليتر حليب +قبصة ملح +ملعقة قشور ليمون +شوة خميرة العجين+2 بيضات معزولين البياض للحلوى و الصفر للدهن+1 الزا حمراء+1 لفني+كاس زيت+2 كيسان سكر +طحين حسب الخليط
نخلط الكل بحال عجين البريوش و يترك يخمر و من بعد يكور كويرات صغار في المول تم نتركها تخمر مرة تانية تم ندهنها بالصفر + الزنجلان

كيكة

3بيضات
نصف كاس عنبة زيت
كاس عنبة سنيدة
كاس عنبة حليب
دانون فاني
3خميرة
التمر شوية مقطع طريفات
2معالق كبار الفورص
زلافة النخالة محمرة
كنخلط الكيك عادي ونعملوه في مستطيل مدهون بالزبدة ومرشوش بالطحين

كيكة لمرضى السكري
3 البيضات+1 ياغورت طبيعي+3 الزا حمرين+كاس الزيت+كاس عصير الليمون+قشرة حامضة

ونخلط الكل بالمولينيكس مع اضافة الطحين حتى الحصول على سمك عجين الكيك ونصبه في مول و ندخله للفرن

كيكة بالمشروب الغازي
2بيضات
2خميرة
كاس الزيت
كاس سنيدة
كاس كوكا كولا
كاس كاكاو
2كيسان دقيق

غريبة البهلة في الكوكوط
كيلو ونصف الدقيق
رابعة الزبدة
كاس عنبة زنجلان محمر
3كيسان الزيت عنبة
3كيسان عنبة سنيدة
نصف كاس ماء الزهر
3خميرة
نجمع الخليط عادي وندلكوه مزيان ونعملوه في الكوكوط لمدة ثلاث ساعات من بعد نكوروها وندخلوها الفرن

حلوة البيض المسلوق
رابعة الزبدة عادية
4اصفر البيض مسلوق
كاس السكر كلاصي
كاس زيت
1خميرة
للتزيين

الشكلاط اسود وبيمو طونيك مطحون
نخلك الكل تعمل مثل غريبة وتكون صغيرة شوي وتدخل الفرن

لما تطيب نغطسوها في الشكلاط دايب وتمرمد في بيمو
غريبة بالكركاع
115g الزبدة
2معالق سنيدة
معلقة فاني قبصة ملح
115gكركاع مهرمش او مطحون
للتزيين

سكر كلاصي
نعملوها مثل غريبة ونرشموها بالمرشم وندخلوها الفرن

لما تخرج من الفرن تفند في السكر كلاصي

حلوة العش
كيلو ونصف كاوكومكلي ومطحون بقشرته
قرعة المربى جاري
معلقة كبيرة القرفة

للتزيين

نصف كيلو زنجلان محمر
نصف رابعة الشكلاط ابيض
نصف كاس ماء الزهر
بياض بيضة للتزيين
في انا نخلط الكاوكاو مع المربى مع القرفة مع الزهر
وننكورها كويرات صغار نغطسوها في ابيض البيض ونفندوها في الزنجلان ثم نعملوها في لاطة مدهونة ونثقبوها في الوسط تدخل الى الفرن

لما تخرج نعمرو الثقبة بالشكلاط ابيض

حلوى البلوطة
ربعة الزبدة +كاس الزيت+2 كيسان سكر سنيدة +2 بيضات +2 خميرات الزا +2 لفني
ربعة لوز مفسخ و مقلي
ربعة شكلاط اسود و الشكلاط الابيض
نخلط جميع المقادير ماعدا اللوز و الشكلاط و نشكلوها بحال البلوطة و نضع اللوزة في الوسط
وندخلها للفرن ملي تطيب نغطسها في الشكلاط اسود ذايب و نصنع خيوط من الشكلاط الابيض

اللحم على الطريقة الرباطية
كناخدوا اللحم و نحكوا عليه البصلة و الملحة و الابزار و الحرقوم البلدي و الزعفران الحر بزايد
و اسكنجبير و شوية الزيت و 2 بصلات مشلظين فاش يتقلى اللحم و نمرقه
و فاش قرب يطيب نزولوا شوية مرقة
و نضعها في مقلاة و نضيف لها الربيع + البيض مطرب و نشكلها ك اومليط
و ملي يطيب اللحم نحطوها في الفوق +اللوز مفسخ و مقلي

حلوى عيد الميلاد فوري

180 غرام سكر سنيدة+140 غرام فورص +6 البيضات+40 غرام كاكاو مر +180 غرام طحين +2 الزا حمرين
نطربوا البيض مع السكر حتى يصبح مرغوي مزيان تم نضيف الطحين و الكاكاو و الخميرة يكونوا مغربليين
ونصبها في مول و ملي تطيب نقسمها و نسقيها بالسيرو ديال الفواكه المعلبة
و نزوقوا بلكريم شونتي + قطع الفواكه +قطعة الحلوى و نسقيها + لكريم تم نزوقوها على دوقك
و الجوانب نزوقوهم بالشكلاط شعرية ملونة او حيب اللي موجود

العنكرة محمرة
ناخدو العنكرة نزولو لها العضام تولي على شكل فيلي نخلطو الملح ابزاراسود ابزار ابيض زيت الزيتون زيت عادية سمن توم الربيع تم ندهنو بيه العنكرة نلويوها ونجمعوها بالخيط وندهنوها تاني بنفس الخليط كنديروها تطيب من بعد نحمروها فالفرن

مسمن باللوز
كيلو دقيق 2 بيضات 2 خميرات ملح نعجنو العجينة وندلكوها مزيان تم نورقوها على شكل مسمنات نعمروهم باللوز مسلوق من الاحسن يكون مسلوق حيت غادي يتقلا من بعد نقليوهم وندهنوهم باللوز مقلي والعسل

دانيت بالشكلاط

نصف لتر حليب 100ريال شكلاط ديال 4دريال اي 25 قطعة نوضعهم في كسرونة ف البوطة حتى بدوب الشكلاط فقط بلا ما يغلى الحليب نتركو يبرد ناخد مولينكس عفواالخلاط الكهرباءي _هههه_نوضع الخليط نضيف فاني ثم معلقة ونصف دقيق 1 بيضة السكر حسب الدوق نخلط الكل ثم نرجعو للكسرونة نبقى نحرك بمعلقة ديال العود حتى يعقد نوضعو في زلايف او ناكل به خبيز مع الفطور او الكوطي

كاليط

كاس عسل//كاس سنيدة 2 بيضات 1 للدهين 2 فاني 2 خمارات كاس زيت قبيسة ملح الدقيق حسب الخليط نجمع الخلط ثم ناخد لاطة نوضع فيها بابي كلاصي ناخد العجين نبدا نعمل صبيعات نوضع وسط منهم شوية ديال شكلاط ثم نوضع في اللاطة حين نكمل ندهن بالبيضة لي بقات ثم ناخد فرشط نجر به الكليط فحال الفقاس ندخلو للفرن

حلوة البوق
500 كوك 8 بيضات 2 كيلو دقيق نص لتر زيت كيلو الا ربع سنيدة 2 حامضات محكوكين 4 خميرات نخلطو المقادير تم نخرجوها على شكل وردة بالبوق ونزينوها بالفواكه المعسلة
غريبة الشميشة
رابعة زبدة 2 كيسات سنيدة 2 خميرات كاس ونص زيت 2 بيض ملح برتقالة محكوكة دقيق حسب الخليط
نخلطو المقادير ونديرو منها كويرات نفندوهم فسنيدة ونطبعوهم بمرشم البطاطا ولما يطيبو نديرو فدوك التقيبات شكلاط مدوب

كيك بالقهوة والكركاع
2 بيض
100 غ سكر
100 غ كركاع
100 غ زبيب
2 خميرات
100 زبدة
2 م ك نسكافي
200 دقيق
ملح
كاس الا ربع حليب
كنخلطو الزبدة سكر البيض الخميرة الدقيق ملح القهوة ندوبوها فالحليب وفالاخير نضيفو الزبيب والكركاع بعد ما نكونودوزناهم فشوية الدقيق تم ندخلو الخليط الفرن

حلوة التمر
رابعة زبدة
كاس زيت
كاس سنيدة
نص كاس ماء زهر
خميرة
دقيق
الحشوة

رابعة تمر مخلط مع زبدة 1 م ماء زهر ونص م ص قرفة مخلطة مع قرنفل
نخلطو المقادير الاولى نديرو منها كويرات نعمروهم بالحشوة تم نضغطو عليهم بالمرشم ونطيبوهم فالفرن

حلوى بكاوكاو و الشكلاط
125 غرام كاوكاو محمر و مقشر و مهرمش+150 غرام شكلاط اسود+ملعقة صغيرة لفني منسم بالزهر
نخلطوا الكاوكاو مع الفاني و نجمعه بالشكلاط دايب و نصنع كويرات و نضعها في قويعطاط و ندخلهم للمجمد

عصير الكورجيت
4 كورجيت مسلوق نطحنها مع نصف ليتر حليب و 1 دانون فاني+سكر حسب الذوق و نطحن الكل جيدا

دانون منزلي
200 غرام حليب غبرة +اترو ماء بارد+1 الزا
اترو ماء ساخن +1 دانون طبيعي +150 غرام سكر سنيدة مخلطة مع واحد كيس لفني
نخلط بودرة الحليب مه الماء البارد + دانون + السنيدة مع لفني + الزا حمراء ونطرب مزيان في الخلاط الكهربائي
تم نضيف الماء الساخن مع التطريب تم نكبوهم في الماكينة ديال دانون و اللي ماعندها ديك الماكينة
تكبهم غير في كيسان و تحطهم في حمام مريا يكون الماء ساخن و تغطيه بالفوطة بعد منغمسوها في الماء الساخن و نشفوها

كيكة منمرة

4البيضات كاس زيت كاس سنيدة 2 خمارات 200غرام طحين 2 معالق كاكاو الطريقة نخلطو الكل نقسمها على 2 نصف ابيض والاخر نخلطو بكاكاو ندهن المول ثم ناخد 2 معالق نوضع مرة بيضة ومرة كحلة حين نكمل ندخلها للفرن راها كات جي منمرة

كيكة مالحة

5 البيضات كاس حليب نص كاس زيت بصلة محكوكة معلقة زبدة م علقة ربيع مقطع 4 الخمرات شوية فرماج محكوك شوية ملح ابزار كمون 3 كيسان طحين نخلط الكل نوضع في المول مدهون ندخلها للفرن

بريوات بالفرماج

بصلة مشلضة مع الملح ابزار زبدة نضيفو 2 بكيات الفرماج بكية مربعة وبكية مثلثة ثم 4 البيضات ثم شوية ديال الفرماج احمر محكوك نطفيو على النار ثم ناخدو الورقة ثمنعمروهم نوضعوهم في الفريكو حين نبغيوهم نقليوهم او نطيبوهم

كيكة بالتفاح

2 بيضات 2 تفاحات محكومين 2خمرات س زيت كاس سنيدة كاس طحين نخلطو الكل في الخلاط الكهرباءي نوضعوها في المول مدهون ثم ناخدو 2 تفاحات اخرين من غير لي درنا في الخليط نقطعوهم نزينو بهم الكيك من الفوق ندخلوها للفرن

المروزية
كيلو لحم
راس الحانوت
نص كاس عسل حر
رابعة لوز مسلوق مقشر
500غ زبيب
200غ زبدة
نص كاس زيت
نص كاس زيت
ربع معلقة ص قرفة
نص م ص سكنجبير
1 م ص ابزار
خرقوم
زعفران شعرة
ملح
نخلطو اللحم والتوابل وشوية ماء من بعد نديروه يطيب مع البصلة محكوكة اللوز لمدة ساعة ونصف تم نضيفو الزبيب مسلوق والعسل
نخليو المروزية تعسل شوية واحد ربع ساعة

حلوة الرخامة
كيلو تمر
رابعة كركاع
رابعة فورص
2 كيسان عنبة زيت
4 بيض
كيلو الا ربع شكلاط اسود
3 دراهم شكلاط ابيض للتزيين
كنطربو البيض وزيت الفاني فالخلاط الكهربائي نصبوه فاناء ونضيفو الدقيق التمر مقطع رقيق والكركاع ناخدو لاطة طويلة مربعة الشكل نلبسوها بورق الالمنيوم ونسرحو عليها الخليط وندخلوها تطيب فالفرن نخرجوها ونضيفو عليها طبقة من الشكلاط اسود مدوب والشكلاط ابيض على شكل خطوط ونزينوها على شكل ميل فوي كنخليوها حتى لغد عاد كنقطعوها

كرواصة ساهلة
كيلو دقيق
كاس زيت
كاس سنيدة
الخميرة بلدية
ملح
نجمعو المقادير وندلكوها مزيان العجينة تكون مرخوفة نخليوها تخمر ساعة عاد نديرو منها كويرات لما يخمرو ندهنوهم بالبيض و نطيبوهم فالفرن

حلوة الرخامة
1كيلو غرام كاوكاومحمر ومطحون ومقشر ومطحون ونجمعوه بالعسل او حليب نستلي كنفرشو ميكة في شي لاطة ونصبو فيها الخليط وندوبو الشكلا ونخويوه فوق الخليط وندخلوه الثلاجة حتى يبرد وكنقلبو الحلوة ونعاود نصبو عليها الشكلاط من الضهر ديالهاونتركها حتى تبرد وقطع حسب الرغبة

حلوة بالجلجلان والنخالة
نصف كيلو جلجلان محمر ومطحون 2كيسان صغار سكر كلاصي
3بيضات نصف كاس زيت
100كرام النخالة رقيقة
1خميرة 1فاني
يجمع الكل وتكور كويرات صغار تفند في السكر كلاصي وتدخل الفرن

حلوة
نصف كيلو زبدة عادية
كاس اللوز محمر ومهرمش
كاس الكركاع مهرمش
كاس الزنجلان مهرمش
كاس الكاوكاو محمر ومهرمش
2معالق النافع مطحون
معلقة القرفة
2كيسان السكر كلاصي
كاس الزيت
الدقيق الكافي للخليط
نجمع الخليط ونورقوه بالمدلك ونقطعه بالمرشم المتوفرة تدخل الفرن لما تخرج تفند في السكر كلاصي

فقاص بالشكلاط
4بسكوي هنريس مطحون مزيان
طاسة ديال les fruits confits
علبة ديال نستلي الحليب المركز المحلى
رابعة ديال الشكلاط اسود
100ريال الشكلاط فرميسيل كنجمعوالبسكوي مع الفواكه مع نستلي مزيان ونعملوهم على شكل حرابل مثل الفقاص نعملوه في البابي المنيوم ونصبو عليه الشكلاط مدوب ونرشوه بالفرميسيل ويدخل الثلاجة حتى يبرد ثم نقطعوه مثل الفقاص

la creme brulee
1نصف لتر حليب يفيض مع سكر فاني ونزولوه من النار ونتركه يدفا

2 نطربو 4بيضات مع مئة كرام سنيدة مزيان ونزيدو عليه خليط الحليب ونزولو منه الرغوة اللي تولي مع التطراب
150 كرام سنيدة نعملوها فةق البوطة مع معلقة الماء حتى نحصل على كراميل
ناخد لمول صغارو نعملو فيهم الكراميل زائد الخليطالذي سبق وحضرناه ونعملوهم في حمام مائي في الفرن حتى يطيبو

ومني نخرجوهم نتركهم حتى يبردو ونقلبوهم في طبيسلات ويقدم بارد

حلوة الرخامة
500 كركاع مهرمش
500 غ كاوكاو محمر مهرمش
500 تمر بلاعضم مبخر
كيلو الاربع شكلاط اسود
500 غ شكلاط ابيض
شوية دقيق لي يجمع الخليط
نخلطو المقادير من غير الشكلاط ونفرشوها فلاطة تم نتكوها بالفورشيت وندخلوها الفرن تطيب من بعد نكبو عليها الشكلاط الاسود مدوب ونزينوها بالشكلاط الابيض على شكل ميل فوي

غريبة بالكاكاو
3 بيض
2 خميرات
2 كيسان سكر كلاص
2 كيسان زيت
50 غ كاكاو
دقيق حسب الخليط
كنديرو العجينة على شكل غريبات وندخلوهم الفرن من بعد ندهنوهم بالمربى مخلط مع ماء زهر ونفندوهم فالكوك

دجاج بالبصلة
دجاج ملح ابزار سكنجبير توم قشدة او دانون مسوس معدنوس نخلطو المقادير وناخدو مول نلبسوه بورق الالمنيوم نزيدو البصلة دوائر الدجاج مع لاصوص ديالو تم الفرن

الكرمب معمر
2جزرات محكوكين 2 كرعات محكوكين رابعة كفتة ملح ابزار اسود ابزار ابيض ورقة موسى زيت الزيتون كنشحرو هاد المقادير مزيان تم نعمرو بيهم وراق الكرمب مسلوقين نص سلقة ونشدوهم بعويدات نحضرو صلصة الطماطم بنفس القادير ونديرو الكرمب يطيب فيها

غريبة بالكوك
رابعة كوك
رابعة زبدة
3 خميرات 2 فاني
كاس ونص زيت 2 كيسان سكر كلاص
3 بيض
للتزيين

بياض بيض وكاوكاو
دقيق حسب الخليط
كنخلطو العجينة نديرو منها غريبات ندهنوهم ببياض بيض وكاوكاو الوسط تم الفرن

غريبة الكوك والسميدة
500 غ كوك
كاس سميدة رقيقة 3 خميرات
3 كيسان عنبة زيت
3 كيسان سنيدة
5 بيضات كبار او 6 صغار
دانون
دقيق
للتزيين

ماء زهر ورابعة سكر كلاص وكاوكاو
اولا نخدمو البيض مع سنيدة عاد نزيدو باقي المقادير العجينة تكون مرخوفة بزاف نخليوها ترتاح 2 سوايع عاد نشكلوها غريبات بماء زهر ونفندوهم فالسكرتم الى الفرن

حلوة

250غرام ماركرين 250غرام سنيدة رايبي 1خمارة الطحن حسب الخليط حلوة نجمعو الكل على شكل صبيعات نضغطو عليها بالفورشيط

ندخلها لفرن حين تطيب ونلصقوها بالشكلاط

البريوش
500 غرام طحين فورص
250 غرام زبدة
150 غرام سكر سنيدة
1 ملعقة كبيرة خميرة الخبز
ملح
6 بيضات : 3 في العجين و 3 ندهنوا بيهم من الفوق
كاس ديال الحليب (يمكن كاس العنبة)
50 غرام سكر سنيدة للتزيين

الطريقة
الدقيق يخلط مع الزبدة و السنيدة و الملح و الخميرة
الحليب يطرب مع البيض ثم نضيفوه على خليط الدقيق
ندلكوا العجينة مزيان و يمكن نزيدوا ليها حتى الماء دافيء
نغطيوها بغطاء مزيت و نخلوها 4 ساعات
نعملوا منها كويرات صغار نحطوهم في الكويغطات و ندهنوهم بالبيض ندردروا عليهم سنيدة من الفوق
و اخيرا بالسكين نعملوا فوقهم 2 شرطات على شكل علامة + و ندخلوهم الفرن

عجينة بيزا مورقة

كيلو فورص نصف لتر لبن نصف كيلو زبدة ملحة نخلطو الكل باللبن تفيد المورقات و شوصون

الضلعة محمرة
كركوبة توم مدقوقة مع الملح نخلطوها مع السمن زعفران شعرة خرقوم بلدي ابزار ابيض كامون زيت ملح ندهنو بهاد الخليط الضلعة نفلحوها ونغرسو فيها تومة صحيحة ونردوها تطيب فطنجرة مع الشرمولة ديالها وشوية ماء لما تغلى نزيدو الزيت ونخليوها تطيب من بعد ندهنوها بالزبدة ونحمروها على الفاخر ونزينوها بعويدات فيهم مربعات الكاشير والزيتون الفرماج ونقدمو الطبق مرافق بالكامون

بطاطا فالفرن
3 بطاطا كبار مقطعين دوائر1 م ك موطارد 1 م زعيترة 2 م ك زيت بلدية نخلطو كلشي ونديروه فمول تم الى الفرن مرة مرة نحركوه

البطاطا مقطعة فريت

نغليوها فالماء مرة وحدة تم نصفيوها ونشفوها مزيان من الماء ونرشوها بدقيق القمح تغطى كاملة بيه ونقليوها فالزيت

حلوة الشعرية
ناخدو شعرية السفة الرقيقة نقليوها فالزيت ونخلطوها مع اللوز او كاوكاو والشكلاط ونديروها فكويغطات

كيكة رايبي

4 بيضات كاس عبار رايبي زيت ك سنبدة 2 فور ص 3 خمرات فاني نخلط الكل حين تطيب نسقبهاب كاس ليمون مخلط مع سنيدة

كتف الغنمي معمر
الحشوة
200 غرام شعرية صينية مرطبة في الماء الساخن و نقطعوها
200 غرام كبدة الغنمي مقطعة قطع صغيرة و مشحرة في الزيت
بصلة مشلظة و محمرة في الزيت
ملحة ابزار و اسكنجبير و التحميرة و الزعفران الحر
2 ضروس التومة
ملعقة كبيرة زبدة
نخلطوا كلشي المقادير و نعمروا بيها الكتف و نخيطوه و نتكوه كامل بالموس تم ندهنه بالزبدة و الملح و الابزار و التومة مدقوقة و نحطوه في طنجرة كبيرة بعد ما و ضعنا فيها 3 معالق الزبدة +ربع كاس الزيت حتى تتشحر و نمرقوها بالماء حتى تتغطى و نضيف 8 ضروس التومة و بصلة كبيرة + نص ملعقة سكنجبير وشوية زعفران حر +الحرقوم البلدي و التحميرة و شوية الملحة و الابزار و نتركها حتى تطيب مزيان
ولما نبغيو ندخلوها للفرن تدهن بالزبدة و التحميرة و نتركها لمدة 15 دقيقة
و ترافق في طبق التقديم مع الخضر المطبوخة

البيض طايب في الميكة
5 البيضات نطربوهم مع الملحة و الابزار و اسكنجبير و الحرقوم و السودانية و نخلط الكل و نضعه في ميكة و نقفلوها مزيان
تم نعمروا الكوكوط بالماء و نحطوا فيه الميكة و نسدوا عليها حتى تطيب
قالت مولات الوصفة كيكون بحال الكاشير

المجبنة
كيلو اللحم ديال القطبان +لحية الشيخ +اليازير +قزبور يابس +كاس نصو حلبة و النص حب الرشاد
2 كيسان زيت العود+3معالق مساخن +الملحة
نقطع اللحم قطع صغيرة تم نخلط معه لحية الشيخ و اليازير و قزبور يابس و كاس الزيت العةد و نخلط الكل و نضعهم في غربال مفرش ليه توب حياتي و نتركهم يتشمسوا شوية مع المجبنة
تم نضعهم في اناء و نخلط معهم الحلبة و حب الرشاد و المساخن و الزيت الباقية تم نعمروا المجبنة و نخيطوها
مولات الوصفة قالت انها تصلح للكسكسي فقط

المروزية المكناسية
اللحم يكون فيه العظم الزيت البصلة مشلطة و نشحروا اللحم و نضيف الملحة و العطرية ديال المروزية و نسدوا الكوكوط حتى تقرب تطيب اللحم تم نحلوا الكوكوط و نضيف اللوز مسلوق و محمر و العسل و زعفران حر و زبيب و نترك الكل حتى يتعسل و يطيب

رغيفات العيد
كاس ماء الزهر
كاس الزبدة مذوبة
1 خمارة حمراء
بيضة
شوية ملحة و الطحين حسب الخليط
نجمعوا الكل بدون اضافة الماء تكون بحا عجينة المسمن
تم نطلقوها بالمدلك و نرشوها بالكاوكاو محمر و مهرمش تم نلويها حرابل غليظة و ندخلها للتلاجة لمدة ساعة تم نخرجوها و نقطعها و نورق كل قطعة تم تقلى في الزيت و تطفى في العسل ونزوقوها بكاوكاو مهرمش

اللحم مبخر
بصلة صحيحة +حفنة قرنفل+عود سكنجبير+عود خودنجل +عود قرفة+اللحم
في كوكوط نضع اللحم +البصلة بعد مانتكوها بحبات القرنفل+المقادير السابقة +الملحة ونسدوا الكوكوط مدة ساعة تم يقدم مع الملح و الكامون

كيكة الكوكوط
3 البيضات
كاس عنبة سنيدة
كاس الزيت
2 خمارات حمرين
1 لفاني
6 معالق كبار طحين عامرين
2 معالق كبار كاوبيل
نخلط الكل كالعادة و ندهنوا الكوكوط و نكبوا فيها الكيكة و نسدوا الكوكوط بلا صفارة و نحطوا الكوكوط فوق المقلة الوجدية اللي سبق و حطيناها فوق عافية مهيلة بزاف و نحسبوا ليها من ساعة اللاروب الى ساعة و ماتحطي الصفارة
تفاح معمر
4 كيلو تفاح كبير و احمر نقسموه و نحيدوا ليه العلف
و نضعه في طنجرة عريضة و نضيف كاس الماء +القرفة +السكر +ماء الزهر و نترك الكل على نار مهيلة مع تغطيته حتى يتعسل من الجهة السفلية و نقلبه حتى يتعسل من جميع الجوانب تم نحيدوه و نتركه جانبا
ناخدوا نص كيلو لوز محمر و مطحون +نص كيلو زنجلان محمر و مطحون +نص كاس زبدة مذوبة +القرفة و نجمع الخليط بالعسل اللي شاط لينا في المقلاة اللي سبق و عسلنا فيها التفاح
طريقة التزيين
نضع اللحم كل واحدة و طريقتها في الطبسيل تم نستفوا قطع التفاح بعد ما عمرناهم بخليط اللوز و الزنجلان و نزوقوهم باللوز صاين و محمر + زنجلان حبوب [/size]

فقاص على شكل ريالات
كيلو طحين
400 غرام زبدة مذوبة
300 غرام سكر كلاصي
4 البيضات
300 غرام لوز مقطع طريفات
2 خمارات حمرين
2 لفاني
شوية ملحة و شوية ماء الزهر و الماء دافئ
نجمعوا المقادير كلها و نحربلوهم رقاق تم ندخلهم للمجمد
ليلة كاملة تم نقطعهم دوائر صغيرة و ندخلهم للفرن حتى يتحمروا

شوربة الكرافس

الكرافس +3 جزرات +2 بصلات +شوية ملح و ابزار
نحطوا الكل في الكوكوط لينضج مع اضافة الماء و ملي تنضج الخضر نصفيوها و نطحنوا الخضر من غير ماء
و الماء اللي بقى لينا في الطنجرة نضيف له 1 بنة كنور
و ندوروه بالروز تم نضيف خليط الخضر المطحون

حلوى الكوك ديال الزنقة
نص كيلو كوك
ربعة السميدة الرقيقة
كيلو سكر سنيدة
10 بياض البيض

الاول نخلطوا غير نص كيلو سكر سنيدة و نطلعوا بيه البياض البيض تم نضيف الكوك و السميدة
تاني نحطوا نص كيلو سنيدة في مقلاة على عافية مهيلة و نبقاو نرشوا شويو بشوية الماء
غير حفينة ديال الماء عينك ميزانك حتى يبدا يتلصق
تم نضيفه الى الخليط الاول ونخلط الكل جيدا و نضعه في البوش
و نصنعوا وريدات في طاوة مفروشة و ندخله للفرن لمدة 15 دقيقة فقط

llah i3tikom saha

الحرشة بالبرتقال
4 بيضات / 1 خميرة فاني / 2 خميرات حمرين / 100 غ سميدة رقيقة
150 غ دقيق / 100 غ سنيدة / كاس صغير عصير البرتقال / كاس صغير زيت
تخلط المقادير العجين يكون رخو ونديروها في مول مذهون وتدخل الى الفرن من بعد الطهي
تسقى بسيرو اللي هو عصير البرتقال وسنيدة

بسبوسة على شكل كيكة
زلافة بيض( 5 بيضات ) + زلافة سنيدة + زلافة زيت + زلافة اللوز مطحون مزيان بقشرته
زلافة سميدة رقيقة + 1 خميرة حمراء
العبار بنفس الزلافة
كنخلطو الكل ونوضعوه في مول مذهون بحال الكيك وملي طيب تسقى بالعسل المخلط بماء الزهر ثم ندردرو عليها اللوز افيلي

وصفة الدجاج بالطريقة المغربية الاصيلة
كناخدو الدجاج نقيوه بالحامض والملح ويغسل مزيان ونقطروه
نصف مطيشة محكوكة + بصلة كبيرة مشلظة + الربيع + 3 حتى 4 فصوص الثوم مدقوق مع الربيع
نصف حامضة معصرة + م.ص ابزار+ ملعقة وربع سكنجبير + م.ونصف قعقلة وبسيبسة +ملعقة صغيرة سمن + زعفران شعرة محكوك فوق العناصر+ ملون طبيعي + خرقوم بلدي
نخلط جميع العناصر ونشرملو فيه الدجاج ونضيفو عليه كاس صغير ماء
في طنجرة نديرو شوية الزيت العود والزيت الرومية ونوضعو الدجاج ونصبو فوق منو الخليط كاملا
ونكبو عليه شوية الماء الى كيطيب الدجاج منسدو الطنجرة نخليو الطنجرة مفتوحة
الى طاب الدجاج نزولوه ونديروه في الفرن يتحمر
في التقديم كنقطعو الدجاج على اربعة
ونزينوه حسب الرغبة

فوري نوار
5 بيضات + كاس ونصف زبدة مذوبة + كاس ونصف سكر + 4 م.ك بودرة كاكاو
3 خ حمرين + 1 فاني + 3 كيسان طحين ابيض
نخلط الكل واخميرة في الاخير ونديروها في مول وندخلوها تطيب
وتقسم على 2 ونديرو في الوسط لاكريم فريش والفوق ونزينوها بالكاوكاو

عصير الحامض
كيلو الحامض مع قالب سكر
نعصرو الحامض ونديرو فشي طاوة وكنهرسو فوق منو السكر
ونخليوه ليلة كاملة يترقد كنصفيوه في غربال ونديروه في الحكاك

حليب محلى
نفس القياس
كاس حليب غبرة / كاس سنيدة / كاس ماء
نديروه في كاسرونة فوق العافية بالتحراك 20 دقيقة
الى بغينا يكون كراميل نديروه في قرعة زاج ونديروه في كوكوت يطيب

كلاص لاصحاب داء السكري
بكية الشونتيي،نصف لتر حليب بارد نطلعوهم مزيان نزيدو اربعة ابيض البيض مضرب نخلطوهم نقسموه الى قسمين نصف نديرو ليه لوز مطحون والنصف الكاكاو اونسكافي

فقر الدم_كمية من العدس مغسول منشف محمر ومطحون ومنيل نحتافظ به في قرعة كل صباح ناخد معلقة مع العسل ونشرب عليه كاس حليب

لازالة الكلف_كينة الولادة مدقوقة مخلطة بالحامض حين نغسلو الوجه ندير زيت حسب الرغب

لتبيض اليدين_صابونة_مدوبة مع ما ورد _حين نبغي نمشي للحمام نضيف 2 م سكر كلاصي

كيك لاصحاب السكري_4 بياض بيض_كاس لاروب زيت _3 خمرات_2 ك طحين_دانون مسوس نخلط الكل

chokran ala wasafat rzala wa mofida

حلوة الرخامة نزهة من طانطان
ناخد كسرونة نوضع 125غ زبدة_120 غ عسل تقريبا كاس لاروب _3 معالق كبار شكلاط كاوبيل_م كبيرة بودرة كاكاو مسوس_نخلط الكل فوق نار هادئة حتى دوب الزبدة ثم نطفي عليه نضيف بيضة ناخد 2 بكيات هنريس مهرمش نضيفهم مع الخليط ثم نضيف 250غ كاوكاو مقلي في الزيت نخلط الكل نسرح الخليط فوق بلاستيكا ندوب 300غ سكلاط ابيض نوضعو فوق الخليط ثم ندخلها تشد فيراسها ثم نقلبها نوضع ما تبقى من الشكلاط

حلوة الكونفلكس
رابعة زبدة_4 فرماجات_2 م ك سكر كلاصي_نص خمارة_الطحين حسب الخليط تكون مرخوفة نحربلو حرابل طوال حجم صبع الصغير_حين تطيب نغمس في الشكلاط ابيض ثم في رقائق الذرة اولوز مهرمش

كونفتير باناشى
نصف كيلو تفاح
نصف كيلو بنان
نصف كيلو الليمون
نصف كيلو حامض بقشوره
نصف كيلو خيزو
الطريقة
ننقيو كلشى ما عدا الحامض ونقطعوهم طريفات صغار ويطيبو فى لتر ماء لما يطيبو نطحنوهم فى مولينكس و نضيفو ليهم كيلو السنيدة ونشعلو عليه العافية حتى يعقاد

فرماج كاس بزيت العود
كاس لحليب غبرة+2فرمجات مربعين او متلتين+كاس حليب بارد
كنخلطو جميع عناصر في خلاط كهربائي مزيان حتى نحصلو على كريمة سائلة
ومن بعد كنبقو نضفو زيت العود حتى يتقال الخليط(طريقة مايونيز)
وهاكا حصلنا على فرماج نتاع الكاس وبشكل احسن
بريوات باللوز وتمر
500gاللوز مسلوق +500gسنيدة +50gزبدة +قبصة مسكة الحرة +3معالق كبار الماء زهر+300gتمر من نوع لمعسل +ربع م /ص قرفة +ورقة البسطيلة+صفار بيضة +لعسل دافئ+زيت للقلي

للتزين شوية اللوز مقلي ومهرمش
طريقة
كنطحنو اللوز المرة الاولة بحدو ومرة تانية مع سنيدة ومن بعد كنضفو ماء زهر ومسكة وزبدة زنخلطو جميع عناصر حتى نحصلو على عقدة كنحتفضو بيها على جنب
كنمشو نخدو التمر نزول ليه العلف ديالو ونطحنوه ونضفو ليه القرفة ونمعكوه بادنا مزيان
كنحضرو كويرات من عقدة اللوز
وكويرات من التمر اللى حضرنا
كنخدو كويرت نتاع تمر كنعملو وسطها كويرت نتاع اللوز
ونقطعو الوقة كما كنعرفو ونعملو منهم بريوات متلتين
نقلوهم في الزين ونطفوهم في لعسل ونرشهم باللوز مهرمش

كيكة فلبينية
نص كاس زيت_4 بيضات_نص كاس حليب سائل_ربع كاس زيت_3 فرماجات مربعين_خمارة وكاس طحين
نوضعها في مول دائري ندخلها لفرن
لتزيين
م ك زيت نخلطها مع حليب مركز ندهن الكيك ثم نحك فرماج احمر

حلوة اللوز

علب حب الملوك_رابعة عقدة اللوز_رابعة شكلاط اسود_شكلاط فيرميسيل ابيض_كويغطات_ملون اخضر واحمر نقسم عقدة اللوز ندير اللونين احمر واخضر ثم نكور كويرات صغار وسط منهم نوضع حب الملوك نغمسها في الشكلاط ثم نرشها بالفيرميسيل نوضع في الكويغطات

حلوة الكركاعة
نصف كيلو كاوكاو محمرمقشر مهرمش_4 بياض بيض_خمارة_2 ك سكر كلاصي_2 فاني_نطرب السكر مع البيض مزيان ثم نخلط الكل ناخد لاطة مدهونة نوضع الحلوة عل شكل كركاعة حين تطيب نلصقها بنيسلي طايب

رغيفات

500غ طحين_ملح_شوية خميرة الخبز_250 غ لوز_175غ سكر كلاصي_بياض بيضة_م ص قرفة_م عسل نجمع العجين بالماء نتركها 30 د ثم ندهنها بالزيت ندير كويراتصغار_ثم ناخد عقدة اللوز مع بياض بيضة نخلط الكل نطلق المسمنة ثم نوضع عقدة وسط منها نجمعها على 4حين نكمل نقليه نرش بالسكر كلاصي ونوضع شوية العسل

كرص بالبطاطا

ك زيت_ك سنيدة_2 خمرات_خمارةالحلوى_خميرة الخبز_كيلو طحين نخلط الكل ثم نضيف نصف كيلو بطاطا مطحونةندير كريصات ندهن بالبيض ثم زنجلان

حلوة

7 ك زيت_ 7 ك سنيدة_7 البيضات_نصف كي ليمون نحك القشرة ونعصر الليمون_الطحبن حسب الخليط_نكورها نغمسها في بياض البيض ثم سكر

الشهدة

2 ك طحين_كاس كبير زيت_ك زبدة_ك سنيدة_خمارة _بيضة_نخلط الكل نتركها تخمر نص ساعة ثم نضيف دانون ثم نقطع كويرات نوضع في المول مدهون مابين الكويرات نوضع شكلاط ندهن بالبيض ندخل للفرن

بريوش مظفور

500 غ طحين_م خميرة الخبز_صفر بيضة_م ك سكر سنيدة_ملح_100 غ زبدة_ك صغير حليب دافي_فاني_قشرة حامضة او ليمونة_3 م ك زيت نخلط الكل بشوية الماء نقسمها على 3 حرابل نظفرها نغطيها تخمر ثم ندهنها بالبيض حين تطيب تدهن بالمربى

طريقة العجينة المورقة لعزيزة
كيلو دقيق
نصف كيلو الزبدة
بيضة
خمارة
معلقة السنيدة صغيرة
قرعة الماء صغيرة باردة
والابغيتى تعملى الشنيك كتضيفى 2 معالق كبار الخميرة الدار

عاطيفة من اكادير

كيكة ديال كاوكاو
كاس عادى ديال الماء
كاس عادى ديال السنيدة
كاس عادى ديال الزيت
2 معالق كبار كاوكاو مكلى بقشوره ومطحون
2 معالق شكلاط غبرة
4 معالق حليب غبرة
تخلط فى الخلاط الكهربائى وننقصو كاس من هاد الخليط نحتافضو بيه فى الثلاجة و الباقى من الخليط نضيف ليه كاس ديال الطحين و2 بيضات وخمارة
لما تطيب الكيكة وتبرد تسقى بالكاس اللى حتافضنا بيه

دجاج مشوي

دجاجة مقطعة نبيتوها ليلة كاملة مرقدة فهاد العطرية.سودانية ملح قزبر يابس زيت بلدية،معلقة كبيرة موتارد،معلقة كبيرة مطيشة الحك لما ترقد نديروها فطاوة ونغطيوها بورق الالمنيوم ونطيبوها فالفران وبالصحة

لهريسة_رابعة سودانية نزول ليها الراس والزريعة ثم نكرضها بالكراضة_لم نكب عليها الما طايب ساعة نصفيها نوثعها في الخلاط_ 2 م نعناع يابس_10 ضراس ثوم_ملح_2 م قزبور يابس_2 م كمون_2 م كروية نخلط الكل ثم نحتافظ به

خديجة ام ايمان من الراشيدية
بريوش بالليمون
نصف لتر حليب دافئ
كاس عصير الليمون
قشرة ليمونة محكوكة
2 كيسان السنيدة
كاس ونصف الزيت
2 بيضات
خمارة وحدة
شوية خميرة الخبز
2 معالق كبار الزبدة
طحين
يتخلط الكل ويخمر نصف ساعة ودهنى ايديك بالزيت وديرى كويرات حشيهه بطرف الشكلاط
وتدهن بقهوة سريعة الدوبان مع صفر بيضة وقصيها بالمقص علامة زائد لما تطيب تدهن بالكوفتير

__________________

شهيوات20 اكتوبر
وصفات لالة حورية

الحد من الغازات و انتفاخات البطن

جذر البسباس و الاوراق ديالوا نطيبوه في الماء مع شوية ملح وشوية قشور الرمان و شوية حبة حلاوة و شوية قعقلة
و تصفى و تشرب عندالظهيرة

وفي الليل نشرب مشروب متكون
راس ملعقة كروية
راس ملعقة قعقلة
راس ملعقة اوراق النعناع
نضعهم في كاس و نخوي الماء الطايب حتى يطلق و يشرب في الليل مدة اسبوع

تصفية الوجه

الشوربة
ملعقة طحين فول الصوجا
ملعقة كبيرة زبيب
ملعقة صغيرة حلبة مطحونة
تنضج في ماء كافي ويشرب في الليل فقط مع المداومة يوميا

و عند الظهيرة يشرب
3 كيسان حليب
نص تفاحة
7 حبات تمر
6 حبات شريحة
نص بوعويدة
و يطحن الكل و يشرب
هده الوصفات مفيدة لعلاج فقر الدم كتصفي الدم و علاج السخفة
ولازم اكل الجزر و السبانخ

مشروب مفيد للدورة الدموية وتصفية الدم

حفنة من اوراق لبلوط
تغسل و تغلى في 3 ديال الكيسان الماء
ويصفى و يشرب الماء على طول النهار مده اسبوع

تصفية الجسم

صفر بيضة بلدية
في كاس حليب ساخن و تحلى بملعقة عسل و يشرب كل صباح

علاج الكلف

كاس ترمس يترقد في الماء
تم يصفى و نطحن الترمس و ناخدوا منه مقدار ملعقة
و نخلط معها ملعقتين من الماء اللي ترقد فيه تم نضيف ملعقتين من الياغورت طبيعي
و نعمل به ماسك

علاج حب الشباب

عصارة اوراق الباكور
الى ماعندك الماكينة اللي كتخرج العصارة شلظيهم و عاودي دقيهم في المهراز و عصري الماء
و يبقى يمسح به الوجه

الماسك
ملعقة عصارة اوراق الباكور تخلط مع ملعقة دقيق الروز
وملعقة دقيق الشعير
و ملعقة الزيت البلدية
ويخلط ونعمله كماسك

تنقية الدم

ربطة حميضة تنضج في ماء كافي مع ملعقة زبيب مع3 غرام من زغب الذرة تم يطحن و يشرب كشوربة

حفنة زغب الذرة يغلى في لتر ماء و يصفى و يشرب على طول اليوم
مفيد للاطفال و الكبار

شهيوات ميد

حريرة صحية لاول ايام العيد

ربعة بلبوبة رقيقة
ملعقة نافع
ملعقة كبيرة ايلان
ملح و ابزار
نص ليتير حليب
اترو ماء
كموسة فيها قعقلة وبسيبيسة
2 بيضات بلدي

اغلي الماء تم ضيفي البلبولة مع الكموسة وايلان مع ملح و ابزار حتى تنضج و نضيف الحليب مع النافع تم نضيف في الاخير البيض

الكتف معمر

الكتف
مشماش و الزبيب مرقد في الماء مدة 12 ساعة
كاس روز كلاصي مسلوق
75 غرام زبدة
بصلة مشلظة
25 غرام كركاع
قشور ليمونة
نص ملعقة قزبور يابس
ملح و ابزار
فصين من التوم

في طنجرة نضع الزبدة و البصلة حتى تتحمر تم نضيف الزبيب و المشماش مقطعين تم الروز و قشور البرتقال
تم نرش الكتف بالملح و الابزار وتعمروه
وندخله للفران ليتحمر

تبييض الاسنان

عصير حامضة مع شوية الملحة ونبقاو نمسحوا بقطن
على طول النهار

علاج سواد اللتة من جراء التدخين

اربع ملاعق كبار ريحان
ملعقة كبيرة ملحة حية
راس ملعقة قرنفل
تغلى في كاس ماء حتى يبقى غير النصف و يبقى يعمل بيه مضمضة

ملعقة صغيرة قشور الرمان
مع ملعقة زيت بلدية
و نبقاو ندوزو به على اللحم مع المداومة لمدة اسبوع

علاج الالام الحيض

نص ملعقة مرددوش
نص ملعقة ازير
نص ملعقة كروية
يغلون في تلات كيسان ماء ويطيبوا مزيان
ويؤخد تلات ديال الكيسان قبل الوجبات و هده الوصفة تؤخد قبل الدورة بي تلات ايام

علاج الهالات السوداء
خيار مقطع دوائر رقاق
مع ماء الورد و ندخلهم للمجمد و نحطوهم على العين

بطاطا محكوكة تخلط مع ملعقة ماء الورد وشوية اوراق النعناع مشلظ و نضعم في فاصما و نحطوهم على العين

طرد الغازات
تلات عروش من النعناع
راس ملعقة قعقلة
نكبوا عليهم كاس ماء طايب حتى يطلق و يشرب كل ليلة

علاج البرودة في الراس

بصلة محكوكة تخلط مع ملعقة كبيرة خزامة
وندهنوا به الرجلين و نلبس طكاشر
ويداوم لمدة اسبوع
ونضع الخزامة في الوسادة
و اكل الشريحة في ايام البرد

علاج السعال

نص كاس خرطال
بصلة محكوكة
حبتين من الشريحة
نافع و شوية كروية
يغلون في كاسين من الماء
ويصفى و يحلى بالعسل
ويشرب و يدهن الصدر بزيت بلدية الى كان السعال ديال البرد
و الى كان ديال الحساسية تدهن بزيت الزنجلان

ماسك للشعر الجاف

كاس صغير من مخ البقري
صفر 2 بيضات بلدي
تلات ملاعق زيت بلدية
يخلط و يدهن به الشعر

ماسك لعلاج الكلف

3 ملاعق حمص فاسك
يطحن بالماء ديالوا و يخلط مع ملعقتين من ياغورت طبيعي مع صفر بيضة و نتركه على الوجه
20دقيقة
تلات مرات في الاسبوع
و باليل يمسح بعصارة الكرومب

صباغة الشعر باللون لاكاجو

قشور البادنجال
تلات ملاعق عكر فاسي
ملعقتين من الحنة
ملعقة اتاي مطحون
و نجمع الكل بالماء اللي تسلقات فيه الباربا
ونضعه على الشعر و الى كان الشيب بزاف نعوضو الحنة بالسالمية مطحونة

كيكة بالشكلاط

بيضات4
كاس ونص سنيدة
كاس زيت
كاس ماء
نص بكية كاكاو
تلات خمارات حمرين
الطحين حسب الخليط
تخلط العناصر و ملي كنخرجوها من الفران تسقى
بنص كاس ماء مع نسكافي
وفي حمام مريا نضع الشكلاط مربع مع ملغقتين من الحليب سائل
حتى يذوب و نضيف له ياغورت فاني و تزوق بالشكلاط محكوك

قشور الليمون معسل

قشور الليمون مقطع طولي
300غرام سنيدة
30 سنتيليتر من الماء
نغلي القشور في الماء مدة 7 دقائق
تم نضع في كاسرونة السكر مع 30 سنتيليتر من الماء مع القشور حتى ينشف من الماء مزيان و نضعه في بلاطو و نتركه يبرد
ونقسمه لقسمين القسم الاول نمرمدوه في زلافة ديال سنيدة
و التاني نغطس كل طرف في شكلاط اسود ذايب و يقدم

النوكا باللوز

400 غرام اللوز منقي و محمر في الفران
ربعة سكر كلاصي
100 رام لكريم فريش
50 غرام كاكاو
نص كاس صغير ماء
نضع السكر في كاسرونة حتى يولي كاراميل تم نضيف لكريم مع الماء و اللوز و نتركه 4 دقائق و نبقى تهزيه بالملعقة و حطيه في القويعطاط

القريشلات

2بيضات
2 كيسان الزيت
كاس ونص سنيدة
خمارة
نص كيلو فورص
شوية زنجلان
شوية حبة حلاوة
شوية نافع
ويخلط الكل و نحربلوه رقيق ويقطع و بدخل للفرن

ازالة الكالكير من الة التصبين

قرعة خل ابيض نضعها مكان الصابون
ونشغلوها و هي خاوية
ونمسح الداخل بالخل ابيض
وتحيدي الكالكير
وتبداي بالملابس البيضاء
وديري جافيل مع كاس خل ابيض

ازالة ليتراس ديال الحبر في الجلد

لالكول 70 درجة
نمسح به مكان الطبعة

كيكة بنيدو

كاس زيت
كاس طحين
كاس نيدو محمر في تيفال
نص كاس سنيدة
قريصة ملح
2 بيضات
خمارتين حمرين

يخلط الكل و يفرغ في مول و يدخل للفرن

اللحم بالخل الصحراوي

نص كيلو لحم مقطع نضعه في اناء و نضيف كاس خل و نرقدوه ليلة تم في طنجرة مع ملح و ابزار و تحميرة و الربيع مخلط و مشلظ مع بصلة و ملعقتين
من الزيت مع ملعقة سمن
بلا ما ضيفي الماء الى باقي ماطاب اللحم زيدي الخل

سلاطة لافوكا

100 غرام قمرون مشحر في شوية زبدة
كاس شعرية مسلوقة نوع الفراشة
حبتين من الطماطم مشلظة
لوبيا و جلبانة مسلوقين
جزر محكوك
يخلط الكل بالمايونيز مع ملح و ابزار و نعمروا لافوكا بعد ما قسمناها لقسمين

جراطان بطاطا

بطاطا مقطع دوائر و مسلوق
بصلة مشلظة و مشحرة
تضع البطاطا في مول الفران تم البصل تم البيشاميل مع الفرماج

كيكة بالزنجلان
4 بيضات
كاس ماء
كاس زيت
كاس سنيدة
قبصة ملح
2 كيسان طحين
ملعقتين كبيرتين من الكاكاو
3 خمارات
في كاسرونة على نار مهيلة نضع الماء و السكر و الزيت و الكاكاو حتى يولي بحل لكريم
ونزولوه و نقصوا منه نص كاس
و الباقي نضيف له البيض المطرب و الطحين و الخمارات
وملي تنضج نسقيها بالخليط اللي احتفظنا به و ندردروا عليها الزنجلان محمر كلها

حلوى دواز اتاي

ربعة زبدة
خمارة
كاس سنيدة
كاس زيت
نص كاس ماء الزهر
قليل من الملح
كاس لوز مقلي و مهرمش
كاس زنجلان محمر و مهرمش
كاس زبيب مرطب و مقطع
الطحين حسب الخليط
يخلط الكل و يكور على شكل غريبة و نضعها في لاطة و نضغط غليها بالمرشم و ملي تطيب تغبر بالسكر كلاصي

شكرا لك شكرا

غريبة السميدة ديال نزهة من طانطان
6 بيضات
300 غرام السنيدة
كاس حياتى الزبدة مدوبة
كاس الزيت
خلطى البيض مع السنيدة وضيفى الزبدة والزيت وضيفى
قشرة 2 حامضات
ياغورت فريز
قطرة روح الفريز
قطرة ملون احمر
نصف كيلو كوك

كويرها كويرات ودهنى يديك بما زهر وتفند فى سكر كلاصى

صابلى خديجة ام ايمان
نصف كيلو الزبدة
2 كيسان سكر كلاصى
كاس العنبة الزيت
كاس العنبة بودرة اللوز
3 بيضات - ملح - معلقة صغيرة سكنجبير
لفانى - خمارة - طحين اللى يجمع
الشكل 1
2 مراشم دائريين واحد مثقوب من الوسط لما تطيب تلصق بالكوفتير

الشكل 2
بياض بيضة يطرب مع سكر كلاصى حتى يولى ميرانغ الصبلى يتقطع بمرشم دائرى مسنن وتعملى وردة بالميرانغ فوق الصابلى وعملى لوزة

الشكل 3
دهنى بصفر بيضة ودردى رقائق اللوز

الشكل 4
دهنى بقهوة سريعة الدوبان مدوبة وشرطى بالفورشيط ولاقى بحليب مركز محلى

المعلكة
نصف كيلو كاوكاو محمر ومطحون
كاس الزيت - 2 كيسان سكر كلاصى
2 خمارات - لفانى
2 معالق كبار الكوفتير
6 بيضات
نصف كيلو كوك
تخلط بالليل وخليها حتى للصباح عاد زيدى الخميرة وتمور وتمرمد فى سكر كلاصى

البينى
2 بيضات -1/2 كاس السنيدة - 1/2 كاس زيت
1/2 كاس حليب - 1/2 كاس عصير ليمون
1/2 خمارة - خميرة الخبز - 1/2 كيلو طحين
ماء دافئ - ملح
سرحى العجين بالمدلك تقطع دوائر وتبقى تخمر لما تقلى فى الزيت مرمديها فى السنيدة

كيكة
4 بيضات - كاس الزيت - 2 كيسان السنيدة
4 خمارات - 4 كيسان الفورص
كاس ياغورت
تخلط وتعمل فى مول تطيب

حريشات صغار
رابعة سميدة رقيقة + رابعة الفورص
+ بيضة + كاس الحليب + كاس زيت + كاس سنيدة + 2 خمارات + 2 فاني + شوية
الخميرة معجونة + شوية الملح
كنخلط الكل و يجمع بدون زيادة الماء
كنخد العجين نقطع نكرها بيدنا ونفندها ف سميدة غليضة وندروها في الاطة
مدهونة بزيت نروها في الفران لتحت عاد ندروها لفوق باش تشقق لينا

كيكة برايبي
4 بيضات + 1 رايبي + 2 كسان سنيدة + كاس زيت + 4 خمارات + 4 كسان الفورص
تخلط وتوضع في المول ودخلها الفران
كيك و كرص قدماتهم الاخت ماجده من الرباط

كيكة
3 بيضات + كاس سنيدة+ كاس الزيت
كاس ماء بارد في كاسرونة مع كاس كاكاو يذوب نخليه يبرد وضفيه للخليط وضيفي 2 خمارات و 2 كسان و نص الطحين
خالطي لكل وتعمل في مول مدهون لم طيب زوقها بلوز إفيلي

الكرص
2 بيض + كاس زيت + كاس سنيدة + نص حليب + 2 خمارات + شوية خميرة + كيلو طحين
تخلط المقادير خليه يطلع وعملي كريصات وحشها بشوية شكلاط ودهني بالبيض وخليهم يخمرو ومن بعد دخليهم للفرن

قريشلات مالحين
رابعة الزبدة عادية - 50 غرام فرماج محكوك
50 غرام كاشير محكوك - 2 خمارات - ملح
راس معلقة الابزار - راس معلقة صغيرة زعفران
فص الثوم مدقوق مع فلفلة سودانية - بيضة
كيلو طحين - ماء دافئ لجمع العجين
تخلط المقادير وتقطع كويرات وخليها ترتاح
لتزيين
2 بيضات - 2 معالق كبار زعتر مدقوق
2 معالق كبار زنجلان - 2 معالق كبار السانوج - 2 معالق رقائق اللوز
كويرة 1
تعمل حربل تمرمد فى البيض وزعتر
كويرة 2
تعمل حربل تمرمد فى البيض وسانوج
كويرة 3
تعمل حربل تمرمد فى البيض ورقائق اللوز
كويرة 4
تعمل حربل تمرمد فى البيض و زنجلان
يتعملو فى لاطة وتدخل للمجمد ساعة حتى ساعة ونصف تخرج من الثلاجة تقطع بالمقص وتدريه فى يديك وقطعى و دخليهم للفرن يطيبو

قريشلات باللوز للحاجة زهرة

كيلو الطحين
ربعة سكر كلاصي
2 كيسان زيت
كاس زبدة مدوبة
3 بيضات
2 خمارات حمرين
لفني
كاس ماء الزهر
يعجن الكل و يمكنكي اضافة الماء الدافئ

الحشوة
ربعة لوز مسلوق و مطحون و المرة التانية تطحنيه مع 70 سكر كلاصي مع شوية مسكة حرة و قطرتين من روح الزهر و ملعقتين من الزبدة
و نعجن الكل و نشكل منه حرابل رقيقة
سرحي العجينة على شطل شريط طويل و نضع حشوة اللوز اللي شكلتيها حرابل و تدوروا العجيتة مرة واحدة و نقدوه و تدخلها للمجمد
تم تقطع و تدخلها للفران

ديامونتين

ربعة الطحين
100 غرام الزبدة
2 فرماج متلت
بيضة
ملعقتين كبار من الماء
100 غرام لوز مهرمش

الطريقة
تخلطوا الطحين مع الزبدة و اصفر بيضة و قليل ملح و الفرماج
و نضيف الماء و تدلك و تشكل حرابل رقاق و تدوزيهم في ابيض بيضة و من بعد اللوز مهرمش و تلويهم في بلاستيك و ندخلهم للمجمد
و تقطع و ندخلها للفران

ﻋﺎﻃﻔﺔ ﻣﻦ أكادير
ﺑﺴﺒﻮﺳﺔ ﺑﺎﻟﻜﺮﻣﯿﻞ
ﻛﺄس و رﺑﻊ اﻟﺴﻤﯿﺪة اﻟﺮﻗﯿﻘﺔ + ﻛﺄس اﻟﻜﻮك + ﻋﻠﺒﺔ اﻟﻘﺸﺪة اﻟﻄﺮﯾﺔ + ½ ﻛﺄس ﺳﻨﯿﺪة + ﻛﺄس زﯾﺖ + 2 بيضات.
ﻧﺨﻠﻄﻮا اﻟﻤﻘﺎدﯾﺮ ﻛﻠﮭﺎ ﺑﺎﻟﻄﺮاب اﻟﯿﺪوي، ﻧﺪھﻨﻮا اﻟﻤﻮل ﺑﺎﻟﺰﺑﺪة، ﺗﺪﺧﻞ ﻟﻠﻔﺮن 150° ﺣﺘﻰ ﺗﺤﻤﺮ.
ﻧﺨﺮﺟﻮھﺎ و ﻧﻮﺟﺪوا ﻟﮭﺎ اﻟﻜﺮاﻣﯿﻞ
50 غ زﺑﺪة، ﻋﻠﺒﺔ اﻟﻘﺸﺪة اﻟﻄﺮﯾﺔ . ﻓﻮق ﻧﺎرﻧﻌﻤﻠﻮا ﺳﻨﯿﺪة ﺣﺘﻰ ﺗﺪوب و اﻧﺤﺼﻠﻮا
ﻋﻠﻰ ﺳﺎﺋﻞ ﺑﻨﻲ، ﻋﺎد ﻧﺰﯾﺪوا 50 غ اﻟﺰﺑﺪة + ﻋﻠﺒﺔ اﻟﻘﺸﺪة اﻟﻄﺮﯾﺔ و اﻧﺤﺮﻛﻮھﺎ
ﻣﺰﯾﺎن ﺑﻤﻠﻌﻘﺔ ﺧﺸﺒﯿﺔ, ﯾﻮﺿﻊ اﻟﻜﺮﯾﻢ ﺑﺎرد ﻓﻮق ﺑﺴﺒﻮﺳﺔ ﺳﺎﺧﻨﺔ . ﯾﻌﻨﻲ ﻣﻦ ﻟﻠﻲ
ﺗﺨﺮج اﻟﺒﺴﺒﻮﺳﺔ ﻣﻦ اﻟﻔﺮن ﺳﺎﺧﻨﺔ ﯾﻜﻮن اﻟﻜﺮﯾﻢ ﺟﺎھﺰ و ﺑﺎرد

نزهة من أكادير
طنجية ديال الدجاج
2 دجاجات مغسولين مزيان ومقطعين
قطع كبار شرمولة فيه ملح + إبزار + سكنجبير + زعفران ملون + زعفران بلدي +
زعفران شعرة + 1 م سمن
نخلط الدجاج مع الشرمولة نضع
الكل في الطنجرة نحط وسطهم حامضة مصيرة مامقطعاش و كركوبة ديال تومة كاملة
بلا منقشروها + كاس صغير زيت المائدة + 2 كسان حياتي ديال الماء و نسدو
عليها من الأحسن إلى طيبنا على الفاخر على نار مهيلة ولا البوطة نقصو عليها
مزيان حتى تصفر لينا الطنجرة حتى يولي لينا مدهب

لبينى

4بيضات + كاس السنيدة + كاس الزيت +
كاس الحليب + كاس عصير الليمون + كاس الماء دافئ + خمارة الحلوى + شوية
خميرة الخبز + دقيق اللى يجمع لينا الخليط
تجمع وتعجن وتتغطى ببلاستيكة ترتاح من بعد تسرح بالمدلك وتقطع دوائر وتعاود تخمر من بعد قليه فى الزيت وحليه من الجانب

كريمة باش تعمرى البينى

150غرام السنيدة + 3بيضات + 75 غرام الزبدة + 3حامضات معصرين وقشورهم
طربى البيض مع السنيدة حتى يبياض
الخليط وضيفى الزبدة والحامص معصور وقشوره وعمليه على نار مهيلة ماشى يغلى
غير دوب الزبدة ويتقال وخليه يبرد شوية وعمرى البينى ورشى السكر كلاصى من
الفوق

ميرندينا

6بيضات + 400 غرام الطحين + 300 غرام السنيدة + كاس الزيت + كاس الحليب + ملح + 2خمارات
خلطى الكل وفى الاخير ضيفى الطحين والخميرة
لاطة كبيرة تدهن بالزبدة ورشى الطحين وكبى الخليط يطيب تقريبا 20 دقيقة ومن بعد قطعيها مورسوات

الكريمة

كاس الحليب + 2معالق كبار الزبدة + رابعة الشكلاط اسود + كوك او شكلاط ابيض
للتزيين حليب مع الشكلاط والزبدة
يدوبو على نار مهيلة وخليه يبرد وبداى غطسى المورسوات وزينى بالكوك او
الشكلاط ابيض وتعمل فى بواطة وتسدى عليها

طورطة الحامض

الكريمة

حامضة محكوكة + 3بيضات + 125 غرام غبرة اللوز + عصير حامضة + 150 غرام السنيدة + 120غرام الزبدة
العجين

بيضة + 100غرام طحين + 100 غرام مايزينا + 100غرام الزبدة + 100 غرام السنيدة + ملح + 2 فاني
خلطى كل المقادير و دهنى المول بالزبدة ورشى الطحين وكرصى العجينة مزيان ودخليها تطيب نصف طيبة وخرجيها
خلطى مقادير الكريمة وكبيها فوق العجين وسرحيها مزيان وتعاود تدخل للفرن

البريوش بالتفاح بلكريم

كيلو فورص
150 غرام سنيدة
200 غرام الزبدة
شوية ملح
20 غرام خميرة الخبز
قشور حامضة محكوكة
3 بيضات
2 كيسان حليب دافئ او ماء دافئ

نعجنوا الكل و نتركه يرتاح و بخمر
تم يكور كويرات و نتركه مرة تانية يخمر

نحضر لكريم باتسيير
نص كيلو تفاح مقطع شرائح
ناخدوا كويرة ديال العجين تبسط غير
شوية و ندهنها بلكريم و نحطوا شوية من التفاح و ندهنوا الجوانب بالبيض و
ندردروا السكر و ندخله للفران

فقاص منمر
3 بيضات
نص كاس زيت
نص كاس ماء الزهر
كاس سكر
خمارة حمراء
لفني
ملعقة كاكاو
الطحين حسب الخليط
نطرب البيض مع السوائل و نضيف الطحين شوية بشوية تكون خفيفة و نقسمها على قسمين
واحد نضيف له الكاكاو و نضيف الطحين الكافي حتى تتجمع
و الكرة البيضاء نضيف لها الطحين حتى تتجمع
نطلقوا الكرة البيضاء بالمدلك و نحطوا عليها الكرة السوداء بعد مادلكناها حتى هيا
و نلويه على شكل قضيب و ندهنه بالبيض تم ندردروا شعرية الشكلاط و ندخله يطيب نص طيبة تم يقطع و يرجع
ليتحمر

كيكة بالمندلين
3بيضات
قشور حامضة
كاس زيت
كاس سكر
لفني
مندلينة محكوكة
كاس حليب
2 خمارات
ملعقة صغيرة ممسوحة من خميرة الخبز
ربعة فورص

نخدموا الكل و نضيف الخميرة مذوبة في الحليب و نفرغوا الكيك في المول و نستفوا التفاح مقطع شرائح
بعد النضج تسقى بالسيرو
السيرو كاس ماء مع كاس سكر مع قشور التفاح

حلوى مالحة
بيضة
ملعقة معدنوس مفروم
200 غرام فرماج محكوك
ماء ديال بصلة محكوكة
ربعة د الزبدة
شوية ملح و شوية ابزار
نص كيلو فورص
نجمعوا العجينة و ندلكها و ندهنها بالبيضة مطربة تم الفرماج محكوك
و تقطع بالمراشم

شوربة بالقرعة الخضراء
كيلو قرعة
2 بواروا
ربطة الربيع
جزرة
كنور البقري
حبة طماطم مقطعة
اتروا و نص ماء
و بعد النضج تطحن و نضيف ملعقة زبدة و زيت و ملح و ابزار و الفرماج و تقدم

عجين السندويتش
2 زلايف فورص
ملحة
2 معالق سكر
خمارة
شوية خميرة الخبز
نص كاس حليب غبرة
نص كاس زيت
و الماء الكافي لعجن العجينة و دلكها و تكور و تكرص بالسميدة و نتركهم يخمروا و ندخلهم للفران

بسطيلة مالحة

دجاجة 2 كيلو
ربعة زبدة
4 جزرات محكوكين
حك فطر
300 غرام شعرية صينية
كنور
ملحة
بصلة نتكوا فيها حبات القرنفل
فطر اسود مرقد في الماء الساخن

الطريقة
نحيدوا الجلدة للدجاجة و نديروها في طنجرة فيها الماء مع البصلة و كنور و نخليوها حتى تنضج
و من بعد نصفيوها و نفرتتوها
في مقلاة نضع 3 معالق الزبدة و نضيف الجزر المحكوك تم الفطر المعلب تم الفطر الاسود مقطع مع الملح و الابزار
و الربيع مخلط و مشلظ
حتى يتشحروا و نضيف الدجاج المفرتت و نضيف الشعرية المسلوقة و المقطعة من قبل تم الفرماج الاحمر محكوك
و نعمروا البسطيلة بالطريقة المعروفة

عصير

10 كرموصات
4 حبات بنان
5 خوخات
ليتر ماء بارد بززااف
ساشية ديال
c bon
يطحن الكل بدون سكر

لطارط
7 معالق زيت
7 معالق حليب
7 معالق طحين
7 معالق سنيدة
2 بيضات
2 خمارات
نخلطوا كلشي و نكبوه في مول لتارت
بعد النضج نزوقوها بلكريم باتسيير
و نضع فواكع حسب الموسم و اللي موجود و ندهنوا بالناباج

الحرشة
نص كيلو سميدة رقيقة
خمارة
شوية زيت عادية
و ملعقة زيت بلدية
نص ليتر حليب
و ملحة
نخلطوا الكل و نضيف الحليب شوية بشوية و نتركها تتشرب
تم نشكلوا كرات و ندردروا السميدة و نطيبوهم في المقلاة

الخبز بالكركاع

الطحين بالنخالة 350 غرام
الطحين الممتاز 350 غرام
3 معالق عسل
100 غرام نوادكاجوا مهرمش
100 غرام لوز مهرمش
100 غرام كركاع مهرمش
ملحة
خميرة الخبز
الماء الكافي لجمع الخليط و ندلكه و نتركه يخمر و يدلك مرة تانية و نتركه يخمر
و الكل يشكله حسب دوقوا ظفيرة او بالمي او اي شكل

كيكة بالحامض و المورانك
كاس سكر
نص كاس زيت
خمارتين
لفني
كاس و نص طحين
قبصة ملح 3 بيضات

[center]الكريمة ديال الحامض
2 اصفر البيض
3 ملاعق سكر
3 ملاعق زبدة
عصير حامضة مع قشورها

المورانك

ناخدواا بياض بيضتين اللي عزلناهم من الكريمة و نطلعوه مع كاس سكر مع رشة ملح
الطريقة
عملي الكيك كالعادة و بعد النضج نسرحوا الكريمة تم المورانك و ندخله للفرن و نسعلوا غير الفوق

كيكة باللوز و الشكلاط

5 بيضات
3 كيسان و نصف طحين
كاس سكر
كاس و نص زيت
كاس و نص عصير برتقال
قشور برتقالة
3 خمارات
200 غرام شكلاط اسود مذوب
قبصة ملح

تخدموا البياض تم نضيف له الباقي تم
ندهن المول بالزبدة و نرشوه بالسنيدة حتى الجوانب و نضيف رقائق اللوز و
نضعه حتى في الجوانب تم نصب نصف الخليط
و نضيف الشكلاط ذايب تم الباقي من العجين وندخله للفران مدة ساعة

الحرشة بالليمون

4 بيضات
لفني
خمارتين
100 غرام سميدة رقيقة
125 غرام طحين
كاس صغير سكر
كاس صغير زيت
كاس عصير الليمون
تخلط الكل و ندهنوا المقلة التقيلة و نرشها بالسميدة و ندخلها للفران و بعد الطياب تسقى بالعصير ديال الليمون

الرغايف في الفران

نص كيلو طحين
ربعة سميدة رقيقة
ملعقتين من السكر
خمارة
يعجن بالماء و تدلك و ترتاح 10
دقائق تم تكور و تورق بالزيت و ندهنها بالزبدة و تشكل على شكل مربعة و
نضعها في لاطة و بعد النضج تدهن بالعسل تم الشكلاط محكوك

[/center]

البسبوسة

ربعة سميدة رقيقة
كاس حليب
كاس زيت
خمارتين
ملعقتين من السكر
نص كاس طحين
خلطي كلشس و افرغيه في المقلاة التقيلة و نرشوا باللوز مهرمش بالقشور و ندخله للفران

كاشير باللحم و الزيتون
ربعة حليب
200 غرام لحم مقطع
30 غرام طحين
50 غرام زبدة
هريسة
اسكنجبير
قزبور حبوب
الربيع مخلط
3 بيضات

نطحن الكل و نضع القليل في بواطة ديال الكاشير و نضع القليل من الزيتون تم اللحم تم الزينون حتى تكملي الخليط و نضعه في الكوكوط

الشوربة ديال البطاطا و الشوفلة

البطاطا و الشفلور في الكوكوط مع
الماء و الملح و الابزار و صدر الدجاج و ملي ينضج نزولوا الصدر نفرتتوه و
الخليط نطحنه مع الفرماج و الحليب تم نضيف الدجاج و نسخنوه و يقدم

غريبة بدقيق الذرة (باداز)
الغراف ديال مطيشة د الحك
نعبروا غراف ديال الطحين
و غراف الاربع ناقص شوية ديال دقيق الذرة
كاس زيت
كاس و نص سنيدة
خمارة
شوية خميرة الخبز
ملعقة كبيرة نافع
شوية زنجلان صاين
شوية حبة حلاوة
و نخلط الكل و نضيف الماء حتى تتجمع تم تكور و ندخلها للفرن

كاوكاو معسل
3 كيسان كاوكاو
2 كيسان سنيدة
كاس ماء
لفني
نص كاس ماء الزهر
يوضع الكل في طنجرة و نحرك حتى يولي اشقر و نضعه في بلاتوا مفرش و نفرقوا حبوب الكاوكاو
و ايلا بغيتيه معسل خليه حتى يتعسل تم نضعه في بلاطوا و ندوزوا بالمدلك و يقطع

بيني ديال السردين
السردين مغسول و نزولوا ليه السنسول و نرقدوه في كاس عصير الحامض مع الملح و الابزار و نتركه مدة و يصفى
في زلافة نضع صفر بيضة و تومة محكوكة و ابزار و نص خمارة و كاس حليب و
ملعقتين من الطحين و نطرب البياض على شكل تلج و نضيف للخليط و نخلط
ناخدوا قطعة السردين و نضع حبة زيتونة و نلويها و نسدوها بعود اسنان او عوض
الزيتون خيار مخلل او قطعة بطاطا مسلوقة او قطعة جزر مسلوقة و نغطسها في
الخليط و تقلى

كعك اسفي
كيلو فورص
2 كيسان عصير الليمون
2 كيسان زيت
قبصة ملح
قبصة نافع
خمارتين
2 كيسان سنيدة
تدلك مزيان تم تحربل و تشكل دملج و يزوق بالمنكاش

الغريبة

ربعة زبدة
ربعة سكر كلاصي
خمارة ونص
3 اصفر البيض و بيضة كاملة
2 لفني
3 كيسان زيت
الطحين حسب الخليط تم تكور و تغطس في البياض تم الكاوكاو محمر و مهرمش غير الوجه

كيكة بالتفاح

كاس نيدو
كاس ونص سنيدة
كاس زيت
ملعقة زبدة ذايبة
2 تفاحات محكوكين
خمارتين
لفني
كاس ماء
اربع ملاعق كاكاو
الطحين حسب الخليط
يخلط الكل و بعد النضج يزوق بالشكلاط مخلط مع دانون فاني

الله يعطيكم الصحة على هذه الوصفات

شكرا بزاف بزاف بزاف

سلام عليكم ممكن ثعطين مقدير كيك مشوك

» ركن خاص بوصفات ميد راديو
» كروصة بطريقة المسمن
» بريوش بالليمون med radio