كل ماتحتاجينه من أطباق رمضانية متنوعة (متجدد)

بريوات باللوز


المقادير

* كيلو غرام ورقة بسطيلة
*1/2 كيلو غرام لوز مصلوق
* 1/2 كيلو غرام لوز مصلوق و مقلي و مهرمش
* نصف كأس شاي من ماء الزهر
* ملعقة صغيرة قرفة مطحونة
* 200 غرام زبدة
* نصف كيلو من السكر المسحوق
* الزيت الكافي للقلي
* 2 كيلو غرام من العسل
* الزنجلان للتزين
* ملعقتان كبيرتان من الطحين في نصف كأس من الماء

طريقة التحضير

معقودة اللوز
* يطحن اللوز المرة الأولى وحده ثم يخلط معه السكر و يطحن المرة الثانية ,
يضاف إليه والزبدة و ما زهر ويخلط الكل ويعاد طحنه مرة ثالتة وتعجن هذه
العقدة جيدا وتصنع منها كويرات حسب الرغبة

حشو البريوات

تقطع الورقة إلى مستطيلات متوسطة الحجم في زلافة يخلط نصف كأس من الماء بملعقتين من الطحين حتى نحصل على عجينة سائلة.
توضع كويرة اللوز على حافة المستطيل، تسطح قليلا ثم تطوى على نفسها على شكل مثلث.
يلصق الطرف الأخير من حاشية البريوات بواسطة ريشة تغمس في الماء والطحين
عند الانتهاء من عمل جميع البريوات تقلى في زيت غزيرة ساخنة.
عندما تتحمر البريوات من الوجهين ترفع من على الزيت وتقطر قليلا.
تقطر من الزيت ثم تغمس في العسل الغليان وهي لازالت ساخنة.
تترك البريوات لتتعسل الوقت الكافي ثم تقطر قليلا من العسل يرش عليها الزنجلان و بالصحة والراحة.

المخرقة أو الشَّبَاكِيَة ♥



المقادير

* كيلو غرام دقيق أبيض ناعم
* 250 غرام زنجلان منقي , محمص ومطحون
* اصفر بيضة واحدة
* ملعقة صغيرة نافع مطحون
* شوية خميرة معجونة متكثروش راه سخون لحال
* ملعقة صغيرة سمن
*حفنة اللوز مطحون
* كأس شاي ماء زهر
* ربع كأس خل
* قليل من الزعفران الحر
* قليل من الزعفران الاصطناعي
* كأس شاي زبدة مذوبة
* قبصة ملح
* ماء دافئ للعجين
* زيت للقلي
* 3 لتر عسل
* كأس شاي زنجلان للتزيين

طريقة التحضير

* في قصعة، خلطي أصفر البيض، الزبدة، السمن، الخل، الزنجلان، ماء الزهر، الخميرة،اللوز مطحون, قبصة الملح و النافع.
* اضيفي الدقيق شيئا فشيئا حتى تحصلي على عجينة لينة و متجانسة.
* خلطي العجينة جيدا حتى تصبح متجانسة ولينة و إذا كان صلبة لينيها بقليل من الماء.
* غطيها واتركيها ترتاح قليلا.
* قسميها إلى كويرات صغيرة، ثم مدديها وقسميها إلى مربعات صغيرة.
* بواسطة آلة خاصة بتقطيع الشباكية (الجرارة) احدثي 3 تقاطيع في كل المربع، على عرض 1 سنتمتر.
* بواسطة اصابع اليد خالفي التقاطيع ثم اقلبي الحواشي في الوسط، وحاولي أن
تصنعي الشكل العادي للشباكية. * خذي صينية ورشي فوقها الدقيق، ثم صففي
الشباكية حتى تنتهي من كل العجينة.
* حمصي الزنجلان واتركيه جانبا.
* في كصرونة سخني العسل ثم احتفظي به ساخنا.
* في مقلاة خاصة بالقلي سخني الزيت جيدا، ثم اقلي الشباكية وعندما تتحمر ويتذهب لونها ارفعيها من المقلاة واغمسيها في العسل الساخن.
* ارفعيها من العسل واتركيها تتصفى ورشي فوقها الزنجلان المحمص.
* تقدم بألف صحة وعافية.

* * * طارط سهلة و سريعة بالصور * * *

بسكوي من اي نوع تفضلين نضعه في الحليب و نصففه في طبق التقديم
نخفق القشدة الطرية مع السكر و نضع طبقة منها على البسكوي
يمكن تعويض القشدة الطرية باي كريمة تفضلين او بكريم باتسيير
ثم طبقة اخرى من البسكوي

بعد اربع طبقات من البسكوي و اربعة من القشدة الطرية نضع دوائر الموز كما في الصورة ثم البسكوي

و نغطي الكل بالقشدة

ونزين باللوز افيلي

و نزين بالشكلاط

بسبوسة لذيذة و سهلة التحضير






المقادير

ثلاث بيضات

كأس و نصف سكر

كأس و نصف زيت

واحد فاني

( 2) خميرات

كاسان من السميدة الرقيقة

يغورت فاني

الطريقة

يخلط الكل في الخلاط الكهربائي ثم يصب في اناء الفرن مدهون بالزبدة و توضع في فرن متوسط الحرارة إلى ان يتورد لونها

في أثناء وجود البسبوسة في الفرن نحضر سيرو الليمون و ذلك بوضع عصير
برتقالة واحدة مع 3 معالق من السكر و ملعقة ماء فوق النار لبضع دقائق

بعد اخراجها من الفرن مباشرة نقوم بسقيها بسيرو البرتقال ونزينها باللوز المبشور كما في الصورة

كيش بالقمرون -





المقادير :

عجين بريزي (مرمل)
حبة بصل مفرومة فرما ناعما
زيت
ملح
ابزار
250 غرام قمرون مغسول ومقشر ومقطر جيدا من الماء
نصف ملعقة صغيرة من الفلفل الاحمر الحلو
ربع ملعقة صغيرة من الكمون
ملعقة صغيرة قزبر مفروم فرما ناعما
ملعقة صغيرة بقدونس مفروم فرما ناعما
100 غرام فروماج أحمر محكوك
أربع بيضات
3 ملاعق كبار قشدة طرية
3 ملاعق كبار حليب
قبصة من الكوزة المحكوكة



طريقة التحضير :

في مقلاة فوق نار معتدلة، ضعي البصل يتطرى جيدا في ملعقتين كبيرتين من الزيت.

اضيفي قليلا من الملح والابزار ثم القمرون والتحميرة، الكمون، القزبر والبقدونس.

خلطي الكل جيدا واستمري في التحراك لمدة 5 دقائق.

خذي قالبا مخصصا لصنع الكيش، اذهنيه بالزبدة ورشي عليه قليلا من الدقيق.

مددي العجينة داخل القالب من الجوانب والقعر، ثم وزعي فوقه خليط القمرون.

في زلافة كبيرة، اخفقي جيدا البيض مع القشدة الطرية، الحليب، الملح، الابزار والكوزة المحكوكة.

افرغي هذا الخليط فوق القمرون، ثم ادخلي القالب الى فرن درجة حرارته 180 حرارة مائوية واتركيه يطهى لمدة 30 أو 40 دقيقة.

عندما يتحمر وجه الكيش اخرجيه من الفرن وقدميها ساخنا بالف صحة وعافية.

زلافة ديال الطحين + زلافة ديال الماء + معلقة ديال الزيت +ملح

نخلطوهم بحال العجينة ديال البغرير

المقلاة فوق كاسرونة فيها الماء كيغلي فوق البوطة

ودهني فوق المقلة بداك العجين بواسطة فرشة

سلقي 4 جزر ومتلوحيش الماء لحقاش غادي نتاجوه
و عصري 1 كيلوا ليمون
و جيبي دانون منسم
و عصري كلشي في الخلاط الكهربائي الجزرو +الماء لي تسلق فيه الجزر+ الليمون +دانون +سنيدة
كيجي زوين هاد العصير

زيتون مشرمل





المقادير :

250 غ زيت زيتون أخضر منزوع النواة
2 فصوص ثوم
ملعقة كبيرة هريسة
ملعقتان كبيرتان بقدونس مفروم
ملعقتان كبيرتان زيت زيتون
نصف ملعقة قزبر جاف
حبة بصل


طريقة التحضير :

قشري البصل والثوم وافرميهما ناعما.
في إناء ضعي الزيتون أضيفي زيت الزيتون، الهريسة، القزبر الجاف البقدونس المفروم واخلطي جيدا.
ضعي الإناء في الثلاجة واتركيه يرتاح لمدة ساعتين أو أكثر.
قدميه كمقبل مع الخبز

الشهدة اللذيذة :




المقادير:

- نصف كاس حليب
- ثلث كاس زيت
- 3 ملاعق حليب غبرة
- 2 ملاعق دنون
- كاس ماء دافئ
- 3ملاعق سنيدة
- القليل من الملح
- ملعقة خميرة الخبز
- دقيق حتى تجمع العجينة

-الطريقة :

نخلط الكل جيدا على شرط ان تكون العجينة رخوة ونتركها نصف ساعة تم نشكلها على شكل كويرات في طاوة دائرية
ونتكها تختمر سلعة وندهنها بالبيض ونرشها بجنجلان ثم ندخلها الفرن و لما نخرجها نسقيها بالعسل

بينيي بالسكر



مكونات تحضير بينيي بالسكر:

500 غرام فرينة.
125 مل حليب.
30 غرام سكر.
قرصة قرفة.
قرصة ملح.
كيس و نصف سكر الفانيليا.
كيس خميرة الخباز.
2 حبات بيض+صفار بيضة.


كيفية بينيي بالسكر:

اخلطي الفرينة و الخميرة.
ضيفي السكر و سكر الفانيليا،البيض،صفار البيض،الحليب ثم اتركيها تستريح في مكان دافئ لمدة ساعة.
بعدها اعجنيها جيدا ثم سطحيها فوق طاولة العمل.
قطعيها إلى نصفين متساويين ثم قطعيها على شكل دوائر.
زينيهم بالمربى في الوسط.
شكلي دوائر بنصف العجينة المتبقية ثم ضعيهم فوق العجينة التي بها المربى.
بعدها اتركيهم يستريحو لمدة 45 دقيقة في مكان دافئ.
سخني الزيت جيدا ثم اقليهم من الجهتين.
بعد طهيهم رشيهم بخليط السكر و القرفة.
اتركيهم يبردوا لمدة 5 دقائق ثم قدميهم.

الأرز بالدجاج




قطع دجاج (النوعية والكمية المتوفرة لديك)
بصلة واحدة "مشلضة"
قزبر ومعدنوس مفروم ـ ثوم ـ ملح ـ إبزار ـ زنجبيل (سكينجبير) ـ ملون غذائي (زعفران) ـ زيت الزيتون أو زيت المائدة
أرز أصفر طويل (كلاصي)
جلبانة خضراء (طرية أو مجمدة أو معلبة... "رخاها الله هههه")
زبيب أبيض أو أسود


في طنجرة، نضع قطع الدجاج، البصل، القزبر والمعدنوس، الثوم والتوابل... نتركها تتقلى قليلا ثم نضيف الماء الكافي لينضج الدجاج.
بعدما يصبح الدجاج جاهزا، نرفعه من الطنجرة ونضعه في "طاوة" قصد تحميره لاحقا
نعود للمرق المتبقي بالطنجرة: نضيف له حبات الجلبانة وبعد نضجها نضيف الزبيب، نترك المرق يغلي على النار ونحضر الأرز.
أهم ما في الوصفة: يجب أن يكون مقدار المرق في القدر يساوي تقريبا ضعف مقدار الأرز المراد استعماله
نضيف الأرز على المرق الذي يغلي بالطنجرة، نحركه بملعقة خشبية مرة واحدة
فقط، ثم نخفض النار تحته لأدنى درجة ممكنة... نتركه كذلك مدة 25 إلى 30
دقيقة حتى يتشرب الأرز المرق كليا دون تحريكه أبدا لكي لا يتعجن
في هذه الأثناء نذهن قطع الدجاج بالزبدة أو السمن وندخلها للفرن لتتحمر
للتقديم: يوضع الأرز في طبق ويزين بقطع الدجاج المحمرة

بريوات بالتونة و الطماطم شهيوات رمضان




المقادير :

300 غ تونة
2 اعراش حبق
ليمونة حامضة
الورقة(اوراق بسطيلة)
400 غ طماطم مقشرة و مقطعة الى قطع صغيرة
20 غ زبدة
الملح و الابزار



طريقة التحضير :

قلي مطيشة على نار متوسطة ثم اضيفي التونة و الملح

اتركي الكل على النار حتى تتشرب الماء جيدا

اضيفي الحبق المفروم و عصير الحامض و الابزار

اطلقي الورقة ثم عمريها بالحشوة ثم لفيها على شكل مثلث

سدي الجوانب بالزبدة المذابة ثم ضعي البريوات في صحن الفرن واتركيها تنضج
في الفرن الساخن لمدة 15 د او حتى تتحمر من كل الجهات ثم قدميها مع الشلاظة
الخضراء بالصحة و العافية

كرص بالبطاطس



2 بطاطس مسلوقين
2 بيضات
معلقة كبيرة خميرة العجين
1 خمارة
كاس العنبة زيت وزبدة مخلطين
كاس سنيدة
كيلو دقيق
القليل من الملح
الحليب الكافي لكي نجمع العجين

نخلط المقادير كلها و نبدا باضافة الحليب ونعجن العجين جيدا حتى نحصل على عجين رخوة

نعملو كويرات و نخليوهم حتى يخمرو و ندهنوهم باصفر البيض وندخلوهم الفرن حتى يطيبو

صحة وعافية

بطبوط معمر بالكفته




العجين:

500غ من طحين القمح
250غ من طحين الفورص
ملح حسب الدوق
ملعقتان من السكر سنيدة
ملعقتان من الزيت
1خميرة الحلوى
ملعقة من خميرة الخبز
ماء دافئ

تحضر العجين بخلط جميع المواد المدكورة أعلاه بماء دافئ حتى نحصل على عجينة متماسكة.


تدلك جيدا حتى تصير مطاطيية.

بعد دالك تعمل منها كويرات صغيرة وتدهن بالزيت الى حين تهيء الحشوة

مقادير الحشوة:

كفتة
2بصلات
3 طماطم محكوكة
فلفلات
زيتون مقطع
ملعقة كبيرة طماطم مركزة
نص ملعقة كمون،ابزار، تحميرة، زعفران، لهريسة


في مقلاة فوق النار،يحمر البصل وتضاف اليه الطماطم المحكوكة يخلط الكل
جيدا حتى يتقللى .تضاف الكفتة والملح والإبزار والكمون والتحميرة ثم يخلط
الكل ثم يرفع عن النار ويترك ليبرد.


تبسط الكويرات الواحدة
تلو الأخرى فوق مائدة مزيتة ويوضع القليل من الحشوة مع بسطها جيدا ثم تجمع
الحواشي الى الأعلى لسد الدائرة .تبسط قليلا وتطهى في مقلاة ثقيلة.ترش
بالزيت من حين لآخر حتى تتحمر

بالصحة والراحة

بيني المربي بالصور




المقادير

20غ خميرة
125مل حليب دافئ
300غ دقيق
شوية ملح
50غ سكر
2 صفار البيض
100غ مربى مشمش
زيت للقلي

الطريقة

في وعاء نضع خميرة مع الحليب حتى تذوب
نضيف الدقيق و جميع المقادير المذكورة ونخلط جيدا حتى تصبح العجينة لينة
نترك العجينة ترتاح لمدة 45 دقيقة بعد ذلك نتابع خطوات الصور
نعمل من العجين دوائر كما هو مبين في الصورة و نضع وسطها ملعقة صغيرة من المربى

نغطيها بدوائر أخرى

نخليوها تخمر واحد شوية
نسخن الزيت في مقلاة و نضعها لتأخذ لونا ذهبيا ثم نرشها بالسكر

بالهنا والشفا

الكريب



100 غ طحين
4 دالبيضات
ملح
70 غ سكر
200 مل حليب
100 مل كريم فريش
30 غ زبدة مذوبة

اذن على بركة الله نخلطو جميع المكونات فالخلاط و نطحنو

نخليوه على جنب لمدة 15 دقيقة
فهاد الاثناء نديرو المقلة تسخن
ثم ناخدو شوية دالخليط نديروه فالمقلة ونبداونميلو المقلة باش نحصلوعلى ورقة رقيقة

ثم منين كيبدا يدير هاد الفقاعات

كنقلبوه باش يطيب من الجهة التانية و دائما على نار مهيلة

حلوى لسان الطير




المقادير

250غ دقيق
–بيضة
-½ كيس خميرة الحلوى
-قرفة مدقوقة
– ملح
-قليل من الماء


نجمع العجينة و ندير كويرات صغار. نورق بزيت المائدة و تطيب في المقلاة (
مكطيبش بزاف تبقى بيضا). نلويوها و نلصقها بخليط الماء و الدقيق. ثم تقطع و
تقلى و تطفى في العسل

المقادير


انعبرو بنفس الكاس
، كاس حليب
كاس زيت
2كيسان سميدة رقيقة
2بيضات
خمارة
ـفاني
قبصة ملح
كاس سنيدة

بالنسبة السيرو
2كيسان ماء
كاس سنيدة

البطبوط معمر بالكفتة











مقادير عجين البطبوط


نصف كيلو من الدقيق الابيض
نصف كيلو من دقيق القمح فينو
خميرة الخبز
ملح
ماء دافئ

طريقة تحضير عجين البطبوط

نجمع مكونات العجين للحصول على عجين مدلوكة جيدا

مقادير حشوة البطبوط
كفتة العجل 250 غ
بصلة مفرومة
فلفل احمر حلو
البقدونس
ملح ابزار كمون تحميرة ولقليل من زيت الزيتون

يطهى الكل في المقلاة

طريقة تشكيل البطبوط معمر
نحضر كويرات من عجين البطبوط نتركها ترتاح 5 دقائق
نبسطها نضع وسطها الحشوة و نجمع اطرافها


ثم نبسطها كما في الصور و نتركها تخمر لمدة ربع ساعة

ثم يطهى البطبوط في مقلاة ثقيلة من الجهتين
و بالصحة و الراحة

ديسير بارد






المقادير:

نص لتر حليب + 2 معالق كبار مايزينا + 2 معالق كبار سنيدة (أو حسب الرغبة)+ 2 خنيشات فانيل( أو م ص مركز فانيل)
نص لتر عصير برتقال + 2 م ك مايزينا + 2 م ك سنيدة
حبات من الفاكهة نقطعوهم صغار

الطريقة:

كنديرو الحليب فوق النار كنزيدوه السكروالفانيل و نحركو، كناخدو كاس نديرو
فيه مايزينا و شوية من الحليب ولا الما، نخلطو مزيان و نزيدوه على الحليب و
نحركو بالطراب بدون توقف باش ما يتكورش و ما يلصقش لينا. و تكون العافية
مهيلة. حتى يقبط الخليط و يولي على شكل كريم. نخلوه يبرد و نخلطو معاه حبات
ديال الفواكه مقطعين صغار ( أنا استعملت التفاح و لكن يمكن تختاري اللي
حبيتي)
و تعمري بيه الكويسات حتى للنص و تحطيه فالثلاجة.
كتاخدي عصير البرتقال كتستخدمي نفس الطريقة ولكن أنا ما ضفتش ليه طريفات
دالفاكهة. كتخرجي الكويسات من الثلاجة، خاص يكون الحليب عاقد باش مايتخلطوش
لينا. و نزلو الخليط بشوية.
من بعد كنزينوه إلا بغينا بالكوك أو الشعرية دالشكلاط....أنت أو ذوقك
ترجعيه للثلاجة حتى يبرد و بالصحة و الراحة.

مسمن مورق بالعسل واللوز



العجين
ديال المسمن العادية اللي كديري ديما، الفورص مع شوية القمح الأبيض أو
الأصفر،اللي متوفر عندك، شوية الملح ، شوية الخميرة ، الماء الدافي للعجن .
تعجن العجينة وتدلك مزيان ، و تعمل منها كويرات و خليهم يرتاحو شوية





اللوز(القياس اللي يكفيك) يتسلق، يتقشر ، يتقلا و يتهرمش + الزبدة دايبة
سرحي الكورات بحال المسمن العادي و دهني بشوية الزبدة و رشي بشوية د اللوز و طويها ، سرحي التانية و حتى هي تدهن بالزبدة و ترش باللوز و ديري وسطها المسمنة الأولى و طويها عليها ، و بقاي بهاد الطريقة حتى تكملي كلشي.



















مللي تكملي كلشي حطيها فاللاطة اللي غادي دخلي للفران و خليها ترتاح شوية باش ترخف و تجيك ساهلة فالتكراص.
من بعد كرصيها بالسكر (سنيدة) ، مزيان ماحدك كتكرصي و نتي كتزيدي سنيدة
حتى تسرحيها كاملة ، خليها تخمر شوية ، ودخليها للفران ،العافيه من تحت حتى
تطيب ، من بعد شعلي لفوق باش تحمر و السكر يتعسل ، مللي توجد قطعيها كيف
بغيتي

الحريرة المغربية


المقادير:


كأس حمص منقوع في الماء ليلة كاملة ومنزوع القشرة
كأس من العدس
250 غ لحم الغنم مقطع قطع صغيرة
كأس من الكرافس مفروم
كأس من القزبرة ومقدنوس
بصلة مفرومة
حبة طماطم مفرومة
مكعب من بنة الغنم
نصف كأس من زيت الزيتون
ملعقة من السمن البلدي
ملح حسب الذوق
ملعقة صغيرة من الإبزار
ملعقة صغيرة من الزنجبيل
ملعقة صغيرة من التحميرة
ملعقتان من الطماطم المركزة
دقيق حسب الخليط
3 ملاعق من الشعرية الرقيقة

الطريقة:

في طنجرة الضغط نضع اللحم والحمص و العدس و الطماطم المطحونة و الكزبرة و
الكرافس و البصل و الزيت و نتبل بالملح و الابزار و الزنجبيل والتحميرة ثم
نضيف لتران من الماء ونقفل الطنجرة لمدة ساعة ابتداء من سماع صفارة طنجرة
الضغط بعد ذلك نظيف السمن والشعرية والطماطم المركزة نترك الكل على النار
لمدة 10 دقائق.

بعد ذلك نهيئ الدقيق الابيض مع قليل من الماء البارد حتى نكون سائلا كثيفا
خالي من حبيبات الدقيق ثم نضيف هذا الخليط الى الطنجرة مع التحريك المستمر
بملعقة خشبية نترك الخليط 10 دقائق ويكون الحريرة جاهزة بالصحة والراحة.
*************************************

machaa allah abda3ti