نكت مغربية 100%

-هدا واحد سراق الزيت (صرصور) طاح ف مولينيكس ملي خرج قال
الله ينعل اللي باقي يمشي ل لافوار.

2-هادو جوج كلاب كايهضرو الأول قال:هو, الثاني قال : هو, فقال الأول: هوهو,
فقال له الثاني: بلا ما تبدل الموضوع أصاحبي.

3-هدا واحد خينا مربي بزاااااااف كايدق باب التلاجة قبل ما يحلها.
4- هادا واحد الراجل سول الطبيب ديالو: دكتور، واش غادي نقدر نلعب البيانو
من بعد ما ندير هاد العملية؟
قال ليه الطبيب: أكيد
قال ليه الراجل: مزياااااااان. حيت ماعمرني كنت نعرف نلعب البيانو من قبل
5- هادي واحد الطلابة قالت لواحد المعلم: الله يرحم الوالدين عطيني باش
نفرح الدراري
قال ليها: سيري قولي ليهوم راه ما كايناش القراية غدا
6- قال ليك هادا واحد مشى عند مول المحلبة وقال ليه: بشحال التفرتيت؟ قال
ليه مول المحلبة: فابور
قال ليه خينا: إيوا فرتت ليا عافاك واحد تلاتة ديال ميل فوي
7-
هادي واحد البنت نص ساعة وهي كتهدر ف التلفون.
مللي سالات قالت ليها ختها: على سلامتك! كي درتي ساليتي ف نص ساعة؟ عادةً
كتشدي التلفون ساعتين
قالت ليها البنت: اه، راه غير النمرة غلط
8- هادا واحد خينا مشى عند الطبيب وقال ليه: كلشي كيضرني. إيدي، رجلي،
كرشي، صدري.... اللي حطت عليها صبعي كضرني
دوز ليه الطبيب وما لقى عندو والو. وهو يقول ليه: أرى كاع داك الصبع نشوفو.
وهو يلقاه مهرس ليه صبعو
9- برغوت وبرغوتة كانوا ف السينيما. ملي سالى الفيلم و بغاو يمشيو للدار،
قال البرغوت للبرغوتة: فيك ما يتمشى أولا نركبوا شي كلب؟
10- هادا واحد غير دخل الامتحان ديال الباكالوريا و دغية خرج.
قالو ليه: مالك خرجتي دغية؟
قال ليهوم: قال ليا الوالد جي نتا اللول .

هههههههههههههههههههههههه
شكرا لكي اختي على النكت الجد
مميزة تسلم ايدك بانتضار جديدك

hhhhhhhhhh j'aime bcp

» اجمل نكت مغربية بالدارجة / احدث نكت مغربية بالدارجة
» مغربية حتى الموت
» حلويات مغربية