نصائح من اللقاء المفتوح

نصائح من اللقاء المفتوح

نصائح من عند ايمان من
اسفي
* لازالة بقعة المداد ديال الستيلو من الملابس
نديرو عليها شوية ديال معجون الاسنان و نخليوه حتى ينشف ثم تغسل عادي
* لازالة
بقعة الصدا نديرو عليها عصير الحامض و الملح و نخليوهم شوية ثم نفركو و نغسلو
عادي
* للتخلص من العياء و التعب خصوصا بعد القيام بمجهود ناخذو 2 خسات و
نغليوهم في 1 لتر ماء مدة 20 دقيقة ثم نصفيوهم و نبقاو نشربو الماء ديالهم كلما
حسينا بالتعب

نصائح من اللقاء المفتوح Get-6-2010-almlf_com_pbpg6n5k

نصائح من اللقاء المفتوح Get-6-2010-almlf_com_pbpg6n5k

نصائح من
البيضاء

خديجة

ملى
نغسلو الدجاج نشرملوه ب 2/1 كاس عصير الحامض و 1 م
موطارد و 1 سكين
جبير و راس المعلقة صغيرة القرنفل

القزبور
والمعدنوس
ملى يتقطع يكون ناشف من الماء ونديروهم فى مربعات التلج حتى يجمدو عاد
نديروهم فى
بلاستيك

يمكن نديرو القزبور لوحده وكدلك
المعدنوس

البراد ملي كايكحال من الداخل ديري فيه الماء مع خميرة
الحلوى وخليه يتبخ ثم حكيه كايرجع غزال

الى بغيتى الحمص
يرطابلك في ظرف نصف ساعة عملى ماء غليان والحمص في طرموسة القهوة وسدى عليها

نصائح من اللقاء المفتوح To

أنا انسانه مع نفسي
قبل
لاأكون مــــــعك
إنسان
ولي
مبدأ ولي نظره وتحكمني قناعتي

)

باش نسمو البيض
كنديرو البيض فى ورق الالمنيوم مع شوية الزعتر او
سيبوليت او......اى شيء تم يلوى عليه الورق
يبقى يومان او تلات ايام ولما نهرسو
البيضة كتولى منسمة فهي تصلح للامليط او الكراطان .......
ولا تصلح
للحلويات

تقطير الماء ورد او الزهر
كنخدو الورد ونخليوه يومان حتى يدبال
ونعملوه فى الكسكاس والبرمة فيها الماء الخاصة بالتقطير
ونقفلو ونعمرو القطارة
بالماء كل ما سخن الماء نبدلوه بماء بارد والماء اللي تينزل من الجهة الاخرى
هو
روح الزهر تنديروه فى قراعى ونقفلوهم مزيان

أنا انسانه مع نفسي
قبل
لاأكون مــــــعك
إنسان
ولي
مبدأ ولي نظره وتحكمني قناعتي

ط

ريقة حفظ
الكابايلا

تنقيو كابايلا من الجلدة و الشوك و نعملوها تطيب ربع ساعة فالماء

تقريبا لتر و نصف كاس الحامض و نصف كاس زيت و الملح
و نخليوه حتى ينشف و
تبقى غير الزيت
و تحفظ مثل التون

لمجر إلى مبغاش ينحل نحكليه شمع
حتى سلسلة نتاع صك

[size=16]إلى عندك شي تريكو مبقاش يصلح هو زوين تتقدر
تلبسيه لبوتغاز

يمكنلك تضفي معلقة ضحين
فشرمولة نتاع دجاج باش متحيدش جلدة على لحم

توم باش تفسخ بسرعة تبات ليلة
كاملة فكنجلتور

صك نتاع رياضة نعاملو فيه وحد
صابونة فيها ريحة زوينة هكدا كل متفتحه تعطيك ريحة عطرة

نصيحة من أخت فتيحة من مراكش
باش نغسل الكرشة أي سقط
نغطسه 2 مرات فما مغلي ونكرته من بعد نزلها فبنيو فيه
ماء بارد وخل وبصلة مقاطعة على 4 وملح
أما رية تعمر بلماء من قرجوتة وتعصر وتكرر
العملية إلى 2

أنا انسانه مع نفسي
قبل
لاأكون مــــــعك
إنسان
ولي
مبدأ ولي نظره وتحكمني قناعتي

نصائح تتعلق
بالسمك

لازم يكونوا عينيه و قشوره كيلمعوا

الا قسنا الحوتة و بقات
واقفة الحوت طري

نهزو الحوتة و نشوفوها تحت وديناتها لازم يكون احمر
بزااااااااااف باش نتاكده انه طري بزاف

الا كان فنيدي شوية الا اسود الحوت
ما طريش ما تشريوهش ههههههههههه

ريحة البحر ايضا لازم نشموها فالسمك او
نتدوقوا

باش نجمدوا الحوت الا شريناه و طلبنا من مول الحوت
ينقيه
للاستعمال السريع نضيفه الملح للماء
للتجميد منغسلوهش
بالماء

نصائح من اللقاء المفتوح Get-6-2010-almlf_com_3okzr50t

نصائح من اللقاء المفتوح Get-6-2010-almlf_com_3okzr50t

نصائح من اللقاء المفتوح Get-6-2010-almlf_com_i3e7hv6v

باش تبقى رائحة التلاجة زوينة خدي شوية القطن و اضيفي له شوية روح لوز او فانيل او حامض وخليه فالتلاجة فهو يمتص كل الروائح

لازالة المداد من الملابس او المحافظ ندهنهم بمعجون الا سنان

نصيحة من اجل بطن مسطح ناخد الشاي الاخضر + عصير الحامض يشرب في الصباح او اي وقت تريدين

باش يتم طرد العناكب او العنكبوت من دخول المنزل تناخدوا الشبة مع الماء و تنمسحو بها الشراجم و الاماكن لي تتكون فيها.

باش السفرجل ما يكحالش عند تقطيعه يوضع في الماء والملح

الى بغيتى الحمص يرطابلك في ظرف نصف ساعة عملى ماء غليان والحمص في طرموسة القهوة وسدى عليها

الا عندك الخبز فالفريكو و بغيتي تسخنيه بلا ماتشعلي

الفران او ما عندكش المكروندا ما عليك الا تشعلي على الكوكوت وهي خاوية حتى

تسخن مزيان ديري فيها الخبز وسديها مزيان و ديري لها الصفارة و طفي على العافية

وخليها واحد شوي و ها الخبز سخون.جربتها و صداقت فكرة زوينة.

البراد ملي كايكحال من الداخل ديري فيه الماء مع خميرة الحلوى وخليه يتبخ ثم حكيه كايرجع غزال

موقع هديه لسماع القرأن اثناء التصفح
http\www.tvquran.com

كيفية صنع صابون البلدى تاع دار برائحة الورد : الورد مرقد ومغلى في ماء + صابون الحجرة محكوك ورقد لليلة كاملة في شوية الماء حتى يرطاب من بعد ناخدو ماء الورد ونصفوه وناخدو الماء تاعو ونخلطوه باصابون حجرة ونعملوه يطيب شوية حتى يرطاب واهو صابون موجود من صنع ايدك اما بورد او بخزامة .

الملايات الى بغيتي ملى تصبنيهم ما يتحببوش ويبقاو بحال الى جداد

في التشليلة الأخيرة اضيفى الى الماء ملين الشعر

لريحة الثلاجة ممكن نحطو واحد الفاخرة صغيرة تتقضي تماما على أي ريحة كانت

نصيحة أخرى بالنسبة للجلدة ديال التلاجة إلى بغينا نظفوها ناخدو معجون اللأسنان و ندوزو ه عليها كلها و ناخدو واحد شيتة الأسنان مخلينها غير للثلاجة ونحكوها بيها مزيان ومن بعد ناخدو شيفون فازك ونزولو كولشي.

الا بغينا نقطع سدر الدجاج شرائح نديره فالمجمد 2 سوايع عاد نقطعه

باش نسمو البيض
كنديرو البيض فى ورق الالمنيوم مع شوية الزعتر او سيبوليت او......اى شيء تم يلوى عليه الورق
يبقى يومان او تلات ايام ولما نهرسو البيضة كتولى منسمة فهي تصلح للامليط او الكراطان .......
ولا تصلح للحلويات

مداق القهوة بالشكلاط
كنخدو القهوة ونزيدو فيها معلقة كبيرة غبرة الكاكاو او الشكلاط غبرة ونقفلوها مدة اسبوع فتصبح جاهزة ونعملو بيها القهوة و الحليب او قهوة كحلة

3)لازالة رائحة الحوت من المقلى
ليقامة ديال اتاي اللى كتشيط لينا نعملوها فى المقلى مع شوية الماء ونغليوها تغلى ونغسلوها عادى ونطيبو فيها مرة اخرى
او حتى ساشى اتاي

4)اللوبيا باش تبقى خضراء
حتى يغلى الماءبلا ملح نديرو اللوبيا والملح غير شوية
ايضا الفول والجلبانة

إلى عندك شي تريكو مبقاش يصلح هو زوين تتقدر تلبسيه لبوتغاز

موقع هديه لسماع القرأن اثناء التصفح
http\www.tvquran.com

نصائح من اللقاء المفتوح Sigpic62284_1

ها انا جيت في جعبتي 1 النصيحة جديدة طبعا من برنامج لقاء مفتوح
قالك أ لالة بالنسبة للملابس البيضاء يكفي انك ترقديهم في الماء+ عصير الحاض بدون ما تستعملي ما جافيل

نصائح من اللقاء المفتوح 01206475463

نصيحة للبوطة باش ماتوسخش
من بعد ما نغسلوها و نمسحوها نغلفوها ب papier aluminium

النصيحة الاولى
مهمة خصوصا في رمضان نصائح من اللقاء المفتوح 169

الى بغيتي الحمص يرطابلك في ظرف نصف ساعة عملي ماء غليان مع الحمص في طيرموصة القهوة و سدي عليها

النصيحة الثانية لازالة رائحة القلي
ديري ربطة شوية معدنوس في زيت القلي

النصيحة الثالثة
للاحتفاض بنكهة الزيت البلدية ضيفي ليها قطعة سكر

النصيحة الرابعة لي كيخافو من سراق الزيت و من بينهم انا هههههههه

ديري الكافور فالشبيكات ديال ليدراجي و تحطيها فاي مكان في البيت ديالك ....

في امان الله

باش نحيدو الصدأ من الملابس نديرو ليهم الحامض و نخليوهم فالشمس عاد نصبنوهم

الى بغيتو الكيسان يخرجو كيشعلو
رقديهم ليلة كاملة فجافيل و الصابون البلدي و الغذ
مسحيهم بمنديل فيه الحامض

باش تحيدي الخملة من الزربية رشيها بالملح ..ساعة و عاد شطبيها

-الى كان فالحوايج بقع صدى بالحق ماشي قديم تنحكو البقعة بالملحة الغليظة وعصير الحامض ونعرضوها البخار من بعد نديرو ليها صابون ونغسلوها
2- باش نردواللمعان لفراشط ولا المعالق نشدو لتر ديال الماء نديروه فبانيو ونديرو فيه 2 حفنات النخالة ونزيدو عليهم الصابون غبرة شي 2 معالق منو ونرقدوهم فالبانيو ونغسلوهم

3-الا حفا الموس ديال الخلاط الكهرباء وبغينا نمضيوه تنشدو مكعبات الثلج وتنيدروهم فيه وتن
شعلوه

نصائح من عن السيدة السعدية من اسفي
*الرشاشة ديال الحمام منين كتسد و كيتجمع فيها الكالكير ناخدو كاس ديال الخل و نزيدو عليه نصف لتر ماء و نديروهم فوق النار و منين يغلي الخليط مزيان نزولوه من فوق النار و نحطو فيه الرشاشة و نخليوها مدة 5 دقائق كتسرح و تولي تكب الماء بحال الاول

*الطنجرة ايلا تحرقات لينا نديرو فيها الماء و الملح و نغليوهم فوق النار ثم تنظف بسهولة

*منين يقدام الكيس ديال الحمام نستعملوه لحكان الاواني ديال الالمنيوم نفزكوه بالماء و نديرو فيه شوية الخميرة معجونة و الصابون البلدي و ندوزو على الاواني بعدما نفزكوهم شوية كنحكو غير بشوية و كيخرجو المواعن بلا مجهود

*الملابس ديال الصوف اللي مخدومة باليد منين تضياق علينا نحلوها و نلويو الصوفة على يدينا (من المرفق لليد)ثم نفوروها فالكسكاس و نخليوها تنشف ثم نديروها على شكل كبة و نخدموها مرة اخرى كتولي بحالا جديدة

*باش ماتبقاش ريحة الصباغة فالدار بعدما نصبغو ناخدو بانيو او سطل نديرو فيه بصلة مقطعة بقشورها و نحطوه في المكان اللي فيه الريحة كتزول تماما

*الثقوب اللي كيكونو في الحائط نسدوهم بمعجون الاسنان ما كتبقاش تبان نهائيا

نصائح من اللقاء المفتوح 665372cjfw8ibynw

نصائح من اللقاء المفتوح 665372cjfw8ibynw

نصائح من عند السيدة حميدة من تطوان
الجزء الاول
*لتنظيف الٲلبسة ديال الدان (اي لون) ناخدو ممحاة (ڭومة) نحكو بيها البقع حتى تزول ثم ناخدو شيتة خاصة بالثوب ديال المليفة و الدان
( كتباع عند المحلات الخاصة) و ندوزوها عليهم كتزول الخملة كاملة منهم

*باش نحافظو على ليبوط (les bottes) و ببقاو مزيانين و شادين الفورمة ديالهم منين نبغيو نخزنوهم ناخدو قرعة طويلة و نغطيوها بليبة او تقشيرة و نديروها فيهم الراس ديال القرعة يكون التحت و نعمرو الفم ديالهم بالتقاشر القدام او قطع ورق

* لإزالة الطبايع ديال الشمع من الملابس ناخدو موس ماضي مزيان و نزولو البقع ديال الشمع ثم نديرو كاغيط خفيف واحد تحت البقعة و واحد الفوق و نديرو عليهم المصلوح سخون و نحددو

*البيزاڭرات ديال البيبان و الشراجم منين كيتصداو و يوليو يديرو صوت مزعج كناخدو قطعة ثوب و نفزڭوها مزيان بالخل و نمسحوهم باش يزول الصدٲ و الاوساخ ثم ناخدو قطعة ثوب اخرى من الاحسن ديال القطن و نفزڭوها بالزيت الخاص بمكينة الخياطة و نمسحوهم كيبقاو مدة طويلة في حالة جيدة

*للتخلص من التونيا اللي كتكون فالحوايج ديال الصوف نديرو ٲكياس ديال الموسلين على حسب الطبقات اللي عندنا فالماريو و نديرو فيهم قشور الحامض ميبسين و الزعتر و مرد الدوش و الخزامى و نديرو كل خنيشة ديال الاعشاب فطبقة ٲو نعلقوها قرب الجلالب ديال الصوف ٲو المليفة اللي كيكونو معلقين. هاد الطريقة كتطرد التونيا و البرودة و كتعطي رائحة زوينة
*الملابس ديال الصوف خصوصا التريكوات منين كنعرقو فيهم كتولي فيهم رائحة كريهة باش تزول الرائحة كنرقدوهم في الماء مع شوية الخل مدة ساعة ٲو ساعتين ثم نصبنوهم بالصابون الخاص بالصوف كتزول منهم الرائحة تماما و ما كيشبروش رائحة العرق بسهولة منين نلبسوهم

نصائح من اللقاء المفتوح 665372cjfw8ibynw

طرق لتنظيف النحاس الٲصفر كل وحدة تشوف الطريقة اللي تناسبها
الطريقة1
نخلطو شوية الخل مع الملح رطبة و نمسحو بيهم النحاس
الطريقة2
نخلطو شوية ديال التراب رطب مع بصلة محكوكة (الماء و اللب ديالها) حتى نحصل على عجينة لينة و نحكو بيها الاواني ديال النحاس
الطريقة3
نقسمو بصلة على جوج و نغمسوها في الملح رطبة و نحكو بيها النحاس

و طبعا منين نبغيو نحكو النحاس نلبسو القفازات باش ما يكحالوش يدينا

************************************************** *****
*باش يبقاو السكاكين و الملاعق و الفورشيطات ديال الفضة كيلمعو منين نبغيو نخزنوهم نديروهم في كيس ٲسود لعدم تسرب الهواء و الضوء و نديرو معاهم 2 ٲصابع ديال الطباشير (ٲو حسب الكمية اللي عندنا)كيبقاو كيلمعو و الطباشير كيشرب الرطوبة و منين نبغيو نستعملوهم نمسحوهم ٲو نشللوهم

*منين كتذبال الباقة ديال الورد باش نرجعو الحيوية للٲزهار و الورود كناخدو بانيو و نديرو فيه ماء سخون (ماشي دافي و ماشي غليان) و نحطو فيه السيقان ديال الورود يكون الماء طالع على السيقان ب 10 سنتيم و نخليوهم حتى يدفى الماء ثم نعمرو عليه الماء البارد و نقطعو شوية من السيقان ديال الورد من التحت و نخليوهم في الماء حتى يشربو شوية ثم نردوهم للمزهرية و نديرو ليهم الماء عادي هاد الطريقة كتعطيهم الإنتعاش

نصائح من عند نورا

*كفاش نعرفو الحليب واش خاسر ولا مزيان
كناخدو ليبرة ديال الخياطة تكون نظيفة و معقمة وندخلوها فالحليب الى خرجناها فيها قطيرات ديال الحليب ر الحليب مزيان وإلى خرجناها مفيها والو رالحليب خاسر

*بالنسبة للخبز الى بغيناه يجي مورد وزوين كناخدو الشيتة للي كندهنو بيها الحلويات وكندهنو الوجه ديالو باللبن عاد كندخلوه للفران

*الى بغينا نحيدو رائحة الطياب وأي ريحة كاينة فالدار
كناخدو قشور البرتقال مع حبات ديال القرنفل وكنبخرو بيهم الدار

*البيض الى بغيناه يصبر بزاف
كندهنوه بزيت زريعة الكتان او نوضعوه فإناء وندفنوه فالملح

*الى بغينا الورد للي فالمحيبقات تبقى ريحتو زوينة
كناخدو الشنادر مدقوق (كيتباع عند العطار )مقدار معيلقة صغيرة كدار فليترو ديال الما وكنسقيو بيه المحيبقات وحتى الورد للي كيتباع مقطع كنوضعوه فنفس الما كتبقى ريحتو زوينة ومجهدة ونقدرو نضيفو مع الما ديال الشنادر الفاخر مدقوق إلى كنا غادين نسقيو بيه المحابق للي فالدار ديال الورد مثلا باش نزيدو ليهم فالبقاء ديالهم مفتحين

نصائح من اللقاء المفتوح 665372cjfw8ibynw

*باش يبقى النعناع مزيان اطول مدة ممكنة و ما يكحالش منين نقيوه و نصاوبوه نغلفوه مزيان بورق كلاصي (بحال اللي كيكون عند الجزار) ثم نديروه فبلاستيكة و نديروه فالثلاجة و من الاحسن نديرو بلاستيكة خاصة بالنعناع و اخرى للتخليطة

*التخليطة ديال اتاي
السالمية + عطرشة + مرد الدوش + الشيبة + النعناع العبدي + تيميجّا + البٙيْسٙمْ

*ايلا كانت عندنا البقولة كثيرة بعدما نغسلوها و نقطعوها نطيبوها ثم نديروها في بلاستيكات دون اضافة التوابل و نديروها في المجمد و منين نبغيوها نجبدوها و منين تطلق نشحروها مع التوابل

*الميكة ديال الطبلة باش ماتكشفش و يذبال اللون ديالها منين نمسحوها ما نخليوهاش فازكة ديما نعاودو نمسحوها بزيف ناشف

*لتزيين الكيك نديرو اما فيرميسال الشكلاط مع الكوك او نديرو السكر كلاصي او اللوز او كركاع مهرمشين

نصائح من عند عائشة من تارودانت

*باش نزولو الصدا من الموس او الملعقة نقسمو بصلة على جوج و نحكوهم مزيان ثم نكبو عليهم شوية سنيدة و نزيدو نحكو حتى يزول الصدا

*باش يجيونا مكعبات الثلج زوينين و صافيين و يكون الثلج نقي عوض ما نديرو ماء بارد ناخدو ماء غليان و نخليوه يبرد شوية ثم نديروه في قوالب الثلج و نديروهم في المجمد

*باش ما نضيعوش الحامضة ايلا بغينا غير شوية منها نديرو فيها ثقب غليض شوية بالابرة او قطيب ثم نعصرو القطرات اللي بغينا و نسدو الثقب بالورق او بقرنفلة

*التقاشر الرقاق( ليبة)باش ما يتنسلوش دغيا و يصبرو لينا منين يكونو جداد قبل الاستعمال نشدوهم من الفوق و نبداو نعصرو عليهم الحامض و نتنيو و احنا كنعصرو الحامض كل مرة حتى نحسو بيهم تبللو و نخليوهم مدة ساعة ثم نشللوهم و نشروهم
او عوض الحامض يمكن نخلطو الخل مع الماء و نرقدو فيه التقاشر ساعة ثم نشروهم فالظل

نصائح من اللقاء المفتوح 665372cjfw8ibynw

البيتى للوبية تطيب ليك دغيا
نديرو للوبيا تفزاك بليل فصباح نوضعوها فى كوكوت مع لقوام(بصلة محكوكة ملح ابزار سكنجبير زعفران طحميرة تومة ربيع زيت العود )نبلو بالماء نسدو الكوكوت نوضعو فوق النار حتى تصفر لكوكوت نزولو من فوق النار نلويولكوكوت فشى منطة مدة سعتين نحلو كوكوت نلقاو لوبيا طابت نردوها فوق النار ونضيفو مطيشةونخليوها تطبخ حتى تختار مدة نصف ساعة بصحة وراحة
نصيحة هامة
منكترو الماء نصف لتر
سيدات منين يفيقو يطيبو لفطور يردو لوبيا ويلفوها ويقومو باشغال منزلية اخرى حتى دوز 2 ساعة
هاد طريقة تقطسدى فلبوطة

ليعطيك صحة على نصائح ستفدنا منك

ليعطيك صحة على نصائح ستفدنا منك

بصراحة الله يحفظكم

m3lomat jyeda wa mofida allah ijazik kol khyr

» نصائح من اللقاء المفتوح
» اللقاء المفتوح
» عصائر اللقاء المفتوح