طلب من الاخوات

السلام عليكم
تنطلب من كل وحدة عندها شي شكل جديد ديال الحلوة تحطوا لينا وشكرا

سمسمة كتب:: السلام عليكم
تنطلب من كل وحدة عندها شي شكل جديد ديال الحلوة تحطوا لينا وشكرا

بصاح سمسمة محتاجين حلويات دواز أتاي لهلا يخطيك على هاد الطرح

نحاولو نديرو ملف خاص بهاد الحلويات باش تعم لفائدة

وخا مافقة معاك والله المستعان ولاكن قبلوا عليا الاكانو عندي شي حلوات قدام

سمسمة كتب:: وخا مافقة معاك والله المستعان ولاكن قبلوا عليا الاكانو عندي شي حلوات قدام

بالعكس حبيبة حليواتك كلها تحفة وعاد دوك الحليوات القدام روعة تبارك الله عليك

بارك الله فيك

تبارك الله عليكم مجموعين فكرة رائعة

وحتى أنا غدى نشارك معاكوم

1 حليوة اقتصادية و فنة

بلا ما نطول علييكم حتى تجربوها و ردو علي الخبار.نخليكم مع المقادير
رابعة الزبدة اللدة-2 بيضات- 2 فاني-خمارة و نص- 2 كيسان سنيدة-2 كيسان زيت- قشرة ليمونة محكوكة -طحين حسب الخليط.
نخلط المقادير حيث تبقى العجينة مرخوفة نخرجو وريدات صغار بالبوق ثم نديرو ثقبة بالاصبع الصغير في كل وريدة و نعمروها بالكونفتير وندخلوها للفرن.و بصحتكم.

2 معلكة روعة

المقادير ،500غ كاوكاومطحون،250غ سكر،2بيضات،وأصفر بيضة،ملعقة صغيرة كنفتير المشماش أنا انسيت مصورتوش ،خمارة،وسكركلاصي للتفنيد انخلطوالكل وندخلوها ترتاح في الثلاجة حتى تجمع وتقصاح شوية ومن بعد نشكلومنها كويرات نفندوهم في سكر كلاصي ونطيبوهم من 10حتى 15دقيقة وبالصحة والراحة

2 فقاص بالكونفتير

4 بيضات+زلافة متوسطة سكر +نصف زلافة زيت+ملعقة كبيرة زبدة+خميرة الحلوة+الدقيق حسب الخليط
تجمع العجينة نعملها كورناخذ واحد الكورة نسرحها بالمدلك ثم نسرحو عليها المربى ثم الكاوكاو مهرمش نلفو العجين
لنحصل على حرابل مثل طريقة الفقاص العادي ثم نعملها فطاوة تدهن بالبيض وتدخل الفرن نصف طيبة فقط
عند خروجها تقطع على شكل فقاص وتدخل الفرن لتتحمر من الجهتين

3
حلوة التمر

مكونات العجينة
500g زبدة لينة
6 ملاعق ماء الزهر
6 ملاعق سكر خشن
6 ملاعق زيت
4 أكياس من خميرة الحلوى
الطحين حسب الخليط
مكونات الحشوة
تبخر 500g من الثمر طبعا منقية بعد ما نزيلها من المبخرة نضيف إليها ملعقتين كبيرتان قرفة وكاس صغير ماء الزهر,ونعجنها جيدا ونعملها كويرات بحجم البندق
تكملة التحظير
نمد العجينة تقطع دوائر ،نضع وسطها كويرة من حشوة التمر ونشكلها مثل الهلال بعد إخراجها من الفرن وهي ساخنة تفند في السكر الناعم
وبالصحة والهنا

الله يعطيك الصحة وعقبال للحدكات لخرين يقدموا لينا شي حليوات

حليوة اقتصادية و فنة
بالنسبة اختي لهاد الحلوة واش عبار الزيت وسنيدة بكاس العنبة اويكون صغير وشكر والله يعظيك اصحة وتبارك الله عليك

ام سرينة كتب:: حليوة اقتصادية و فنة
بالنسبة اختي لهاد الحلوة واش عبار الزيت وسنيدة بكاس العنبة اويكون صغير وشكر والله يعظيك اصحة وتبارك الله عليك

دائما حبيبتي كأس العنبة ـ راه ولاَّ مشهور غير مسقوش ليه الخبار بائعيه
كون زادو في الثمان هههههه تحياتي

» طلب من كل الاخوات
» طلب من الاخوات