ركن خاص بوصفات ميد راديو

سواد الابطين

قرنفل مدقوق نخلطوه مع الخل العادي و يدهن في الليل و الصباح يتغسل

التجاعيد

بياض بيضة نطربوها حتى تولي فحال الثلج نزيدوا عليها 3 معاق زيت اللوز و يتوضع على الوجه و العنق و تحت العينين و جناب الفم
مع تدليك خفيف و يغسل بماء دافئ

الشيب

أوراق التوت طريين نعملوا معاه الماء غليان و نبقاوا نشقوا بيهم الشعر يوميا

الصلع

الثومة بصلة حمرة 2 معالق حليب سائل زنجلان ندقوهم في المهراز و ناخذوا الماء ديالهم ندهنوا بيه 3 مرات في الأسبوع

تبييض الأسنان
2 معالق سنيدة شوية الملح 2 معالق دقيق قمح بخالته شوية الحامض نخلطوا الكل و نبداوا نمسحوا بشوية من الخليط الأسنان بواسطة قطن

وصفة لحساسية الصدر

النافع البلدي مدقوق يتخلط بالعسل الحر
يؤخد معلقة على الريق و معلقة قبل النوم

وصفة لتخسيس الكرش
وهي زرعت الكتان محمرة ومطحونة ........كتاخدي 2 معالق صغار على الريق الصباح قبل الفطور....من بعدها بي ساعة ونصف عاد تفطري لما توصل الساعة 11 صباحا تشربي لتر ونصف ماء دافي ......ضروري ........وفي المساء في الساعة 5 تشربي عاود لتر ونصف من الماء الدافئ .....ضروري
وهاد الشيء تداوميه كل يوم ولكن النتيجة تبان من الاسبوع الاول

وصفة لتبيض المناطق الحساسة

كاس ماء ورد 2 م ك سكر كلاص 5 م ك طالك الاطفال 3 م ك زيت الزيتون نخلطو كلشي وندفيوه على النار تم ندلكو بيه المناطق لي بغينا ونخليوه 3 ساعات خاصنا نداوموها يوميا

وصفة لتبييض اليدين والرجلين
1 م عصير حامض 3 م جليسرين 1 م ماء البطاطا 10 قطرات زيت بدرة المشماش ندهنو بيه اليدين والرجلين كل ليلة وفالصبح نغسلو

وصفة لتطويل الرموش
حلبة محمرة مطحونة وعلف التمر محمر مطحون زيت الخرواع نخليوه يرقد 40 يوم عاد نستعملوه

وصفة للكزيمة
كاس الشيح ولتر ماء كاس حلبة كاس قشرة البصلة حمراء الملحة الحية نديروهم فبانيو ونديرو بيه حمام للرجلين من بعد نشفوهم و ناخدو الشيح والحناء الحلبة الشبة ماء البصلة وماء الجزر نخلطوهم على شكل عجينة وندهنو بيها الرجلين

وصفة للدوالي او لي فاغيس
نديرو حمام للرجلين فبانيو ب2 كيسان خرطال كاس حلبة مطحونة والماء لمدة نصف ساعة من بعد نديرو ماسك للرجلين بماء سلق الخرشف البلدي والطين
الاخضر وزيت الزيتون تم نمسحوه ببونجا بلا ماء وندهنوهم مع مساج خفيف بزيت الورد مع شرب كل ليلة عصير العنب يعني العنب مطحون بالقشرة والعضم

لتساقط الشعر
كاس جنجلان محمر و مطحن+كاس زريعة الكتان محمر ومطحون+كاس زيت العود
نجمع جميع المقادير في قنينة و مرة مرة ندهن بالزيت و ملي نبغو نمشيو لحمام نشق راسنة بالتخة لتحتاني اي جنجلان و زريعة الكتان
لازالة تشققات القدم
2معالق الطالك كاس زيت العود شمعة صغيرة ديال 10ريال
ناخد زيت العود نعملوه في كسرونة نزيدو عليه الشمعة ونعملوه فوق البوطة حتى تدوب الشمعة نزيدو الطالك ونحركو حتى يتجانس ونزولوه نعملوه في شي قريعة ونستعملوه يوميا صاحبة الوصفة كتقول انه زوين بزاف

تبييض الوجه

ملعقة كبيرة من دقيق القمح
حليب دافئ
يوضع على الوجه و العنق 15 دقيقة
يغسل بماء المعدنوس

سواد الابطين
قرنفل مدقوق نخلطوه مع الخل العادي و يدهن في الليل و الصباح يتغسل

وصفة للهالات السوداء
وراق النعناع نقطعوهم ونديروهم على العين من 5 الى 10 دقائق تم نغسلو بماء دافي ونديرو لهم مساج بزيت اللوز

نزيف اللتة
كاس ورد الرمان مع 2 كيسان ماء سخون لما يطلق نديرو بيه بان بوش كلما غسلنا الاسنان بالشيتة

وصفة للجسم
كاس صغير عصير حامض نص كاس ماء ورد نص كاس جلسرين نص كاس عسل حر نص كاس حليب الرايب ندهنو بهاد الخليط الجسم قبل الحمام ونستعملوها مرة فالاسبوع

دواء للبهك
الصابون البلدي والطين الخام يعني الطين باقي خضر مطيبش
علاج اوجاع الركبة
ليمون مر اللي اسميتوا الرنج نقطعه دوائر و نضعه في كاسرونة مع قليل فقط من الماء و نتركه على النار حتى يبدا يغلي و يتعسل غير شوية
تم نضعه على الركبة وهو دافئ ونغطيه بالفوطة حتى يبردوا و نكرر العملية 3 المرات تم نحيدوا و تغطاي ونعسي هههههههه
و الغد تكرر و بعد غد حتى تحسي بالراحة

الوصفة ديال التبييض
تلت صابونة محكوكة ديال الحجرة
بكية غاسول ابيض
قرعة ماء الورد
200 غرام سكر كلاصي
ملعقة خميرة ديال الحلوى
نخلط الكل بالطراب و نضع الخليط في قرعة معقمة تم نتركها 20 دقيقة ترتاح و من بعد ندخلها للتلاجة
قاليك هدا القناع كيبيض الوجة و كينضفوا جيدا
ماسك الوجه
لي قالت حورية فيه كاس المعدنوس يغلى مع الماء من بعد نطحنوه وناخدو منو قياس معلقة صغيرة نخلطوها مع معلقة صغيرة عسل ومعلقة صغيرة زيت الزيتون وروز مطحون حسب الخليط هاد الماسك كيغدي البشرة وكينقيها

لزيادة الوزن
كاوكاو خضر مطحون ناخدو منو معلقة كبيرة مع كاس حليب

كاوكاو لوز كركاع حبوب الصوجا الشريحة نطحنوهم ونخلطوهم مع شكلاط الدهن وناكلوه يوميا
بومزوي

الشريحة مفورة نمعكوها مع النافع البلدي مطحون ونديرو منها كويرات ناخدو منها كرة او 2 كل ليلة

قناع صفاء البشرة

شوية غسول بيض مدوب فشوية الماء / معلقة ما ورد / 3 قطرات الحامض / شوية عكر فاسي

نخلط الكل نديروه في وجهنا
مسمار الكيف
تاغينا اوراق السدر / ام الناس
نطحنوهم نخلطوهم مع شوية الما نضعوه على رجلينا نعاودو ه 3 ايام

مسمارالكيف

قشور مطيشة نحكوهم على الرجل نلفها بلاستيكا
نلبس تقشيرة 3 او 4 ايام راه يطلع بوحدويعني نعاودها كل يوم 3او4 ايام

الى بغينا نحتافضو بالقوق لمدة طويل

نقيوه مزيان نوضعوه في الما فيه الحامض حين نكملو تنقية ديالو نصلقو في الما معلقة فورص والحامض معصر ثم نصفيه نوضعو في كونجلاتور

خرشوف الى بغينا نحتافضو به لمدة طويلة

نقيوه نصلقوه مع الحامض والملح والماء يكون بزايد _منين يتصلق ناخدو قراعي زاج معقمين ثم نوضعو الخرشف في لقراعي مع الما ديالو نغلقو لقراعي نوضعوهم في لكوكوط مع لما باش يتعقمو نحيدوه من لكوكوط حين ببرد نوضعوه في بلاكار راه ما كاي خسرش

تخفيض الكوليسترول

5 دراهم نافع بستاني / دراهم زريعة الكتان/ 5 د حلبة/ 5 د حب رشاد / راس معلقة سكنجبير
نطحنو الكل نغربلوه ناخد معلقة الصباح بعد الفطور مع كاس ماء

حسوة الكوليسترول
4 لفت بلدي / ربطة كرافص/ زريعةالكتان /
نص معلقة زعتر/ ملح / م زيت الدرة نطبخو الكل نشربها يوميا

شومينيو الاضافر

كبريت
نيترون
القطران
يتدق الكبريت ونيترون ونزيدو عليه القطران وندهنو بيه الاضافر في الليل
وصفة للشعر الجاف

كاس زيت لعود مغلي مزيان نضيف ليه مخ بكري ثم نوضعو في قرعة نبقى ندهن يوميا ما فيهش الريحة

وصف لتقوية الشعر

فلفلة خضرا كارمة في الشمس نطحنها فلفلة حلوة ماشي حارة نضيف زيت لعود ثم زيت الجرجير كاي تباع عند لعطار يكون عاقد ماشي جاري نخلط الكل نديرو في قرعة لمد ة 10 ايام عادنستعملو ناخد التخ نديروه لشعرنا نمشيو لحمام حين نجي ندهن بالزيت

تبييض البشرة

2 م ك خميرة بلدية 2 قطرات حامض 1 م زيت الزيتون 2 م دانون مسوس نديروه ماسك على الوجه ربع ساعة تم نغسلو بصابون الحجرة نديرو الوصفة 2 مرات فالاسبوع

وصفات الشيب من ميد راديو

نرقدو اوراق الكركاع في لتر الماء ساخن ونتركه يترقد جيدا ويصفى ونشقق به الشعر يوميا قبل النوم.

اوراق التوت يابسة ومطحونة نخلطها مع الماء حتى نحصلو على عجينة ونضعها على الشعر وتستعمل مرة في الاسبوع.

قشور الدنجان يابسة ومطحونة مخلطة مع الماء ..

نفس الطريقة ديال اوراق الكركاع

حفنة البابونج تغلى مع الماء ويضاف اليها خرقوم بلدي ويوضع على الشعر ويستعمل مرة في الاسبوع.

قشور البطاطا تغلى في الماء وتصفى ونشلل بها الشعر بعد غسله بالشمبوان.

كاس بذور الريحان مرقدة في كاس زيت زيتون ويترك لمدة 40 يوما ويدهن به الشعر يوميا

حفنة السالمية بكية اتاي يغلى الشاي مع السالمية المطحونة ويصفى ويدهن به مكان الشيب.
لازالة الحناش لي في البطن

اشيح مغلي مع لماء على الريق شرب كاس ولكن بشرط الى كان يتبخ ما تشميهش باش ماي هربوش لحنيشات

تبيض المناطق الحساسة

معلقة ملح و م سكر نخلطهم نوضعهم فيكسرونة حتى يدوبو نطفي على لبوطة

كاس ما ورد _3م زيت لعود_نص كاس بولبو نخلط الكل نوضعهم على سكر ولملح ثم نرجعهم مرة اخرى لبوط حتى يولي كريم ثم ندهن المناطق الحساسة لمدة نصف ساعة

قناع بشرة الجافة

ماء معدني_م خرطال_نوضعهم على الوجه بشكل متساوي حين نغسلو وجهنا نوضعو حليب

لمنع تساقط الشعر

رابعة خزامة زرقاء_نص رابعة ثومة حمرا_كاس زيت لعود_ كاس زيت عادية نخلط الكل نديرو يتبخ في كسرونة نزولو ناخد مكينة مطيشة نطحن الكل نوضع في قرعة ندهن به الشعر

تساقط الشعرالجاف

2 م زيت القرطم 3 م زيت التوم 2 م زيت الخرواع 2 م زيت زريعة الكرعة 4 م زيت جوجوبا نخلطوهم ونديروهم فقرعة ونشقو بيهم الشعر كل 4 سوايع 4 مرات لي مابغاش يدير زيت التوم يدير بلاصتها زيت الصوجا

لتساقط الشعر الجاف

معلقة زيت الثومة_م زجوز الهند_م ز اللوز_م زالخروع_ م زالخص

نديرو الكل في حمام مريم يدفا ثم ندهنو شعرنا لمدة 6 اسابيع تظهر النتيجة
وصفة ضد تساقط الشعر و لاطالته من عند خالتي حورية

بصلة حمراء محكوكة+ 1م قرفة بلدية مدقوقة+ 1/2 م ملح يشقق الشعر و يشد بفوطة ساخنة(طريقة معروفة) بعد الغسل يدهن بزيت الجرجير من الآحسن نشريها من الصيدلية

تساقط الشعر
2 م جدور القصب مطحونين 2 م لزار مطحونين ماء دافي نخلطو كلشي و نديروه على الشعر ليلة كاملة وفالصباح نطحنو الضرك مع 4 م زيت الهندية ونديروه على الشعر 2 سوايع تم نغسلوه عادي
لازالة القشرة من الشعر

كاس ماء

كاس خل تفاح

حفنة النعناع

نطيبو كلشي ونصفيوه وماللي نبغيو نمشيو الحمام ندهنو الشعر ساعة قبل عاد يتغسل

ليطاش ديال الحريق

2 م عصير بطاطا 2 م عصير جزر 1 م غليسرين زيت الجرجير او الجرجير طري ناخدو العصارة ديالو

لازالة طراس ديال الجرح

م زريعة الكتان + م عصير حامض + م عصير خيزو + م ديال البابونج

اضطرابات الحيض

قطرة زيت فليو_معلقة كبيرة زيت الدرة ندهن به تحت الحوض

لازالة الكرش

عواد قرفة مهرمشين

حب رشاد مطحون

شوية سانوج

نكب عليهم ما طايب ناخد 3 مرات في اليوم قبل الاكل

لازالة الكرش

عواد قرفة_نافع_زعتر_نكب عليه ما طايب_نشرب 3 المرات في اليوم قبل الاكل

لازالة القروعية

100 غ خردل_10غ زيت الخروع_10غ منقوع الحناء
نخلطو الكل ندهنو شعرنا يوميا لمدة اسبوع

المقلوبة
دجاجة ديال 2كيلو او كيلو اللحم نص كيلو بطاط,نص كيلو دنجال,نص كيلو شفلور,2بصلات متةسطين,3ضروس ثوم,م ك سكنجبير,م ك ابزار,م ص كمون,شوية زعفران شعرة,ملح,ورقة سيدا موسى,م سمن كاس زيت كيلو الروز كلاصي ربعة اللوز نغسلوا الدجاجة و نقكعوها اطراف ناخدوا سكنجير ابزار زعفران كمون توم ملح نخلطوهم ي نص كاس الماء ندهنوا بيه الدجاجة نشلظوا البصلة +كاس
زيت+ورقة مويى و نشحروا +الماء و نخليوه دجاجة تطيب كناخدوا نقطعوا البطاطا
و نقليوه و الدنجال طول و تنطويه كناخدوه شفلوه و نقليوه وناخد الروز نضعه ي الماء نص ساعة تمنصفية و نبوه ياقطر تاخدوا لوز يتصلق و بتنقى و يتقلى ناخدوا
طنجرة غارقة نضع بطاطا دنجالة و بينتهم نضع شفلور بحيت يكون تشناف التحت
+الدجاج+الروز و ناخدواالمرق +1ل ماء تم نضع على عافية مهيلة و نقلب بسي
م عود تم نقلبوها في طبسل و نزينوا الجناب باللوز

فقاص
قرعة ماء الزهر,10بيضات,طحين حسب الخليط,زلافة سنيدة,زلافة مخلطة بين الزيت و الزبدة,3خمارات,فاني نص ربعة اللوز مقسوم على2,م نافع,محبة حلاوة,
نخلطوا الكل و نديروا حربيات و نجهنوا بصفر بيضة و قهوة و ندخله الفرن تصطيبة لما يخرج و نخليوه ليلة كاملة في زيف حتى الغد و نقطعوه و ندخله الفرن

برواني بالكركاع
150جرام شكلاط,110جرام الزبدة,130جرام سيدة,نص خمارة,120جرام كركاع
مهرمش,ملح,80جرام طحين,3بيضات,20جرام نشا نخلطو الكل و نديرواالشكلاط
في حمام مريم+زبدة مدوبة و نديروه في قالب و الى الفرن

مسمن الفران بياغورت
كيلو طحين كاس ياغورت فاني 4م سيدة 3م ك زيت خمارة شوية خميرةالخبز ملح,فاني ماء دافء نعجنوا مسمن عتدي و نورقوا بالزبدة و نديروا واحدة وسط وحدة وندخله الفرن

وصفة فعالة لصدر عامر بالبرد
ربعة شانوج,ربعة صغيرة زريعة البصلة,ربعة ص النافع البستني 4حبات باديان عسل ااحر نطحنوا الكل و نخلطوه مع عسل و نديلاوهم على شكل زيتون صغير
ناخد مع الفجر و نبقاوه نمسوها و نفطروا حتى 9

داء السكري
100جرام قزبر يابس,100جرام الحلبة,100جرام الترمس نطحنوا الكل و ناخدوا معلقة صغيرة 3 مرات في البوم و تحاول تاخدمع الغدا بصلة حمراء محكوكة و راس
م شانوج م حلبة مطحونين

الاعصاب
معلقة الخزامة,م العسل ونفيضوهم في كاس الحليب و كل ليلة تصفي و تشرب
3فصوص الثوم مصلوقين في الماء +صفر بيضة بلدية+م زيت العود ملح و كمون
و تفطر بيهمكلصباح لتهدئةالاعصاب

رائحة الفم
مقدار الي خدينا ديال الثوم نفسوا مقدار القرنفل و نعجنوا بالعسل و قبل ما نعسوا ناخدوا كويرة و نعسوا هدهادا كانت رائحة مناداخل
وصفة ترطيب الشعر
صفر بيضةبلدية+زيت العود,كاس الدرك,3م زيت الخس,م زبدة بلدية مافيهلش اللح نخلطوا الكل كقناع مدة2سعتين و التشللة الاخيرة حفنة الخرطال في
3كيسان الماء

قناع البقع الداكنة م كرم فريش, م ص حليب غبرة,3نقطات زيت الحامض.و نديروه في التلاجة يقصح شوية تم ندروه على الوجه 10دقائق تم نغسلوا بالماء

ثشقق الشفاه
ندوبوا في حمام مريم الشهد دبال العسل مع م زيت العود 2 ملي يدبوا نحيدوه من العافية +2م ماء معدني و نديروه فيشي قرعة معقمة و نبقاو نديروا كلمرة
بريوات بالبطاطا و الطون و الفرماج
نشدوا بطاطانصلقوها و نديروا معها حامضة صغيرة مصيرة +يصلةصفيرة مشلظة
ملح +طون و نخلطوا الكل و ناخدوا ورقة نضع طرف فرماج اما مربع او مثلت و نضع كويرة الخليط تم طريف فرماج تم نشكلوا بريوات

وصفة لبناء الجسم بالنسبة للرجال
الي تديرو رياضة كانت قالتها خالتي كنزة قرعة كونفتير حسب الرغبة 2دراهم حلبة ضروري غير 2يومين مع الدراري تدوشوا كل نهار 2دراهم صوجا نحمروها و نطحنوها و الحلبة كدللك و نخلطوا الكل و يبقى ياخد معلقة قبل كل وجبة و يتبع 3قراعي الي غادي يعطي المفعول

وصفة ترطيب الشعر
الدرك الصغير نحكوها مزيان او نطحنوها في مولينكس +2معالق حب الرشاد مطحون و ندريوها على لشعر بحال الحنة و نديروا واحد بلاستيكة و فوطة سخونة و نخلبوها شي ثلت ساعة او ربع ساعة عاد نمشيوا الحمام نتبعوا 2مرات حتى 3

وصفة التونية
معلقة حلبة مطحونة,معلقة التمر المعجنونخلطوهم مزيان ونبداو نديروا ملي يلاه
تبداو دورات و نطليوه و نديروا ميكة نقية و نخليوه واحد نص ساعة تم نحيدوها و نخليوها نهار كامل تم نكرر العملية بلا ما نغلسلوا الشعر تبدا ينبت
ازالة النقط السوداء
معلقة فليوا مطحونة كبيرة مع فرماجة مربعة وندريوها 15قيقة و نغسلةا بالماء البارد

وصفة قوية الشعر و تطويله
شوي ازعتر شوية فليو شوية الخزامة درهم او 3دراهم من كل حاجة الريحان ,السنبل,الحرمل,حبة راس,حب الرشاد,الشانوج,الحديدة الحمراء نقيوهم
و نطحنوهم و تاخدوا نص لتر الزيت المائدة و نديروه في حمام مريم و نخليوه يبرد
شوية و نكبوا فيه العناصر الاخرى و نضعهم في شي اناء و ملي نبغيوا نمشيوا الحمام نخلطوه و نشقوا بيه الشعر ديالنا

لكرص اللى قدمت اليوم حاجة زهرة من مراكش مقادير =100 غ اللوزمصلوق ومقلي ومهرمش +100غ زبيب مغسول ومقطع صغير+100 تمر مقطع قطع صغار+ 250 غ زبدة نقصو منها 50غ نخلوها معجنة+ملح+ كيس فاني +4بيضات 250غ سنيدة طريقة دقيق حسب الخليط+1خميرة حمرة +2معالق كبار نتاع لخميرة معجونة،طريقة =كنخلطو جميع عناصر ونخلو العجين رطبة ونخلوها تخمر ومن بعد نعملوها على شكل بولات صغار ونستفهم في لاطة لتزين = ساشي قهوة سريعة دوبان مع بيضة كاملة ونخلطهم مزيان وندهنو بيهم لكرص وندخلهم للفرن يطبو نص طيبة ونخرجهم وندهنهم ب50غ زبدة اللى حتفضنا بيها هدا العملية كتخلى لكرص هشاش لمدة 10 ايام

تبييض الوجه

يجب تنظيف الوجه والرقبة جيدا بالماء الفاتر وماء الورد وتجفيفه جيدا قبل القيام بعمل القناع.
أولا) قناع دقيق اللوز الناعم
المكونات: ثلاث ملاعق كبيرة من دقيق اللوز الناعم.
• خمس ملاعق كبيرة من لبن دافئ.
التحضيرتخلط المكونات إلى أن تتكون عجينة قابلة للفرد، ويتم فردها على الوجه والرقبة لمدة 15 دقيقة ثم تزال بالماء الفاتر.

ثانيا ) قناع زهر البيلسان
المكونات: ثلاث ملاعق كبيرة من منقوع زهر البيلسان (يمكن الحصول على المنقوع باستخدام قبضة من الزهور مع ربع لترماء مغلي)
• يصفى المنقوع ويؤخذ منه ثلاث ملاعق كبيرة تضاف إلى ثلاث ملاعق كبيرة من دقيق اللوز إلى أن تتكون عجينة قابلة للفرد.. يتم فردها على بشرة الوجه.
ويمكن إزالة هذا القناع باستخدام مغلي زهور البيلسان الدافئة ثم غسل الوجه بالماء الفاتر وتجفيفة.

ثالثا ) قناع الزبادي والخيار
المكونات • ملعقتين كبيرتين من الزبادي.
• ثمرة خيار متوسطة الحجم.
التحضير• يقشرالخيار، ويهرس جيدا، ويخلط باللبن الزبادي. ويستخدم في دهان بشرة الوجه، ثم يشطف الوجه بعد عشرين دقيقة بالماء الدافئ ثم الماء البارد.

**********

لتبييض اليدين ونعومتهم:

غسول الفواكه

المكونات :
• ثماني ملاعق كبيرة ماء ورد.
• ثلاث ملاعق كبيرةجليسرين.
• ثلاث ملاعق كبيرة كحول نقي.
• ملعقة كبيرة عصير ليمون طازج.
• ملعقة كبيرة عصير برتقال.
• ملعقة كبيرة خل التفاح.

التحضير
• تخلط المكونات جيدا ثم تعبأ في زجاجة مع الرج عدة مرات.

• إن غسل اليدين بالماءوالصابون يعمل على زوال المادة الحامضية الطبيعية التي تحمي الجلد.. وباستعمال هذاالمستحضر فإنه يعمل على الحفاظ على هذا الحامض الطبيعي. وهو يستخدم يوميا بعد غسل اليدين.. وله أثر طيب في تبييض بشرة اليدين ونعومتها.

منقووووووووووووووووووول
ركن خاص بوصفات ميد راديو - صفحة 3 Icon_flower

tbark allah 3likom ossafi

كل الوصفات رائعة اشكركم اخواتي

تبارك لله عليكم و شكرا

[b]تبارك الله عليك

orido wasafat alkhasa bi chahr4 min fadlikom

aslamo 3alaykom chokrar 3ala almajhodat kantlab minkom wasfa khasa bilitrasse kadima jida fi dahr wa kadalika tasmine alfakhidayne wlawrak wa chokran

تبارك الله عليكم هاكا يكونو الحادكات

» ركن خاص بوصفات med radio الوصفات المطبخية
» علاج النمش و الكلف بوصفات طبيعية و سهلة و متوفرة
» طلب عاجل من مدمنة على ميد راديو