خل التفاح و السانوج علاج لحبوب الجسم

السلام عليكم

بزاف ديال البنات كيعانيو من الحبوب اما فالدراع او المؤخرة او الظهر او ...او....

هدي واحد الوصفة كتحيد هد الحبوب

ناخدو الشانوج وندقوه ونغربلوه ونخلطوه مع الخل ديال التفاح ومن بعد يومين نصفيو الخل وناخدو غير الشانوج ونحطوه حتى ينشف مزيان ونحتفظو به فشي طاسة

منين ندخلو ندوشو نشدو شوية من الشانوج ونديروه فوق الكيس ديال الحمام ونحطوه فوق البلاصة الي فيها الحبوب ونبقاو نحكو غير بشوية ونبقاو نديرو هد الوصفة كل مرة حتى يتحيد الحبوب

طريقة تحضير خل التفاح :
ناخدو التفاح هداك الي كا يكون مضروب شوية ورخيص هههه ونغسلوه ونمسحوه ونقطعوه طراف بالقشرة ونديروه فشي طاسة ديال الميكة ديال الميكة ما شي المعدن ونغطيوه بشي توب كا يدوز الهواء ونحطوه فشي بلاطة بحال تحت الناموسية او تحت الماريو او بلاكار الكوزينة ولكن بلا ما نسدوه باش يدخل الريح ونخليوه شي سيمانة حتى يبدا يحمار بحال الى بغى يخماج ومن بعد نطحنوه فالطحانة ديال الخضرة ومن بعد نديروه فشي زيف رقيق او ليبا موس ونعصروه ونحتفضو بداك العصير الي هو خل التفاح وراه عندو فوائد كتيرة

» زبد البحر علاج للخطوط البيضاء في الجسم و تشققات البطن
» خل التفاح...
» كيكة التفاح