اللي شعرها حرش بحال الجيكس تدخل

عندي ليكم 2 ديال الوصفات ساهلين ماهلين

عفاكم لي دخلات تفرحني بشي رد ؤ شي

دعيوة

يالله نبداو بسم الله


**1لي بغا تهنا من لحروشية
**2 لي بغا شعرها يولي قوي ؤ تولي عندها الخلفة

1**
الا بغيتي تهناي من الحروشية ديال الجيكس اللي في شعرك و يطوال قولي لشي جزار حداكم يخلي ليك لعظم ديال "البكري و لا الغنمي" و دخليه الفران حتى تحسي بالمخ داب,,,,خويه فشي طاسة وزيدي عليه صفار بيضة بلدية,و لبقيهم لشعرك واحد نصف ساعة صافي ؤ غسلي شعرك واراك للتحيار,,,

النتيجة؟؟؟من اول مرة بالنسبة للنعومة واللمعان ديريها مرة حتى لجوج فالسيمانة

اما بالنسبة للطول ديري الوصفة 2

2**

مجربة؟؟؟

غدي تاخدي درهم درهم من لحاجة ليغدي نقوليك
حبة سوداء
+حرمل
+سدر
+ريحان
+زريعة لفصة
+لخزامة
+شوك لقنفود
+جنجلان
+لعلفة ديال تمر تكون محروقة ؤ كوني حادكة ؤحرقيها راسك.
هاد شي كيتباعو عند العطار مطحونين الا شوك القنفود والجنجلان حمريهم و دقيهم لراسك وديريهم فزيت ليكيجي مع شعرك سواء زيت العود أو زيت اللوز أو زيت خرواع......... ديريهم فكسرونة على نار مهيلة عنداك عنداك عنداك يتحرقو غير حتى يسخنو شوي أو لا ديري مقلة البطبوط تحت الكسرونة ؤ من يبرد ديريه في شي قرعة زاج "من غد تخلطيه ؤ ديريه في شي قرعة عندك
الزيت غد يطلع الفوق ؤ تخث غد يهود تحت" ؤ بداي تشقي بيه راسك يوميا غد تاخدي غير زيت بوحدو ؤ تخت لي باقي خودي شوية منو ؤ مني تكوني غادة الحمام ديريه مع شي راس ديال الثومة محكوك .ؤ تقكريني ؤ غدي تشوفي لخلفة كتطلع أما لكثافة من عاود ليكم كتديرها ماما ؤ اختي

ؤ نزيدكم من كيتقض ليها الزيت ؤ كيبق تخث كدفي شوية الزيت ؤ كتزيدو عليهم


ايوا يالله شي دعيوات بتحقيق مانويت في خاطري.




متنساونيش من شي دعيوات راني محتاجة ليهم بزاااااااااااااف

مشكورة يا مخلصة الاسلام على هده الوصفات وخا انا شعري ما حرش قريت هم للاستفادة و الله يعطيك ما تمنيتي في خاطرك يا رب

و انت ايضا الله يسهل عليك

شكرا اختي مخلصة الاسلام الله يعطيك ما تمنيتي انا معجبة بك كثيرا

شكرا اختي

bessahe nite had wassefa raha meziwena

ALAH YA3TIK SA7A 3AJEBOUNI L WASAFAT O 7TA LHEDERA DYALK MAGHERIBIYA 7ORA...BIZOUX