سر من اسراري

السلام عليكم و رحمة الله تعالى و بركاته.
الاغلبية كيخليو اللوز حتى لاخير
لحظة عاد كيحمروه باش ما يرطاب.
عندي ليكم سر خطيييييييير /متخلعوش هههههه
تبعو معيا مزيان
كنخدو اللوز كنصلقوه غير شوية
او كنغسلوه مزيان عاد كنقشروه
باش ما يتغير لونو او نشفوه مزيان مزيان.
المهم كنخدو الزيت باردة نوضعوها فمقلاة
غارقة قياس لي يغطي لينا اللوز
السر هوكنوضع اللوز مباشرة فزيت باردة
عاد كنشعل النار خاصها تكون مهيلة
او نخليه يتحمر على خاطرو
او اجي تشوفي التكرملة كيدايرة
او لونو مذهب او ريحتو عاطيا.
ملحوظة
زيت لي قلينا فيها كتبقى منسمة
مكتغيرش انا كنستعملها فطياب.
///////////////////////////////////////
لي ذاق عندنا اللوز كيسولني
شي سر فهاد اللوز.
جربوها على حسابي
انا طامعة فشي دعيوات تقوي ايماني.
والسلام عليكم و رحمة الله تعالى و بركاته.

أختي سامحي لي الى غسلنا اللوزبالماء بارد مايبغي يتقشر لينا وشكرا

غادي اتكشر غي جربي او شوفي