وصفات ومعلومات من خبيرة التجميل ايمان التازي على ميد راديو متجدد

معلومات من مدام ايمان التازي عن البشرة الجافة في برنامج لالامولاتي على ميد راديو

البشرة ببساطة كتصير جافة منين كينقص منها الماء وبالتالي تتصير سريعة التهيج وليونتها تنقص

الى شاهدنا الجلد فالميكروسكوب غادي نلاحظو شريط رقيق مكون من خليط الدهون والما وهاد المواد الدهنية المصدر ديالها هو

le sébum اللي فايت تكلمنا عليه فحلقات سابقة من برنامج اللقاء المفتوح خاصة فالاسبوع الخاص بحب الشباب ادنا هاد ال

sébum كيجي من الغدد الدهنية هي المسؤولة على افرازو واللي كينة فطبقة الجلد اللي هي le derme

هاد الشريط الدور ديالو حماية الجلد ومنين كيوقع مشكل معين الجلد كينشف لانو الما الموجود فيه كيتبخر بطريقة سريعة جدا وهنا

كيجي دور les crèmes hydratantes او les lotions hydratantes اللي كيعاونو الجلد يحتافظ باكثر كمية من الما الموجود فيه

اود تصحيح الخطأ الكريمات المرطبة دورها يقتصر فقط باحتباس اكبر كمية من الما فالجلد وماشي كتجيب الما للجلد حاولو جيدا استيعاب هاد المعلومة

تاني نقطة اود الاشارة لها واللي هي اسباب الجفاف ديال البشرة

-اولا الى لاحظتو انو فالبرد كينشف الجلد بشكل كبير وخاصة البرد ديال هاد السنة كان جد قارس وبالتالي غالبية البشرات نشفو حتى

الدهنية منهم علاش لانو منين كتكون انخفاظ كبير فدرجة الحرارة ورطوبة فالجو كيتم امتصاص الرطوبة اللي كتصدر على الجلد وهنا النتيجة كتكون الجلد يجف

-كذلك المناطق اللي جوها جد حار وجاف مثل المناطق الصحراوية خاصة الصحراء الشرقية فهي عامل مسبب لجفاف البشرة

واود ان اضيف واحذر انو التعرض للشمس مدة طويلة كيسب جفاف كبير للبشرة وماشي غي جفاف الجلد السطحي ولكن للاسف les uvA et uvB كتضر الجلد بشكل كبير وكتسرع الشيخوخة ديالو

-الحمام الساخن جدا ممنوع على اصحاب البشرة الجافة لانو كيدوب لنانسبة من الدهون اللي موجودة على سطح الجلد والبشرة الجافة اصلا محتاجة لهاد الدهون

-الصابون مساحيق التجميل بكترة الما اللي فيه كلور متلا فالمسابح الكحول الخ الخ اسباب كثيرة مساهمة فجفاف البشرة لهدا لابد لنا الحذر فالتعامل مع هدا النوع من البشرات

-فقدان الماء نتيجة مرض معين اللي من اعراضه الاسهال الحاد او استهلاك غير كافي للماء

وكاضافة نود نضيفها انو كلنا معرضين لان تصير بشرتنا فاي لحظة جافة حتى ان كانت دهنبة وكدلك عامل السن والهرمونات خاصة عند السيدة بعد الاربعين البشرة كتصير جافة

ادن البشرة الجافة كيفاش كنعرفوها

البشرة الجافة كيكون مسامها ضيقة مسدودة وكيبان فيها بحال شكل الخطوط بحكم تقارب وضيق المسام كدلك ممكن تحس بالحكة واالحمرار اضافة لانو اصحاب البشرة الجافة اكتر الناس تعرض للتجاعيد المبكرة

----------------------------------------
الان سوف نتكلم عن كيفية الحفاظ على البشرة الجافة

1/نشربو الماء بكمية كافية فالعادة كيتنصح بشرب تمانية اكواب ماء ومشروبات ولكن ماتشغلوش راسكم بحساب عدد الاكواب فقط شربو

الما فكل وقت وفاي وقت لانو فوائد الماء عديدة جدا دخلوه فالشربات والعصائر الخ الخ واحبوا الماء لان بشرتكم تحتاج اليه

2/التقليل من المشروبات الغازية واللي فيها الكافيين لانو الكافيين كيعمل على ادرار البول بشكل كبير والبول هو ماء والبشرة الجافة محتاجة للماء

3/فالبرد نلبسو des gants وفالشمس نستعملو واقي شمسي وفاعمال البيت واشغالو نستعملو مساحيق تنظيف جيدة ونحاولو نلبسو des gants واحنا كنغسلو الاواني حفاظا على اليدين من تأثير هته المساحيق

4/طبقوا الكريم المرطبة بسخاء على الجلد والاهم طريقة تطبيقها

فقط للاشارة الكريم تعمل على جلد فيه القليل من الماء لانو كيف سبق وقلت دورها الاحتفاظ بالما داخل الجلد وبالتالي هاد الما احنا اللي كنعطوه لها

5/الحمام مايكونش ساخن بل دافئ وفاخر الحمام دهنو الجلد بالزيت اي زيت مغدية
ونصيحتي لكم تذكروا دوما

hydrater votre peau sèche ,juste hydrater généreusement c'est la bonne solution

6/حاولو تفادي الصابون اللي فيه رائحة او كحول وعادة الصوابين عامة وعملو حليب منظف اللي فيه نسبة كليسرين او زبدة الكارتي

برنامج متكامل للبشرة الجافة من الخرطال وزيت اركان

المنظف:تلاتة معالف خرطال او شوفان مطحون يتغلى فنصف لتر ما تم يصفى ونحتافظو بيه فالتلاجة ويتستعمل كمنظف

الكوماج: يكون اسبوعي وفيه معلقة فازلين كبيرة او اي كريم مرطبة من اللي كتستعملي مع معلقة صغيرة خرطال مطحون يتعمل ككوماج كينطف ويغدي البشرة بطريقة ممتازة

الماسك الاسبوعى:معلقة زيت اركان معلقة عسل حر واصفر بيضة يترك ربع ساعة تم يتغسل ويتنظف الوجه بمنظف الشوفان تم يغسل وينشف

الكريم Hydratante:كتحضر بالطريقة التالية ناخدو اربعة معالق زبدة الكاريتي جد جد مغدية ومرطبة وصديقة البشرة الجافة ونيفو لها زوج معالق زيت لوز او زيت اركان تدوب فحمام مريم تخدم جيدا تم تحفظ فعلبة ونعملوها ككريم مرطبة طبيعية ديالنا

باللييل يتغسل الوجه بغسول خاص بالبشرة الجافة او دديماكيون تم لوسيون وقبل النوم يتدهن الوجه بخليط الزيوت الاتية:زيت جنين اللقمح زيت اركان زيت الورد

العشا يكون من الافضل شربات متنوعة

اليدين والرجلين يتعمل لهم نفس كوماج الخرطال ويتدهنو بزيت اللوز او اركان الخاص بالتجميل

الشفتين نفس كريم الكارتي

الجسم يتدهن بنفس خليط الزيوت مباشرة بعد الحمام وهو فازك عاد يتنشف باش الجسم يحتفظ بهاد الزيوت والما فالداخل ديالو

ملاحظة
خلال تطبيق هاد الربنامج نعملو واقي شمسي الى كنا خارجين
ونحاولو نعملو des gants اتناء عمل اشغال اللبيت

» خبيرة التجميل مغربية ايمان التازي تحدر من استخدام الصابون على الوجه
» وصفات متنوعة من للا مولاتي متجدد
» وصفات حورية من المحمدية اختصاصية التجميل