ركن خاص بكـــــــل نصائـــــح اللــقــــــاء المفتـــــــــــوح

بارك الله فيك اختي على هده المعلومات ممكن تعيدي وصفة الدجاج لحقاش كاين خلط قلتي ملي اتحمر اتغسل كيفاش

المايونيز بدون بيض

2 فرماجات المثلث - نصف كاس حليب ملح ابزار و نصف كاس زيت

نضع فالخلاط الفرماج و الحليب و الملح و الابزار و نخلط و
نبدا نضيف الزيت كيف فالمايونيز العادي حتى يتكاثف الخليط و نديروه فقرعة و
نوضعوه فالثلاجة و ها هو واجد للاستعمال

بالنسبة للملابس البيضاء يكفي انك ترقديهم
في الماء+ عصير الحامض
بدون ما تستعملي ما جافيل

باش نحيدو الصدأ من الملابس نديرو ليهم الحامض و نخليوهم
فالشمس عاد نصبنوهم

باش تحيدي الخملة من الزربية رشيها
بالملح ..ساعة و عاد شطبيها

الا حفا الموس ديال الخلاط الكهرباء وبغينا نمضيوه تنشدو
مكعبات الثلج وتنيدروهم فيه وتنخدموها

الكونفتير ديال خيزو او ليمون

1 كيلو ليمون نافيل+نصف كيلو حامض+2 كيلو سنيدة + 2 لتر ماء+نصف كيلو جزر

نقشر الجزر و نقطعه دوائر و كدلك الليمون و الحامض و نضع الكل في طنجرة مع
زلافة الماء ونتركه يطبخ ساعة ثم نقطره و نطحنه بالماكينة تاع مطيشة ثم
نعيده فوق النار مع السكر و 2 لتر تاع الماء ونتركه يطبخ على نار مهيلة حتى
نحصل على المربى

اتبارك الله عليك دائما متألقة

لهلا يخطيك علينا اختي

salamo 3alikom.chokran 3la nasa2ih

ana 3ad choft confiture tbarka llah 3lik om ilyas o rayan .lah ya3tik saha.

merci pour tout les femmes elmaghribyat olhadgat 3la tasaih elbsita o fa3ala

ريحانة كتب:: بارك الله فيك اختي على هده المعلومات ممكن تعيدي وصفة الدجاج لحقاش كاين خلط قلتي ملي اتحمر اتغسل كيفاش

إمكن لك تقولي أش من وصفة باش نقدرو نساعدوك

الى بغيتو البوطة و الكيسان يخرجو كيشعلو
رقديهم ليلة كاملة فجافيل و الصابون البلدي و الغذ
مسحيهم بمنديل فيه الحامض

باش تحيدي الخملة من الزربية رشيها بالملح ..ساعة و عاد شطبيها

1-الى كان فالحوايج بقع صدى بالحق ماشي
قديم تنحكو البقعة بالملحة الغليظة وعصير الحامض ونعرضوها البخار من بعد
نديرو ليها صابون ونغسلوها

2- باش نردواللمعان لفراشط ولا المعالق
نشدو لتر ديال الماء نديروه فبانيو ونديرو فيه 2 حفنات النخالة ونزيدو
عليهم الصابون غبرة شي 2 معالق منو ونرقدوهم فالبانيو ونغسلوهم

3-الا حفا الموس ديال الخلاط الكهرباء وبغينا نمضيوه تنشدو مكعبات الثلج وتنيدروهم فيه وتنشعلوه

تبارك الله على لحداكة

Salam
lah ijazikom b 1000 khir w tabrkalah 3la les femmes marocaines
svp 3andi mochkil : tla9 liya wahad l kabot fl hwayaj darto m3ahom f la machine à laver w
khroj liya 3lihom
ila kayna chi wasfa lah irham biha lwalidine
( rah rajal ghadi ytala9ni khrojt lih 3la hwayjo hhhhhhhhhhhhhhhhh)

s-imane كتب:: Salam
lah ijazikom b 1000 khir w tabrkalah 3la les femmes marocaines
svp 3andi mochkil : tla9 liya wahad l kabot fl hwayaj darto m3ahom f la machine à laver w
khroj liya 3lihom
ila kayna chi wasfa lah irham biha lwalidine
( rah rajal ghadi ytala9ni khrojt lih 3la hwayjo hhhhhhhhhhhhhhhhh)

حبيبة حليتي المشكل

وصفة لتبييض الوجه و ازالة البقع

المكونات

ملعقة صغيرة ماء خيزو (نحكوه في الحكاكة رقيقة و ناخدو فقط الماء ديالو)
ملعقة صغيرة عسل حر
ملعقة صغيرة ماء الخيار
2 معالق صغار من دقيق الذرة

الطريقة

نخلطو ماء خيزو و الخيار مع العسل و نبقاو نزيدو الدقيق ديال الذرة شوية بشوية حتى نحصل على عجينة رطبة نديروها على الوجه و نخليوها من 15 دقيقة الى نصف ساعة مع الاسترخاء على الظهر ثم تزال بحركات دائرية و تغسل بماء دافي و تنشف و للحصول على نتائج جيدة ندهنو الوجه بعد الوصفة بماء ورد مخلط مع زيت اللوز مثلا ملعقة من كل واحد و نخليوهم في الوجه حتى نبغيو نخرجو عاد نغسلوه
تستعمل الوصفة 4 الى 5 مرات فالاسبوع و بعد 15 يوم كتبان النتيجة
من الاحسن نديرو حمام بخار للوجه قبل اي ماسك لاعطاء نتائج افضل

ماســــــــــــــــــــك للشعر

المقادير

بيضة / معلقة العسل /2 معالق زيت الزيتون /2 معالق زيت الخرواع / حك دانون مسوس / زيت عافية كتخلطي كلشي و ديريه ماسك لشعرك لمدة ساعتين النتيجة ملي تغسلي شعرك