نكت مغربية كتقتل من الضحك

السلام عليكم ورحمة الله وبركاته

نكت مغربية كتقتل من الضحك Vol12

نكت مغربية

1. هادا واحد المعلم قال للتلاميد دياولو: سولوني أي سؤال وإيلا ما عرفتش نجاوب عليه نعطيكم 100 درهم، وإيلا سولتكوم أنا سؤال وما عرفتوش تجاوبوا عليه عطيوني 50 درهم
الدراري تخلعوا حتى من المجتهدين. شوية ناض الدمدومة ديال القسم رفع صبعو وفرع للمعلم راسو حتى خلاه يهدر، قال ليه المعلم: زيد كاع أشناهو السؤال ديالك؟
قال ليه الكسول: أشناهي الحشرة اللي عندها 9999 رجل؟
المعلم عيا ما يفكر ما عرفش الجواب. وهو يعطي للكسول 100 درهم كيفما اتافقو
ناض المعلم سول الكسول: يالله قول لينا نتا أشناهي هاد الحشرة اللي عندها 9999 رجل؟
قال ليه الكسول: والله أودي ما عرفت، وهو يعطي للمعلم هاديك 100 درهم وقال ليه: هاك هادي، خود 50 درهم ورد علي 50 درهم ديالي

2.واحد الصحفي مشى لسبيطار الحماق باش يدير لقاء مع الطبيب
الصحفي: كيفاش كتعرفو اللي مسطي من اللي بعقلو؟
الطبيب: كنديرو الاختبار ديال البينوار
الصحفي: واشنا هو هاد الاختبار؟
الطبيب: كنعمرو البينوار بالما وكنعطيو للمريض معيلقة، غراف، وسطل. وكنقولو ليه يخوي البينوار
الصحفي: وطبعا إيلا استعمل المعيلقة أولا الغراف كيكون هبيل، وإيلا استعمل السطل كيكون بعقلو
شاف فيه الطبيب وقال ليه: إيوا ف الحقيقة اللي بعقلو غادي يحل السيفون...

3.واحد البنت قالت لباها راه واحد ولد الناس بغى يخطبني وما فيه حتى عيب. قال ليها باها واخا، قولي ليه يجي نشوفو
جا الخطيب وجلس مع بات البنت وهو كيمضغ المسكة وهو يقول ليه الراجل: مرحبا بيك أولدي. ولكن واش ما جاتش ف شكل تمضغ المسكة ونتا جاي تخطب؟
قال ليه الشاب: ولكن أ عمي، المسكة ضرورية من بعد ما يكمي الواحد كارو
قال ليه الراجل: هي كتكمي؟
قال ليه الشاب: شوية وصافي، مع شي كويس ديال الشراب
قال ليه الراجل: وزايدها كتسكر؟
قال ليه الشاب: مرة مرة، ملي كنقمر
قال ليه الراجل: وفين كتلعب القمار؟
قال ليه الشاب: ف واحد الكاباري
قال ليه الراجل: ومن إمتى ونتا كتمشي للكاباريهات؟
قال ليه الشاب: من نهار خرجت من الحبس
قال ليه الراجل: وعلاش دخلتي الحبس؟
قال ليه الشاب: حيت ضربت واحد الراجل بالموس وقتلتو
قال ليه الراجل: وعلاش قتلتيه؟
قال ليه الشاب: حيت ما بغاش يجوجني بنتو
قال ليه الراجل: على بركة الله، نجيبو العدول دابا

هادا واحد المعلم رسم سباط ف السبورة وسول واحد التلميد: أشنو هادا؟
قال ليه الولد: هباط
سلخو المعلم مزيان وقال ليه: لا هادا سميتو سباط
الغد ليه عاود المعلم رسم سباط وسول نفس التلميد: أشنو هادا؟
عاود قال ليه الولد: هباط
عاود معاه المعلم نفس السيناريو شحال من مرة ولا بغى الولد يحفض هاديك سباط. المعلم طلع ليه الدم، وقال ليه: صافي جيب ليا ولي أمرك
منين جات أم الولد، قال ليها المعلم: شوفي أ لالة، راني عييت مع ولدك... ديما كنرسم ليه هادا وكيقول ليه هباط
بقات المرا تفكر شوية وهي تقول ليه: إيوا أشنو بغيتيه يقول ليك؟ هبرديلة؟

نتمنى يعجبكم نكت مغربية كتقتل من الضحك Patch_lf

hhhhh

mrc

تبارك الله عليك ما احاى ان نبدا اليوم بالنكت هههههههههه

hhhhhhhhhhhhhhhhhhhhh chokran

» نكت تموت من الضحك
» صور تموت من الضحك ان لم تضحك ستبتسسم
» شبعة ديال الضحك مع غباوة القدافي