غريبة معلكة بكاوكاو

غريبة معلكة
بكاوكاو

المقادير

5 بيضات
زلافة سنيدة
2 معالق كبار مربى
نصف كاس عنبة زبدة مدوبة
نصف كيلو كاوكاو محمر و مقشر و مطحون
2 خمارات
2 زلايف كوك (نعبرو بنفس الزلافة ديال سنيدة)
سكر كلاصي للتزيين
الطريقة
نخلطو جميع المقادير (ماعدا السكر كلاصي) و نديرو كويرات حسب الحجم اللي
بغينا و نكوروهم مزيان وسط السكر كلاصي ثم نهزوهم بالاصابع و نحطوهم
فاللاطة بلا مانكرصوهم و من الاحسن الطاوة تكون مدهونة بالزبدة ومرشوشة
بالدقيق باش ماتلصقش فيها الحلوى او نفرشو ليها الورق ثم ندخلوها لفرن ساخن
و تكون النار مهيلة تطيب فالاول على وجهها حتى تتشقق و الى احتاجت تطيب من
التحت نطيبوها حيت كتكون خفيفة دغيا كتطيب ثم نخليوها تبرد و نجمعوها
حسب صاحبة الوصفة كتجي معلكة و زوينة و قد ما طالت كتبقى مزيانة