كروصة با لبطا طس هشة ولذيذة

السلام عليكم ورحمة الله وبركاته

هاد كرواصة كنت جربتها في رمضان اللي فات و جات زوينة و رطبة بزاف

و لكن ماكنتش صورتها و دابا هانا جبتها ليكم بالصور و التفاصيل المملة و
نتمنى تعجبكم
*المقادير

رابعة ديال البطاطا مقشرة و مسلوقة و مطحونة فالمكينة ديال اليد

رابعة ديال الحليب

كاس عنبة سنيدة (ماعامرش بزاف)

نصف كاس زيت

ملعقة كبيرة خميرة معجونة مدوبة فشوية من الحليب اللي عندنا

خمارة ديال الحلوى

شوية الملح

دقيق حسب الخليط (اكثر من نصف كيلو)

*التوراق

ماركرين لذة مدوبة (او زبدة عادية مدوبة)

خمارة

فاني

اصفر البيض للدهن

*الطريقة

نخلطو المقادير اللي عندنا مزيان باليد و نبداو نزيدو الدقيق شوية بشوية
حتى نحصلو

على عجينة مجموعة بحال ديال الرغايف ثم ندلكوها (ايلا كانت كتلصق يمكن
ندهنو يدينا بالزيت) من بعد ندهنو العجينة

بالزيت و نديروها على شكل كويرات صغار و نخليوهم يرتاحو شوية

ندوبو الزبدة و منين تدفى شوية نزيدو الفاني و الخمارة و نخلطو مزيان

نورقو الكويرات مزيان بالزبدة و نطويو على اربعة بحال الرغايف و منين نكملو
نرجعو للرغيفة الاولى

و نطلقوها بالزبدة و نديرو الشكلاط ثم نلويو على شكل كرواصة و نديروهم في
لاطة اما مدهونة بالزبدة

و مرشوشة بالدقيق او مفرشين ليها الورق نحطوهم مباعدين بزاف حيت كيزيد
الحجم ديالهم بزاف فالطياب

و نغطيوهم و نخليوهم يخمرو ثم ندهنوهم باصفر البيض و ندخلوهم للفران يطيبو

يمكن نخليوهم عاديين او ندهنوهم بالعسل دافي و نزينوهم بالكوك او حسب
الرغبة

*الطريقة موضحة بالصور