الدجاج محمر ديال الاعراس على الطريقة المغربية بالصحة و الراحة

اليوم جبت ليكم الدجاج محمر بالصور ماما الله يخليها لية متخصصة في الدجاج
المحمر و اللحم بالبرقوق و كسكسو ديال التفاية و السفة
داك الشي علاش تعلمت منها شوية
في الاول كنت نزلت طريقة اللحم و كنت درت كمية بسيطة باش كلشي يزعم
يجربو و كدلك بالنسبة للدجاج غنزل طريقة دجاجة وحدة باش اللي بغا يجربو يزعم
عليه و يكونو المقادير مضبوطة بلا ميخاف

نبداو على بركة الله
حاجتنا دجاجة تكون كبيرة شوية و تكون مغسلولة مزيااان ليلة قبل و تكون
مدهونة بالملح و نخليوها فيها ليلة كاااملة و لغد ليه عاد غنطيبوها
بصلة كبيرة
حزمة صغيرة ديال الربيع
نص حامضة مصيرة ناخدو منها غير اللب و القسرة نخلسوها للتزين
شوية السمن و الزعفران حر
شوية الابزار و السكين جبير و الملح و التومة مدقوقة تقريبا شي 3 ديال التومات
شوية الزيت البلدية أو العادية

http://upload.toleen.com/uploads/ima...e56ff54b9a.gif

الطريقة
ناخد الربيع مقطع و لب الحامض و التومة مدقوقة و الملون العدائي و شوية الابزار
و سكين جبير و شوية الماء باش نخلطو هاد العناصر

https://2img.net/r/ihimizer/img94/2388/img0002cv.jpg

و ناخدو الدجاجة نشللوها
مزيااان من الملح عاد ندهنوها بالتشرميلة و خاص الدجاجة تدهن مزياان بالملون
الغدائي بيه باش في التحمار يخرج لون زوين
و نخليوها شوية تشرب
***في الشرمولة نديرو شوووووووووية الملح صاافي منكتروش ***
و منين تشرب شوية نديروها في كاملية من الاحسن و متكونش وااااسعة بزاف
***منسدوووش عليها في الكوكوط ***

https://2img.net/r/ihimizer/img35/4040/img0006cpf.jpg

و تشلض عليها البصلة و نزيد اللي بقا من الشرمولة و نزيد الزعفران
***الزعفران نديروه في المرق ***
شرمولة تنديرو الملون الغدائي و نزيدو الزيت البلدية و شوية الابزار و سكين
جبير منقليو ما والو فقط نزيدو الماء الكافي تقريبا حتى تبدا تغطا
الدجاجة

https://2img.net/r/ihimizer/img593/4025/img0007sq.jpg

و لكن الكاملية موسعاش بزااف يعني مغنهزش لينا الماء بزاف
غتكون ضيثة شوية باش الماء اللي غنديرو غيغطي شوية الدجاجة
بلا ميكون الماء كتير بزااااف
نتمنى تكونو فهمتو هاد النقطة
و الملح منديروهش في المرق و نسدو الكميلة بي غطاء نكرر
ماشي كوكوط يعني منسدوش عليها بحال الكوكوط بلا طيبنا في
الكوكوط فقط نحطو الغطاء عليها بلا منقفلو
باش متحلش الدجاجة
و نشعلو البوطة و نخليوها حتى طيب و نحطوها بطريقة
أن الصدر هو اللي غيجي من التحت و الضهر من الفوق منين
دوز تقريبا نص ساعة نهزو الغطاء و نخشيو الموس في الفخد
و الا خرج الماء راها مزال مطابت و الا مخرجش راها طابت
و ردو البال الرق ديمة خاصو يكون كتير شوية باش متلصقش الدجاجة

https://2img.net/r/ihimizer/img248/853/img0009yy.jpg

المهم منين طيب نهزو دجاجتنا و ندخلوها للفرن تحمر من بعد
مدهناها بالزبدة أو نقليوها في الزيت بحال الاعراس و تتجي ألد
***طريقة باش نهزو الدجاج من الطاوة هي ناخدة شي
مغرفة كبيرة ديال العود و نخشيو اليد ديالها في بطن الدجاجة
من جيهت العنق و نحزوها ***
لاخضو في الطاوة بقا لينا المرق كتير شوية نزيدو فيه عنق
و الجوانح و الكبدة و القلب و الكنصة و نغطيوها حتى يطيبو

https://2img.net/r/ihimizer/img839/9574/img0011zx.jpg

و يتقلى المرق بحال هكدا عاد ندوقو الملح الا خاص نزيدو شوي

http://store2.up-00.com/Nov10/UTV93466.jpg

و منين تتحمر الداجة نحطوها في الطبسيل
و نزيدو لاصوص و نزينو بقشرة الحامض و الزيتون
بالصحة و الراحة

https://2img.net/r/ihimizer/img543/2004/img0475zr.jpg

االله يعطيك الصحة بالنسبة الملون الغدائي انصحك ما تستعمليه لانه له اضرار كثيرا على الصحة من الافضل ان تستعملي خرقوم انه جيدا وله منافع للصحة انااستعمل غير الخرقوم في حالات قليلة ونادرة استعمل القليل منه لكنوا الضياف ولافي البغرير فقط ا

شكرا على النصيحة اختي

لا شكر على واجب هل تقبلي ان اكون لك صديقة مقربة واحكي لك عن اسراري وتفيديني بنصائحك لااعرف لما ارتاح لك قلبي

طبعا اقبل
انا زينب من افران 23 سنة معلمة بالتعليم الخصوصي و انت

انا رجاء من مدينة سلا ربة بيت سني خمسة وعشرين سنة ام بما تنصحيني يامعلمة بالتعامل مع ابني

كم عمره

في شهر اربعة يكمل سبعة سنين

الله يحفظو ليك تعاملي معه بليونة و حب و لا تستخدمي اسلوب الصرامة معه كوني لينة في تعاملك و كوني قدوة له

عندوا الاول اساسي يدرس في التعليم الخصوصي راكي عارفا مقرر شوية صعيب بغيتو يقرا يكون عندوا لباز مزيان لكنتي تتعرفي شي منتديات يسعدوني في الفرنسية واللغة العربية نورينيا لله ينورك ويعطيك شي ولد الناس وذرية الصالحة

ايوى فيها شوية العداب لكن ماعليهش غادي نكلها محمرة انشاء الله,الله يعطيك الصحة