ديميلور طبيعي

السلام عليكم ناس العزاز علي كيف راكم انشاء تكونوا بخير.اليوم جبت ليكم وصفة كنت ديما كنستعملها و الله حتى تيبقى الشعر رطب و ما تيكون مشوك بسبب الشامبون
لمهم غادي يخصكم: غاسول تاخدوه من عند العطار خليوه ينشف مزيان في الشمس و الى كانت فيكم الزربة بحالي سخنو الفران و طفيوه و دخلوه ينشف.
خدوا درهم من الحاجة :ريحان+الخزامة+الورد البلدي+حبات قرنفل غلوا لتر من الماء و خلو العناصر يغلو شي 5دقايق ثم تتصف و نضيفو ه على الغاسول و تبدو تخلطو مزيااااااااااااان حتى يولي مطلوق و رطب بحال عجينة ديال الكيكة و الى خصكم الماء سخنوه و زيدوه.سرحو الخليط في لاطة بحيث يكون السمك ديالو 1سنتيمتر حطوه ينشف في الشمس. و من بعد غسل الشعر بالشامبون خدو شوية فزكوه بالماء دافئ و استعملوه بحال الديميلور و قولوا باي باي التشواك الناتج على المواد الكيميائية اللي في الشامبون.
ما تنساوني بالدعاء و ردو علي الاخبار.في امان الله

شكرا الله يعطيك الصحة