ياغورت بطريقة جديدة بالتفصيل

اليوم جبتلكوم ياغورت روعة تيجي بحال اللي كيتباع 100/100 عاقد مزيان ولذيذ وكلما كيبرد كيزيد يعقاد انا متأكدة الى جربتوه مغاديش تستغناو عليه حيث جربت بزاف ديال الوصفات ديال الياغورت بصح متيجيش عاقد مزيان المهم بلا منطول عليكم جربوه وشفوا نتوما فالمقادير كنحتاجوا


*علبة حليب مركزمحلى
*نفس العلبة ماء غليان
* نفس العلبة 2 مرات نعبروها حليب سائل
*1فاني
*1دانون فاني او بنان او طبيعي



نخلطوا نسلي مع الماء غليان و الفاني





من بعد نضيفوا دانون والحليب





كنعمروا الكيسان ونستفوهم فالكوكوت ونخويوفيها الماء طايب حتى لنصف ونسدوها ونديرولها الصفارة وغطيوهامزيان ونحطوها فشي مكان دافي شي 6 ديال الساعات انا كنديروا الصباح لعشية كيكون واجد

بصح واش الحليب يكون بارد او سخون واش نطربوه بالطراب الكهرباء

وسمحلي كثرت عليك الاسئل وشكرا بزاف

الحليب بارد
كنطربو بbatteur

شكرا بزاف اختي واكيد غادي نجربو

بارك الله فيك