شليضاتي إلى قبلتو عليهم

أنيقاتي العزيزات ليوم عندي ليكم اليوم 3 سلطات عائلية لذيذة
ومغدية كنتمنى يعجبوكم لكن بالله عليكم ادعوا مع بالشفاء العاجل .
المقادير :
جزرات مقطعين و مبخرين
4 بطاطات مقطعين و مبخرين
علبة درة
حك طون
200 غ روز مسلوق مع ملح
شوية جلبانة مسلوقة
4 باربات مسلوقين و مقطعين
زلافة متوسطة مايونيز منزلي
4 مطيشات مقطعين
وممكن تغيري في الخضر بحساب لي عندك في الدار

كنخلطو الروز مع الجلبانة و الدرة و الطون و المايونيز و نضيفو شوية عصير الحامض نخلطو جيدا

ثم نتبلو الخضر ديالنا بالملح والإبزار و الربيع و زيت الزيتون و عصير الحامض
ثم نبداو نقادو في السلطة ديالنا بحسب الدوق هنا أنا حطيت ليكم بعض الأفكار ديال ديكورسيون على قد الحال نتمنى تعجبكم









المايونيز :
بيضة ،رشة ملح ،رشة إبزار ،ملعقة ص موتارد ،كأس زيت ,ربع كأس صغير خل

الطريقة :كناخدو مولينيكس نديرو فيها: بيضة ،موتارد ،ملح ،إبزار ،الخل نطحنوهم مزيان ثم نبداو نضيفو الزيت بشوية بشوية حتى يعقاد المايونيز



في الأخير كنتمنى يعجبوكم شليظاتي