شكون بغات معايا حليب الصوجا لتكبير الصدر

السلام عليكم أخواتي العزيزات

إن شاء الله تكونو كاااملين بتمام الصحة و العافية

إلا كنتو من صاحبات الصدر المسطح أو شبه منعدم أتتمتاو تكبرو الصدر ديالكم و تهناو من هاد العقدة نهائيا ... أنا اليوم بغيت نقتارح عليكم نبداو واحد الحملة ضد الصدور المسطحة هههههههه

قريت بزاف على الفوائد ديال حليب الصوجا و قلبت فالعديد ديال المنتديات على التجارب ديال البنات اللي عطا معاهم نتيجة وكبر الصدر ديالهم , فقررت أنني نكتب ليكم عليه و نقترح عليكم نبداوه كاملين و كلا وحدا فينا تقول لينا على التحسن اللي حسات بيه

أولا بغيت نشير لأن الصوجا عندها فوائد كثيرة , لكن لي تيهمنا حنا هو أنها غنية بهرمون الأستروجين المعروف بالهرمون الأنثوي , الشيء اللي تيعاون فتكبير الصدر بالإضافة لأنها تتحد نساقط الشعر , تتقوي الأظافر , تتصفي البشرة و أكدات العديد من الدراسات أن النساء اللي تيتناولوها هن أكثر حيوية و أقل عرضة لمجموعة من الأمراض الخبيثة من مجملها سرطان الثدي ,, لذا أخواتي ماكاين حتا تخوف منها ’ حيث كاين النساء اللي عوضو الحليب العادي بحليب الصوجا نظرا للفوائد المتعددة اللي عندها ... أما بالنسبة للنساء اللي تبخافو من زيادة الوزن , فأنا قريت أنها بالعكس تدخل فالحميات لي أنها تتعاون فنقص الوزن طبعا إلا تم الإستعمال ديالها ضمن نظام غذائي معين ..... إوا شنو بغيتو مزال هههههههه

حليب الصوجا متوفر فالمحلات التجارية بحال مرجان , و يمكن ليك تصايبيه فالدار إلا بغيتي ... أنا إن شاء الله مقررا نبدا نصاوبو فالدار , من الأحسن إكون طبيعي .. بالنسبة اللي متتعرفش تصايبو تقولها ليا إن شاء الله نكتب ليها الطريقة بالتفصيل

ندوزو دابا لطريقة الإستعمال , غادي نشربو إن شاء الله كأس إلى كأسين فاليوم .. واحد فالصباح على الريق و واحد قبل النوم ,, هادي هيا الطريقة اللي لقيت بزاف ديال الينات تابعوها ,, إن شاء الله تجيب معانا نتيجة

بالإضافة لشرب الحليب , قريت الموضوع ديال واحد الأخت اللي قالت أنها استاشرات أخصائية وقالت ليها أن دهن الصدر بحليب الصوجا هوا اليي تيجيب نتيجة فعلية و نصحاتها تعمل مساج للصدر ديالها بيه ,, فقررت إن شاء الله أني إضافة لشرب الحليب غادي نبدا ندير بيه مساج أيضا , عسى و لعل تكون عليه نهاية هاد المشكييييييل ههههههه

إوا أخواتي العرض قائم و اللي بغات تبدا معايا ألف مرحبا بيها تحت شعار لا للصدور الصغيرة و نعم لأنوثة متكاملة هههههههههه

وشكراااااا