وصفات اللقاء المفتوح تجديها هنا

شوربة الدجاج بلاكريم فريش

المقادير
علبة كريم فريش
نصف دجاجة
2 بصلات كبار مشلضين
30 غرام زبدة (ملعقة كبيرة)
ملح + بزار
2 معالق كبار معدنوس مقطع
في كوكوت نديرو الزبدة و البصلة ونخليوها تتشحر ثم نزيدو الملح و البزار و الدجاج و نقليو الدجاج شوية ثم نزيدو الماء باش يطيب تقريبا كاس و نسدو عليه يطيب تقريبا عشرين دقيقة
منين يطيب الدجاج نزولوه و نطحنو البصلة فالخلاط و نردوها للطنجرة و نفرتتو الدجاج و نزيدوه عليها و نخليوه يغلي شوية ثم نضيف المعدنوس ثم لاكريم فريش ونخليوها تغلي جوج غليات فقط ثم نطفيو عليها و نديروها فزليفات ونزينوها بلاكريم فريش مطربة بلا سكر و تقدم بالصحة والراحة



عصير باللبن و الفواكه

*المقادير
1 لتر لبن
3 حتى ل4 حبات كرموص
2 خوخات
ربع سويهلة
سكر حسب الذوق
نطحنو جميع العناصر في الخلاط الكهربائي و نديرو العصير يبرد و يقدم بالصحة و الراحة كيجي المذاق ديالو غزال

عصير خيزو و البرتقال من السيدة بشرى (تطوان)

المقادير
6 حتى ل7خيزوات مقشرين و مصلوقين
8 برتقالات معصورين
راس ملعقة قرفة
1 فاني
ملعقة مازهر
ياغورت فريز
سكر حسب الذوق
الطريقة
بعدما يبرد خيزو نديروه فالخلاط بالماء ديالو و نزيدو عصير البرتقال و العناصر الاخرى و نطحنو كلشي مزيان و نديروه فالثلاجة يبرد ثم يقدم بالصحة والراحة السيدة بشرى قالت انه كيجي زوين بزاف



رايب

المقادير
لتر ماء
لتر حليب ولزم يكون حليب عبار
2كؤوس حليب غبرة
ياغورت بنكهة الفاني ولزم يكون عاقد
خنيشة فاني
4 الى5 معالق سكر مهم حسب الدوق
الطريقة

ناخد الماء ونوضعوه في الخلاط الكهربائي مع الحليب غبرة ولياغورت ولفاني ونخلطو جيدا ونوضعو الخليط في سطل يكون محكم الاغلاق

ونفيض الحليب ونخويوه حتى هو في السطل ونسد مزيان الى كان الجو سخون يبقى في الكوزينة عادي حتى لصباح والى كان البرد نغليو الماء ونصبوه في بانيو ونوضعو فيه السطلونغطيوه حتى لصباح
وفي صباح يدخل الثلاجة وتكال بارد

مطيشة الحك

المقادير
5 كيلو مطيشة ومن الأحسن تكون الطويلة وتكون حمرا
بصللة متوسطة وحدةمقطعة على2
قبصة قزبر ماشي المعدنوس
قليل من الحبق
عويدات فقط نتاع لكرافص
80 غ ملحة لغليضة ضرورية
وزيف حياتي
الطريقة
نغسلو مطيشة مزيان ونوضعوها في طاوة فيها ماء غليان من بعد منزولوهامن الماء نحطوها فوق شي فوطة
نقشروهم ونوضعوهم في الكوكط وتكون بين مهيلة ومتوسطة والكوكوط تكون تقيلة وناخد مغرف لي تنحرك بيه ونحاول نفتتوها ونخليوها تطيب مدة نصف ساعة ومن بعد نصفيوها ونحتافض بالما ديالها جانبا وناخد اللب نطحنوه في الخلاط غادي نحصلو على عصير نحتفض بيه مدة ساعتين بحيت يتعزل الما منها وناخد الما تاني ونخلطوه مع لول ونوضعوهم فوق النار وناخد زيف دحياتي ونعملو فية باقي المقادير ونعقدو مزيان ونوضعوهم في وسط الما المصفى نتاع مطيشة ونخليوه حتى ينقص الما ويبقى القليل ناخد الكموصة ونعصروها مزيان ونزولوها ونضيف 80 غ ديال الملح في الما ونبقاو نحرك حتى تدوب الملحة كلها ومن بعد نضيف اللب نتاع مطيشة لي كنا حتفضنا بيهونحرك مزيان حتى يزول منها الما مزيان ونوضعوها في قراعي معقمة ونديروها في الكوكوط باش يتسد مزيان أو نغليو الما ونوضعوهم فيه على وجههم باش يتسد ومن بعد نحتافض بيها مدة 3الأيام عاد تستعمل

لعسل

المقادير
قالب سكر
لتر ماء
ربع حامضة
خنيشة أتاي أسود
قرفة عواد
نصف كاس ماء الزهر
10 دراهم شهدة لعسل
الطريقة
ناخد القالب نهرسوه ونوضعوه مع الما في الكوكوط ونخليوه حتى يدوب ونزيدو عليه ربع الحامضة وأتاي......وناخد الشهدية ونلفوها بزيف حياتي ونوضعوهافي الكوكوط وتكون على نار مهيلة ونسد مزيان وملي تصفر الصفارة نحسب 10 دقايق ونحلو عليه الا وجدناه مزال جاري نزيدو حتى لعبار لي بغينا وهاهو واجد

طبق من الأخت زبيدة وهو الدجاج على الطريقة المشرقية

كناخدو الكوكوط نحكو فيها2 مطشات كبار+نص كاس زيت +1 حبة الهيل -هي قعقلة -بالدارجة +3 حبات قرنفل + 4 تومات+زعفران شعرة أو الأخر +عود القرفة+ملح نخلطو الكل ونشرملو فيه الدجاجة ونسدو عليها تطيب غير بماها على نار مهيلة من بعد نزولو الدجاجة نحمروها فالفران أو نخلوها كيف هي ولاصوص لي بقات نديرو فيها زلافة دالروز أو حسب الأشخاص و2 زلايف ماءونشعلو عليهم نار مهيلة حتى يطيب وينشف نديروه فطبق التقديم ونزينوه بالدجاجة ولوز محمر إلا واجد
للإشارة :لقامة كلها تكون صاينة ممطحوناش

عصير مشكل

المقادير
2 تفاحات مقشرين
2 بنانات مقشرين
2 خيزوات مقشرين
2 برتقالات مقشرين
2 برتقالات بالقشور ديالهم
سكر حسب الذوق
الطريقة
نقطعو الفواكه و خيزو و نديروهم في كوكوت مع نصف لتر ماء و نسدو عليهم مدة 20 دقيقة ثم نخليوهم يبردو و نطحنوهم مع سنيدة ثم نزيدو عليم 2 لتر ماء و نخلطو مزيان ثم نصفيو العصير و نديروه فالثلاجة يبرد و يقدم بالصحة والراحة




عصير بالخوخ و البنان

المقادير

كيلو خوخ
نصف كيلو بنان
1 لتر عصير برتقال
سنيدة حسب الذوق
الطريقة
نقشرو الفواكه و نقطعوها و نطحنو كلشي في الخلاط الكهربائي و نديرو العصير يبرد ثم يقدم




الشهدة

المقادير
كاس عنبة حليب
ربع كاس زيت
4 معالق كبار حليب غبرة
كاس دانون فاني
كاس ماء دافي
3 معالق كبار سنيدة
شوية الملح
ملعقة كبيرة خميرة معجونة
دقيق حسب الخليط (نخلطو الفورص مع سبيسيال)
طريفات شكلاط للتزيين
الطريقة
نخلطو العناصر اللي عندنا مزيان ثم نزيدو الدقيق شوية بشوية حتى نحصل على عجينة لينة نخليوها ترتاح نصف ساعة ثم نديرو منها كويرات صغار و نديرو وسط كل كويرة طريف ديال الشكلاط و نستفوهم في لاطة مدورة مدهونة بالزبدة و مرشوشة بالطحين يكونو متباعدين شوية و نخليوهم يخمرو تقريبا ساعة ثم ندهنوهم ببيضة مطربة و نرشوهم بالجنجلان و ندخلوهم للفران يطيبو و يتحمرو و ها الشهدة ديالنا واجدة بالصحة والراحة