ركن خاص بوصفات med radio الوصفات المطبخية

حلوة اللوز

عقدة اللوز راها معروفة - علبة حب الملوك صاين (فيه الحبات صاينين)-الشكلاط الابيض
خذي كزيرة من العقدة بسطيها بالكف وخذي حبة سوريز حطيها وسطها وسدي عليها ثم غطسي الطويرة في الشكلاط مستعينة بالكوردون وممكن تزينيها من بعد بعقيقة او لوز مهرمش حسب ذوقك
واذا جاتك الكويرة كبيرة ممكن تقسميها على 2 كتجي رائعة بداك اللون الاحمر في الوسط بحال العين

حلوة كاوكاو

العقدة:

نص كلغ كاوكاو محمر ومقشر ومطحون-نص كلغ سنيدة-شوية زبدة-شوية قرفة-شوية ماء الزهر
العجين:
نص كلغ فورص-نص رابعة زبدة نعجنوهم بماء الزهر نورقوها بالماكينة
نعمل طبقة عجين ونعمل فوقها طبقة عقدة ثم طبقة اخرى دالعجين ونقطعها شرائط في طول الاصبع واقل منه في العرض ونلوي داك الباطوني كيف الحلزون وتدخل الفرن

غريبة بالكوك والسميدة
المقادير: 500غ كوك - 200غ سميدة رقيقة - 350 غ سكر كلاصي- قشور حامضة محكوكة- 5 بيضات - نصف كأس صغير زيت -نصف كأس صغير زبدة مذوبة- خمارة
الطريقة: في إناء نضع الكوك معة السميدة ثم نضيف السكر كلاصي وقشور الحامض والبيض ونخلط ثم نضيف الزبدة والزيت ونتركها ترتاح مدة ساعة ثم نضيف الخمارة ونعمل منها كويرات نفندها في السكر كلاصي ثم نعملها في لاطة مدهونة ثم ندخلها الفرن طيب

حلوة عين الجمل

نض كلغ كوك/حك نيسلي/فيرميسيل اسود/شكلاط اسود/علبة ديال حب الملوك
نكحن الكوك ويجمع بنيسلي ناخذ كويرة ونبسطوها برضه بكف اليد ونحط وسطها حبة حب الملوك ونكورها ونديرها في الشكلاط ثم الفيرميسيل ونديرها في الفريكو حتى تشد راسها ومن بعد نقسمها على 2 بموس مغطوس في ماء مغلي. شكلها كيجي رائع

قريشلات من غير ماء

كلغ فورص-2 كؤوس زيت (نعبار بكاس دانون)-2 كؤوس سنيدة-2 خمارات-2 فاني-2 كؤوس كبيرة عصير الليمون-الزنجلان-النافع-125غ زبدة-
تعجن حتى ترطاب عاد نحربلوها وتقطع وتدخل الفرن

*دجاج منسم :
دجاجة مقطعة طرايف نفلحوها فجميع الجوانب+10 حبات قاع قلة +7 أوراق سيدنا موسى +ملح وإبزار +سكنجبير+زعفران حر أو خرقوم ونوضعوها فالكوكوط على نار مهيلة لمدة 1/3 ساعة ومرة مرة نبقاو نحركو الكوكوط ممكن نديرو طرايف الدجاج فلاشبلور ونقليوهم ونزيدو معلقة نش على المرق حتى تعقاد
*غريبة:
6 بيضا2ك زيت2ك سنيدة+ك سميدة رقيق+2 خميرات +1/2 كلغ كوك +1/4 لوز مطحون + شكلاط فرمسيل.نخلطو الكل عدا الخميرة والفرمسيل نخليو العجينة ترتاح 1/4 ساعة عاد نزيدو الخميرة والفرمسيل نديرو منهم كويرات نمرروهم فما زهر والسكر كلاصي نديروهم متباعدين ونطيبوهم

حلوى سوداء بالكريمة

200 غرام زبذة مذوبة
200 غرام سنيدة
200 غرام طحين
3 بيضات
2 خمارات
3 معالق كاكاو مذوب في شوية الماء
نخلط الكل و نكبوه في مول تم نرمي الشكلاط مقطع طريفات تم الكركاع و ندخلها للفرن حتى تنضج

الكريمة

100 غرام شكلاط اسود
100 غرام سنيدة
100 غرام زبدة
4 معالق كبار حليب
نخلط الكل على عافية مهيلة و نكبوه على وجه الكيكة ملي تنضج و نزوقوا بقطع الكركاع

حلوى للفطور

4 بيضات
زلافة زيت
2 خمارات
2 معالق صغار بيكاربونات الصودا
زلافة سنيدة
3 معالق كبيرة عسل
نخلط الكل و ندهن لاطة مدورة بالزيت و نكوروا كويرات من العجين بحال حلوى الشهدة تم ندهن الوجه بالصفر و ندخلها للفران

كيكة بالحامض

4بيضات
كاس زيت
2 كيسان سنيدة
حامضة مجمدة ليلة
4 خمارات
لفني
3 كيسان طحين

الطريقة

نحكوا الحامضة كلها
نطرب البيض مع السكر تم الزيت و الفاني و الحامضة تم الباقي من المقادير و نصبها في مول و ندخلها تنضج
و من بعد مابردات نسرحوا عليها الناباج
كاس صغير سكر كلاصي
بياض 2 بيضات
2 معالق عصير البرتقال
ملعقة كبيرة قشور الحامض او الليمون
نطرب الكل مزيان و نسرحه على الوجه و نرشوا بقشور الحامض

طورطة مالحة

500 غرام طحين
50 غرام زبدة
اصفر بيضة
زلافة حليب

نخلط المقادير و نجمعها بالحليب و نتركها ترتاح

الحشوة
500 غرام كفتة دجاج او لحم من الاحسن اللحم
زلافة خبز محمص شبلور
2 بيضات
1 كنور
120 غرام زبدة
ملح ابزار
2بصلات مشلظين
الربيع

في مقلاة نضع الزبدة و كنور و البصلة حتى تتشحر تم الكفتة والشبلور
و الربيع و الفرماج تم نحيدوها من العافية و نطربوا البيض و نضيفه

نسرحوا العجينة الى قرصين
الواحد نلبسوه للمول و نتقبه و نفرشوا الحشوة و نغطيها بالقسم التاني ديال العجين و ندهن الوجه بالصفر و نشكلوا اشكال بالعجين اللي بقا لينا و نلصقوهم بالصفر و ندخلها للفران

تحضير الورقة

ربعة فورص نعجنوها بالماء مع الملح تكون بحال عجين السفنج تم نرخفوها بالماء
تم نطحنها في مولينيكس حتى الحصول على عجين شبه البغرير

تم في كاسرونة فيها الماء حتى يسخن تم نحطوا عليه مقلاة تيفال و نبقاو ناخدوا الخليط بالشيتة تم كل ورقة نذهنها بالزيت

طورطية بالدجاج

صدر دجاج مقطع شرائح و مقلي
البطاطا مقطعة مربعات و مقلية
2 معالق لبابة الخبز مرطبة في الحليب
3 كيري
4 بيضات
نطرب البيض و نضيف العناصر كلها مه الملح و الابزار و ندخلها للفرن بعد مادردرنا على الوجه الفرماج محكوك

الحاجة زهرا_دجاجة منسمة باليازير وزعيترة
دجاجة ديال 2 كيلو ونص مغسولة مقطعة على 6_
نص رابعة زبدة
كاس عنبة ماء
معلقة يزير مطحون ومعلقةزعيترة مطحونة
ضامة البنة،زعفران زغبة_دالطريقة_نخلط التوابل نمرمد فيه الدجاجة ثم ناخد لاطة نوضع الدجاج ثم ثم الماء ندهن بالزبدة نغطي بورق الاليمنيوم ندخلو لفرن يطيب علي عافية متوسطة في هذه الاثناء ناخد 3 بطاطات 3 خيزوات كاس جنبالة نقطعهم نصلقهم بالملح ثم نصفيهم نشحرهم مع شوي ابزار والزبدة ثم نوضع في الطبق بالصحة والراحة

كيكة

_4بيضات ،2 ك سنيدة ،2 ك زيت ،5 ك طحين،2 خمرات،2 دراهم كاكاو ،قرعة المونادا كوكا صغيرة _نخلط الكل نوض ي المول ندخلها لفرن لتزيين دانون شكلاط_شكلاط مدوب حين نخرج الكيك نصب عليها لشكلاط بالصحة والراحة

حلوة
_كيلو كاوكاو اخضر مطحون،8 البيضات،2 خمرات،نصف كيلو سنيدة،200غ كوك،كاس زيت، نخلط لكل نتركها 10 دقائق نكورها نمرمدها في سكر كلاصي

حليوة2
_2 بيضات،2 ك زيت،2 ك سنيدة،250غ زبدة،ك كوك،الطحين حس الخليط نكورها ثم ناخد لو فسخ نوضعو وسط منها عاد نكورها ثم ندهنها بصفر البيض دخلها للفرن

كيكة بالفواكه

3 بيضات
كاس زيت
كاس سنيدة
ياغورت بنان
3 خمارات
طحين حسب الخليط
نخلط حتى الحصول على كيك نكبوه في مول و ندخلها للفران غير مدة 5 دقائق غير تبان ليك كتطلع تم تخرجيها و تستفي التفاح مقطع بحال
الفريت تم البنان مقطع دوائر تم ترجعيها للفران تكمل الطياب حتى تتحمر
تم تسقى بالسيرو تم خيوط ديال شكلاط اسود

قالت بان الفواكه كتكون في الوسط و كتجي بنينة

كاشير

6بيضات + كاس سميدة الرقيقة + كاس روز مصلوق + زيتون بلا عظم + ملعقة صغيرة

الهريسة + ضامة البنة + ملون احمر + 2 فرماجات مثلثين + ورقة سيدنا موسى + ملح +

اليبزار.

الطريقة : يوضع الكل في مطحنة كهربائية ويطحن ثم نضعه في ميكة ديال سباكيتي ونغلقه

جيدا بخيط ونضعه في كوكوت فيها ماء ساخن تصلق لمدة نصف ساعة. وبعده ناخذه ونضعه

في الثلاجة يبرد وبالصحة و الراحة.

عصير الجزر

4 جزرات مصلوقين في 4 كؤوس الماء + عصير البرتقال + فرماجة + دانون الفاني + بنانة +

سكر على حسب الذوق.

الطريقة : يطحن الجزر بالماء ديالو ثم نضيف باقي المكونات الاخرى تطحن كذلك وبالصحة

والراحة

قريشلات صغار مالحين

250غ الزبدة + 2/1 لتر حليب + كاس صغير الزيت + 4 قطع الجبنة مربعين او

مثلثين + 1 خمارة + شوية الملح + 2/1 ملعقة صغيرة اليبزار + 2 معالق زعتر

محكوك + 2 معالق كبار الموطارد + 1ملعقة صغيرة الهريسة + الدقيق على

حسب الخليط.

الطريقة : يخلط الكل ويتعملو حريبلات رقاق ثم يتقطعوا صغار ثم الى الفرن

كريصات معمرين

100غ لوز مصلوق ومقلي ومهرمش + 100غ الزبيب مقطع صغير + 100غ تمر

مقطع صغير + رابعة سنيدة + رابعة الزبدة + 50غ الخميرة + فاني + 2/1 ملعقة

صغيرة الملح + 4 بيضات +الدقيق حسب الخليط. تعجن بالماء وتكون مثل عجينة

المسمن ونخليوهم يخمرو شي نصف ساعة .ثم نعملوهم كريصات ثم نخليوهم يخمروا ثم

ندخلوهم الى الفرن يكونو مدهونين بصفار البيض ونسكافيه ولما يطيبوا نصف طياب

نخرجوهم وندهنوهم بالزبدةنقصناها من المقادير ثم ندخلوهم الى الفرن.

كيكة مسقية
3 بيضات
2 خمارات
2 كيسان طحين
كاس سنيدة
100 غرام شكلاط خبرة
كاس ماء بارد
كاس زيت
ناخدو كاسرونة نديرو فيها ماء وزيت وكاكاو و سنيدة نخليوهم حتى اعقدو شوية نحطوه على جانب
ناخدو اناء نطربو فيه البيض ونزيدو الخليط الاول بعد ما نقصنا كاس من الخليط ونطربو ونزيدو دقيق و الخميرة نخلطوهم وندخلوها للفران طيب فاش نخرجوها نسقيوها بداك الكاس لي خلينا فيه الخليط ونرشوها باللوز مهرمش

كرص بلبطاطة
رابعة البطاطة مصلوقة ومطحونة
2 بيضات
1 فاني
1 خمارة
شوية خميرة
كاس حليب
كاس سنيدة
كاس زيت
شوية ملح
طحين حسب الخليط
ناخدو بطاطة لي طحنا نزيدو عليها جميع المقادير نخلطو ونزيدو طحين تجي ماجرية ما قصحة نخليوها ترتاح نصف ساعة نكورها على شكل كريصات وندهنوها بالبيض وندخلوها لفران و التزين حسب الدوق اما بكونفتير و الكوك

طياب ديال الاطفال

الزيت اللي قلينا فيها البطاطا نبقاو ندهن بيها جلد الاطفال 2 مرات
قالت ان النتيجة مضمونة فورا

لكلاص بي بوريسيما

حك بوريسيما
نص كيلو فريز
سكر حسب الذوق
نطحن الكل في مولينيكس تم نعمروا الكيسان و ندخلوهم للمجمد
و عند التقديم نزوقوا الوجه بالكنفتور ديال الفريز

لكلاص بالفرماج

حك لكريم فريش
حك فرماج سائل
125 غرام لوز محمر
125 غرام سنيدة
125 غرام شكلاط ابيض

نطحن اللوز مع السكر مزيان تم نضيف اليه الشكلاط المذوب تم نضيف لكريم فريش تم الفرماج و نخلط جيدا تم نعمروا الكويسات
و ندخلهم للتلاجة

شكلاط تاختيني
100 غرام زبدة
100 غرام شكلاط اسود
حك نسلي

في حمام مريا نذوبوا الزبدة تم نضيف الشكلاط مع التخليط تم نسلي و نحركوا مزيان تم نعمروا في قرعة و نحتفظ به

ياغورت

اترو حليب
النصف نتركه بارد و نضيف له نص كاس نيدو +نص كاس سنيدة و نخلط جيدا تم نضيفه الى النصف اللي سبق و فيضناه وخليناه يدفئ و نحركوا
مزيان و نعمروا الكيسان تم نشعلوا الفران يسخن شوية و نطفيو عليه و نخليو فيه الكيسان حتى الغد
تم ندخلهم للتلاجة و يقدم

» ركن خاص بوصفات ميد راديو
» كروصة بطريقة المسمن
» صلصة الشاورما MED RADIO